ਕੇਂਦਰੀ ਪ੍ਰਦਸ਼ਣ ਨਿੰਯਤਰਣ ਬੋਰਡ ਦੀ ਅਗਵਾਈ ਵਾਲੀ ਟਾਸਕ ਫੋਰਸ ਨੇ ਕਿਹਾ ਹੈ ਕਿ ਰਾਜਧਾਨੀ ਵਿਚ ਹਵਾ ਦੀ ਗਤੀ ਘੱਟ ਹੋਣ ਕਾਰਣ ਪ੍ਰਦੂਸ਼ਣ ਵੱਧ ਸਕਦਾ ਹੈ।
ਨਵੀਂ ਦਿੱਲੀ , ( ਭਾਸ਼ਾ ) : ਰਾਜਧਾਨੀ ਦਿੱਲੀ ਵਿਚ ਦੀਵਾਲੀ ਤੋਂ ਪਹਿਲਾਂ ਅਤੇ ਉਸ ਤੋਂ ਬਾਅਦ ਹਵਾ ਬਹੁਤ ਜ਼ਹਿਰੀਲੀ ਹੋ ਸਕਦੀ ਹੈ। ਕੇਂਦਰੀ ਪ੍ਰਦਸ਼ਣ ਨਿੰਯਤਰਣ ਬੋਰਡ ਦੀ ਅਗਵਾਈ ਵਾਲੀ ਟਾਸਕ ਫੋਰਸ ਨੇ ਕਿਹਾ ਹੈ ਕਿ ਰਾਜਧਾਨੀ ਵਿਚ ਹਵਾ ਦੀ ਗਤੀ ਘੱਟ ਹੋਣ ਕਾਰਣ ਪ੍ਰਦੂਸ਼ਣ ਵੱਧ ਸਕਦਾ ਹੈ। ਅਜਿਹੇ ਵਿਚ ਨਵੰਬਰ ਦੇ ਪਹਿਲੇ 10 ਦਿਨਾਂ ਤੱਕ ਦਿੱਲੀ ਨਿਵਾਸੀਆਂ ਨੂੰ ਸੈਰ ਅਤੇ ਕਸਰਤ ਤੋਂ ਦੂਰ ਰਹਿਣਾ ਚਾਹੀਦਾ ਹੈ।
ਮਾਹਿਰਾਂ ਦਾ ਮੰਨਣਾ ਹੈ ਕਿ ਹਵਾ ਦੀ ਘੱਟ ਗਤੀ ਕਾਰਨ ਪੰਜਾਬ ਅਤੇ ਹਰਿਆਣਾ ਤੋਂ ਪਰਾਲੀ ਜਲਾਉਣ ਦਾ ਪ੍ਰਦੂਸ਼ਣ ਦਿੱਲੀ ਐਨਸੀਆਰ ਦੇ ਅਸਮਾਨ ਵਿਚ ਫੈਲ ਸਕਦਾ ਹੈ। ਸਵੇਰੇ ਵੇਲੇ ਤਾਪਮਾਨ ਘੱਟ ਹੋਣ ਕਾਰਨ ਇਹ ਪ੍ਰਦੂਸ਼ਣ ਛੇਤੀ ਦੂਰ ਵੀ ਨਹੀਂ ਹੋਵੇਗਾ। ਇਸ ਤੋਂ ਇਲਾਵਾ ਤਿਉਹਾਰਾਂ ਦੇ ਮੌਸਮ ਨੂੰ ਦੇਖਦੇ ਹੋਏ ਆਵਾਜਾਈ ਵੀ ਵੱਧ ਹੋਵੇਗੀ। ਸੁਪਰੀਮ ਕੋਰਟ ਵੱਲੋਂ ਪਟਾਖਿਆਂ ਤੇ ਪੂਰੀ ਤਰਾਂ ਰੋਕ ਲਗਾਉਣ ਦੇ ਬਾਵਜੂਦ ਦੀਵਾਲੀ ਦੌਰਾਨ ਪਟਾਖਿਆਂ ਦੇ ਧੂੰਏ ਨਾਲ ਵੀ ਸਾਹ ਘੁੱਟੇਗਾ।
