ਤਾਨਾਸ਼ਾਹੀ ਸਰਕਾਰ ਦਾ ਅੰਤ ਏਲਨਾਬਾਦ ਦੀ ਪਵਿੱਤਰ ਧਰਤੀ ਤੋਂ ਸ਼ੁਰੂ ਹੋਣਾ ਯਕੀਨੀ : ਅਭੈ ਸਿੰਘ ਚੌਟਾਲਾ
ਤਾਨਾਸ਼ਾਹੀ ਸਰਕਾਰ ਦਾ ਅੰਤ ਏਲਨਾਬਾਦ ਦੀ ਪਵਿੱਤਰ ਧਰਤੀ ਤੋਂ ਸ਼ੁਰੂ ਹੋਣਾ ਯਕੀਨੀ : ਅਭੈ ਸਿੰਘ ਚੌਟਾਲਾ
ਸਿਰਸਾ : ਸਥਾਨਕ ਪਿੰਡ ਜਮਾਲ ਵਿਚ ਮੰਗਲਵਾਰ ਦੇਰ ਸ਼ਾਮ ਡਿਪਟੀ ਸੀਐਮ ਦੁਸ਼ਯੰਤ ਚੌਟਾਲਾ ਦੀ ਚੋਣ ਮੀਟਿੰਗ ਦੌਰਾਨ ਹੋਏ ਝਗੜੇ ਵਿਚ ਕਿਸਾਨ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ। ਇਸ ਦੇ ਵਿਰੋਧ 'ਚ ਮੰਗਲਵਾਰ ਰਾਤ ਸੈਂਕੜੇ ਕਿਸਾਨਾਂ ਨੇ ਨੱਥੂ ਸ਼੍ਰੀ ਚੌਪਟਾ ਥਾਣੇ ਦਾ ਘਿਰਾਓ ਕੀਤਾ। ਇਸ ਦੌਰਾਨ ਪੁਲੀਸ ਵਲੋਂ ਕੀਤੀ ਹੱਥੋਪਾਈ ਦੌਰਾਨ ਕਿਸਾਨ ਆਗੂ ਸਿਕੰਦਰ ਰੋੜੀ ਦੀ ਪੱਗ ਲੱਥ ਗਈ।ਜਿਸ ਦਾ ਕਿਸਾਨਾਂ ਵਲੋਂ ਡਟ ਕੇ ਵਿਰੋਧ ਕੀਤਾ ਗਿਆ।
ਇਹ ਵੀ ਪੜ੍ਹੋ : ਤਾਲਿਬਾਨ ਦੇ ਰਾਜ 'ਚ ਭੁੱਖਮਰੀ ਦੀ ਕਗਾਰ 'ਤੇ ਕਰੋੜਾਂ ਲੋਕ, ਢਿੱਡ ਭਰਨ ਲਈ ਬੱਚੇ ਵੇਚਣ ਨੂੰ ਤਿਆਰ
ਕਿਸਾਨ ਆਗੂ ਗੁਰਨਾਮ ਸਿੰਘ ਚੜੂਨੀ ਦੇ ਅਚਾਨਕ ਮੌਕੇ ’ਤੇ ਪੁੱਜ ਜਾਣ ’ਤੇ ਮਾਮਲਾ ਗਰਮਾ ਗਿਆ। ਕਿਸਾਨਾਂ ਦੀ ਵੱਧ ਰਹੀ ਭੀੜ ਅਤੇ ਗੁੱਸੇ ਨੂੰ ਦੇਖਦਿਆਂ ਪੁਲਿਸ ਨੇ ਦੁਪਹਿਰ 12.30 ਵਜੇ ਦੇ ਕਰੀਬ ਇਸ ਘਟਨਾ ਲਈ ਮੁਆਫ਼ੀ ਮੰਗੀ। ਪੁਲਿਸ ਚੌਕੀ ਇੰਚਾਰਜ ਨੇ ਕਿਸਾਨ ਆਗੂ ਦੀ ਪੱਗ ਬੰਨ੍ਹ ਕੇ ਮੁਆਫੀ ਮੰਗੀ ਜਿਸ ਤੋਂ ਬਾਅਦ ਹੀ ਮਾਮਲਾ ਸ਼ਾਂਤ ਹੋਇਆ। ਚੜੂਨੀ ਨੇ ਇਸ ਨੂੰ ਕਿਸਾਨਾਂ ਦੀ ਜਿੱਤ ਕਰਾਰ ਦਿੰਦਿਆਂ ਥਾਣੇ ਅੱਗੋਂ ਧਰਨਾ ਹਟਾਉਣ ਦਾ ਫ਼ੈਸਲਾ ਕੀਤਾ ਹੈ।
ਉਧਰ ਇਨੈਲੋ ਉਮੀਦਵਾਰ ਅਭੈ ਸਿੰਘ ਚੌਟਾਲਾ ਨੇ ਵੀ ਦੇਰ ਰਾਤ ਕਿਸਾਨਾਂ ਅਤੇ ਪੁਲਿਸ ਵਿਚਾਲੇ ਚੱਲ ਰਹੇ ਝਗੜੇ 'ਤੇ ਪ੍ਰਤੀਕਿਰਿਆ ਦਿੱਤੀ। ਉਨ੍ਹਾਂ ਇੱਕ ਵੀਡੀਓ ਜਾਰੀ ਕਰਦਿਆਂ ਕਿਹਾ ਕਿ ਜਮਾਲ ਵਿਚ ਸ਼ਾਂਤਮਈ ਢੰਗ ਨਾਲ ਪ੍ਰਦਰਸ਼ਨ ਕਰ ਰਹੇ ਕਿਸਾਨਾਂ 'ਤੇ ਹੋ ਰਿਹਾ ਅੱਤਿਆਚਾਰ ਸਰਕਾਰ ਦੀ ਕਾਇਰਤਾ ਨੂੰ ਦਰਸਾਉਂਦਾ ਹੈ। ਇਸ ਤਾਨਾਸ਼ਾਹੀ ਸਰਕਾਰ ਦਾ ਅੰਤ ਏਲਨਾਬਾਦ ਦੀ ਪਵਿੱਤਰ ਧਰਤੀ ਤੋਂ ਸ਼ੁਰੂ ਹੋਣਾ ਯਕੀਨੀ ਹੈ। ਅਭੈ ਨੇ ਕਿਹਾ ਕਿ ਦੁਸ਼ਯੰਤ ਦੀ ਜਨ ਸਭਾ ਦੌਰਾਨ ਕਿਸਾਨਾਂ 'ਤੇ ਪੁਲਿਸ ਫ਼ੋਰਸ ਵੱਲੋਂ ਤਸ਼ੱਦਦ ਕੀਤਾ ਗਿਆ। ਉਨ੍ਹਾਂ ਏਲਨਾਬਾਦ ਦੇ ਲੋਕਾਂ ਨੂੰ ਕਿਸਾਨਾਂ 'ਤੇ ਹੋਏ ਅੱਤਿਆਚਾਰਾਂ ਅਤੇ ਸਿੱਖ ਕਿਸਾਨ ਦੀ ਦਸਤਾਰ ਦੇ ਨਿਰਾਦਰ ਦੀ ਘਟਨਾ ਦਾ ਬਦਲਾ ਭਾਜਪਾ-ਜੇਜੇਪੀ ਗਠਜੋੜ ਵਿਰੁੱਧ ਵੋਟ ਦੇ ਕੇ ਲੈਣ ਦੀ ਅਪੀਲ ਵੀ ਕੀਤੀ।