ਪ੍ਰਧਾਨ ਮੰਤਰੀ ਬਣਨ ਤੋਂ ਬਾਅਦ ਹਰ ਸਾਲ ਮੋਦੀ ਜਵਾਨਾਂ ਨਾਲ ਮਨਾਉਂਦੇ ਹਨ ਦੀਵਾਲੀ
ਨਵੀਂ ਦਿੱਲੀ- ਪ੍ਰਧਾਨ ਮੰਤਰੀ ਮੋਦੀ ਇਸ ਵਾਰ ਵੀ ਦਿਵਾਲੀ ਮਨਾਉਣ ਲਈ LOC ਉੱਤੇ ਜਾ ਸਕਦੇ ਹਨ। ਮੋਦੀ ਦਾ ਇਹ ਦੌਰਾ ਪਾਕਿਸਤਾਨ ਅਤੇ ਚੀਨ ਦੇ ਲਗੇ ਸਰਹੰਦੀ ਇਲਾਕੇ ਵਿਚ ਮੌਜੂਦ ਭਾਰਤੀ ਜਵਾਨਾਂ ਨਾਲ ਦੀਵਾਲੀ ਮਨਾਉਣ ਲਈ ਹੋ ਸਕਦਾ ਹੈ। ਨਾਲ ਹੀ ਉਹ ਜੰਮੂ ਕਸ਼ਮੀਰ ਵਿੱਚ LOC 'ਤੇ ਵੀ ਜਾ ਸਕਦੇ ਹਨ।
ਇਸ ਤੋਂ ਪਹਿਲਾ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਬੀਤੇ ਸਾਲ ਘਾਟੀ ਦੀਆਂ ਵੱਖ ਵੱਖ ਥਾਵਾਂ 'ਤੇ ਜਵਾਨਾਂ ਦੇ ਨਾਲ ਦਿਵਾਲੀ ਮਨਾਈ ਸੀ। ਸਰਹੰਦੀ ਖੇਤਰਾਂ ਵਿੱਚ ਪੀਐਮ ਮੋਦੀ ਨੇ ਜਵਾਨਾਂ ਨਾਲ ਮੁਲਾਕਾਤ ਕੀਤੀ ਸੀ ਅਤੇ ਉਨ੍ਹਾਂ ਨੇ ਮਠਿਆਈ ਵੰਡੀ ਸੀ। ਇਸ ਵਾਰ ਵੀ ਮੋਦੀ ਜਵਾਨਾਂ ਦੇ ਨਾਲ ਦੀਵਾਲੀ ਮਨਾਉਣ ਲਈ ਘਾਟੀ ਵਿੱਚ ਜਾ ਸਕਦੇ ਹਨ।
ਪ੍ਰਧਾਨ ਮੰਤਰੀ ਬਣਨ ਤੋਂ ਬਾਅਦ ਹੀ ਮੋਦੀ ਜਵਾਨਾਂ ਦੇ ਨਾਲ ਦਿਵਾਲੀ ਮਨਾਉਣ 'ਤੇ ਜ਼ੋਰ ਦਿੰਦੇ ਆਏ ਹਨ। ਉਨ੍ਹਾਂ ਦੀ ਕੋਸ਼ਿਸ਼ ਰਹੀ ਹੈ ਕਿ ਦਿਵਾਲੀ ਜਵਾਨਾਂ ਨਾਲ ਹੀ ਮਨਾਈ ਜਾਵੇ। ਇਸ ਵਾਰ ਵੀ ਪ੍ਰਧਾਨ ਮੰਤਰੀ ਮੋਦੀ ਜੰਮੂ ਕਸ਼ਮੀਰ ਵਿੱਚ ਪਾਕਿਸਤਾਨੀ ਸਰਹੰਦੀ ਇਲਾਕਿਆਂ ਵਿੱਚ ਲਾਈਨ ਆੱਫ ਕੰਟਰੋਲ ਦੀ ਚੌਕੀਆਂ 'ਤੇ ਜਵਾਨਾਂ ਦਾ ਹੌਸਲਾ ਵਧਾਉਣ ਲਈ ਜਾ ਸਕਦੇ ਹਨ।
2014 ਵਿਚ ਪ੍ਰਧਾਨ ਮੰਤਰੀ ਪਦ ਦੀ ਸੁੰਹ ਚੁੱਕ ਕੇ ਪਹਿਲੀ ਦੀਵਾਲੀ ਪੀਐਮ ਮੋਦੀ ਨੇ ਸਿਆਚੀਨ ਵਿੱਚ ਜਵਾਨਾਂ ਦੇ ਨਾਲ ਦੀਵਾਲੀ ਮਨਾਈ ਸੀ। ਉਹਨਾਂ ਦੀ ਸੁਰੱਖਿਆ ਨੂੰ ਧਿਆਨ ਵਿਚ ਰੱਖਦੇ ਉਹਨਾਂ ਦੇ ਇਸ ਦੌਰੇ ਨੂੰ ਗੁਪਤ ਰੱਖਿਆ ਜਾਂਦਾ ਹੈ।