ਦੀਵਾਲੀ ਦੌਰਾਨ ਪ੍ਰਦੂਸ਼ਣ ਨੂੰ ਦੇਖਦੇ ਹੋਏ ਕੇਂਦਰੀ ਪ੍ਰਦਸ਼ਣ ਨਿੰਯਤਰਣ ਬੋਰਡ ਨੇ 1 ਤੋ 10 ਨਵੰਬਰ ਤੱਕ ਉਸਾਰੀ ਦੀਆਂ ਸਾਰੀਆਂ ਗਤੀਵਿਧੀਆਂ ਤੇ ਰੋਕ ਲਗਾਉਣ ਲਈ ਕਿਹਾ ਹੈ। 4 ਤੋਂ 10 ਨਵੰਬਰ ਤੱਕ ਕੋਇਲੇ ਅਤੇ ਬਾਇਓਗੈਸ ਤੋਂ ਚਲਣ ਵਾਲੇ ਸਾਰੇ ਉਦਯੋਗਾਂ ਨੂੰ ਬੰਦ ਰਖਣ ਦਾ ਸੁਝਾਅ ਵੀ ਦਿਤਾ ਗਿਆ ਹੈ। ਈਪੀਸੀਏ ਦਾ ਕਹਿਣਾ ਹੈ ਕਿ ਪਿਛਲੇ ਦੋ ਸਾਲਾਂ ਤੋਂ 1 ਤੋ 10 ਨਵੰਬਰ ਤੱਕ ਦਿੱਲੀ ਗੈਸ ਚੈਂਬਰ ਬਣੀ ਰਹਿੰਦੀ ਹੈ। ਅਜਿਹੇ ਵਿਚ ਛੇਤੀ ਹੀ ਇਨਾਂ ਸੁਝਾਵਾਂ ਨੂੰ ਹਰੀ ਝੰਡੀ ਮਿਲ ਸਕਦੀ ਹੈ।
ਉਦਯੋਗਾਂ ਨੂੰ ਇਹ ਸੰਕੇਤ ਪਹਿਲਾਂ ਵੀ ਦਿਤੇ ਜਾ ਚੁੱਕੇ ਹਨ ਕਿ ਉਨ੍ਹਾਂ ਨੂੰ ਕਦੇ ਵੀ ਬੰਦ ਕੀਤਾ ਜਾ ਸਕਦਾ ਹੈ। ਅਜਿਹੇ ਵਿਚ ਇਹ ਲਗਭਾਗ ਨਿਰਧਾਰਤ ਹੀ ਹੈ ਕਿ 1 ਨਵੰਬਰ ਤੋਂ ਸਖ਼ਤ ਕਦਮ ਦੇਖਣ ਨੂੰ ਮਿਲ ਸਕਦੇ ਹਨ। ਕੇਂਦਰੀ ਪ੍ਰਦਸ਼ਣ ਨਿੰਯਤਰਣ ਬੋਰਡ ਦੇ ਸੱਕਤਰ ਡਾ. ਪ੍ਰਸ਼ਾਂਤ ਗਾਰਗਵ ਨੇ ਦੱਸਿਆ ਕਿ
ਇਨ੍ਹਾਂ ਦੋ ਕਦਮਾਂ ਤੋਂ ਇਲਾਵਾ ਟਰੈਫਿਕ ਅਤੇ ਟਰਾਂਸਪੋਰਟ ਵਿਭਾਗ ਨੂੰ ਵੀ 1 ਤੋਂ 10 ਨਵੰਬਰ ਤੱਕ ਪ੍ਰਦੂਸ਼ਣ ਫੈਲਾ ਰਹੀਆਂ ਗੱਡੀਆਂ ਤੇ ਸਖ਼ਤ ਕਾਰਵਾਈ ਕਰਨ ਦੇ ਨਿਰਦੇਸ਼ ਦਿਤੇ ਗਏ ਹਨ। ਚੌਥਾ ਸੁਝਾਅ ਆਮ ਨਾਗਰਿਕਾਂ ਲਈ ਹੈ। ਉਹ ਨਿਜੀ ਗੱਡੀਆਂ ਦੀ ਬਜਾਏ ਪਬਲਿਕ ਟਰਾਂਸਪੋਰਟ ਦੀ ਵਰਤੋਂ ਕਰਨ ਤਾਂ ਕਿ ਦੀਵਾਲੀ ਦੌਰਾਨ ਦਿੱਲੀ ਨੂੰ ਟਰੈਫਿਕ ਜਾਮ ਅਤੇ ਧੂੜ ਜਿਹੀਆਂ ਸਮੱਸਿਆਵਾਂ ਦਾ ਸਾਹਮਣਾ ਨਾ ਕਰਨਾ ਪਵੇ।