ਫਿਲਹਾਲ ਆਰਸੀਐਫ ਕੋਲ 49 ਅਜਿਹੇ ਨਾਨ ਏਸੀ ਡੱਬੇ ਤਿਆਰ ਹਨ ਜਿਹਨਾਂ ਨੂੰ ਦੋ ਜਾਂ ਤਿੰਨ ਦਿਨਾਂ ਵਿ
ਕਪੂਰਥਲਾ: ਦੁਨੀਆਭਰ ਲਈ ਚੁਣੌਤੀ ਬਣ ਚੁੱਕੇ ਕੋਰੋਨਾ ਵਾਇਰਸ ਨਾਲ ਨਿਪਟਣ ਲਈ ਰੇਲਵੇ ਨੇ ਵੀ ਕਮਰ ਕੱਸ ਲਈ ਹੈ। ਕੇਂਦਰ ਸਰਕਾਰ ਵੱਲੋਂ ਰੇਲਵੇ ਨੇ ਰੇਲ ਡੱਬਿਆਂ ਨੂੰ ਆਈਸੋਲੇਸ਼ਨ ਵਾਰਡ ਵਿਚ ਤਬਦੀਲ ਕਰਨ ਦੀ ਪ੍ਰਤੀਕਿਰਿਆ ਸ਼ੁਰੂ ਹੋ ਚੁੱਕੀ ਹੈ। ਕਪੂਰਥਲਾ ਦੇ ਰੇਲ ਡੱਬਾ ਫੈਕਟਰੀ ਦੁਆਰਾ ਆਈਸੋਲੇਸ਼ਨ ਵਾਰਡ ਵਾਲੇ ਡੱਬੇ ਤਿਆਰ ਕਰਨ ਦਾ ਕੰਮ ਸ਼ੁਰੂ ਹੋ ਗਿਆ ਹੈ।
ਫਿਲਹਾਲ ਆਰਸੀਐਫ ਕੋਲ 49 ਅਜਿਹੇ ਨਾਨ ਏਸੀ ਡੱਬੇ ਤਿਆਰ ਹਨ ਜਿਹਨਾਂ ਨੂੰ ਦੋ ਜਾਂ ਤਿੰਨ ਦਿਨਾਂ ਵਿਚ ਆਈਸੋਲੇਸ਼ਨ ਵਾਰਡ ਵਿਚ ਬਦਲਿਆ ਜਾਵੇਗਾ। ਆਰਸੀਐਫ ਕਪੂਰਥਲਾ ਦੇ ਜੀਐਮ ਰਵਿੰਦਰ ਗੁਪਤਾ ਨੂੰ ਰੇਲਵੇ ਵਿਭਾਗ ਤੋਂ ਇਸ ਸਬੰਧ ਵਿਚ ਪੱਤਰ ਮਿਲਿਆ ਹੈ। ਇਸ ਤੇ ਐਮਰਜੈਂਸੀ ਦੇ ਚਲਦੇ ਕੰਮ ਸ਼ੁਰੂ ਹੋ ਗਿਆ ਹੈ। ਡੱਬਿਆਂ ਨੂੰ ਦੋ-ਤਿੰਨ ਦਿਨਾਂ ਵਿਚ ਆਈਸੋਲੇਸ਼ਨ ਵਾਰਡ ਬਣਾਉਣ ਦਾ ਕੰਮ ਚਲ ਰਿਹਾ ਹੈ।
ਰੇਲ ਵਿਭਾਗ ਦੇ ਨਿਰਦੇਸ਼ ਤੇ ਉੱਤਰ ਰੇਲਵੇ ਅਤੇ ਪੂਰਬ ਰੇਲਵੇ ਦੇ ਕਰਮਚਾਰੀ ਇਸ ਕੰਮ ਵਿਚ ਰਾਤ ਦਿਨ ਜੁਟੇ ਹੋਏ ਹਨ। ਉਹਨਾਂ ਦਸਿਆ ਕਿ ਇਕ ਡੱਬੇ ਵਿਚ ਅੱਠ ਕੇਬਿਨ ਹੁੰਦੇ ਹਨ ਪਰ ਸਾਰਿਆਂ ਦਾ ਇਸਤੇਮਾਲ ਨਹੀਂ ਕੀਤਾ ਜਾ ਸਕਦਾ ਕਿਉਂ ਕਿ ਕੋਰੋਨਾ ਵਾਇਰਸ ਪੀੜਤ ਲਈ ਅਲੱਗ ਬਾਥਰੂਮ ਹੋਣਾ ਚਾਹੀਦਾ ਹੈ। ਇਸ ਕਰ ਕੇ ਇਕ ਡੱਬੇ ਵਚ ਦੋ ਜਾਂ ਤਿੰਨ ਆਈਸੋਲੇਸ਼ਨ ਬੈਡ ਹੋਣਗੇ। ਇਸ ਤੇ ਵਿਚਾਰ ਚਲ ਰਿਹਾ ਹੈ। ਡਾਕਟਰ ਲਈ ਵੀ ਡੱਬੇ ਵਿਚ ਹੀ ਵਿਵਸਥਾ ਕੀਤੀ ਜਾਵੇਗੀ।
ਇਸ ਸਬੰਧੀ ਮਾਹਰਾਂ ਡਾਕਟਰਾਂ ਦੀ ਸਲਾਹ ਵੀ ਲਈ ਜਾ ਰਹੀ ਹੈ। ਇਸ ਦੇ ਨਾਲ ਹੀ ਉਹਨਾਂ ਦਸਿਆ ਕਿ ਆਰਸੀਐਫ ਵੱਲੋਂ ਟ੍ਰਾਇਲ ਦੇ ਤੌਰ ਤੇ ਢਾਈ-ਤਿੰਨ ਸੌ ਮਾਸਕ ਵੀ ਬਣਾਏ ਗਏ ਹਨ। ਇਸ ਤੋਂ ਇਲਾਵਾ ਵੈਂਟੀਲੈਂਟਰ ਬਣਾਉਣ ਤੇ ਵੀ ਕੰਮ ਚਲ ਰਿਹਾ ਹੈ। ਉਹਨਾਂ ਨੇ ਜਿਹੜੇ ਵੈਂਟੀਲੈਟਰ ਨੂੰ ਡਿਜ਼ਾਇਨ ਕੀਤਾ ਹੈ ਉਹ ਬਹੁਤ ਹੀ ਸਸਤਾ ਹੋਵੇਗਾ। ਦਸ ਦਈਏ ਕਿ ਕੇਂਦਰ ਸਰਕਾਰ ਨੇ ਲਾਕਡਾਊਨ ਦੀਆਂ ਚੁਣੌਤੀਆਂ ਨਾਲ ਨਿਪਟਣ ਲਈ ਕਰੀਬ ਤਿੰਨ ਕਰੋੜ ਵਿਧਵਾਵਾਂ, ਬਜ਼ੁਰਗਾਂ ਅਤੇ ਅਪਾਹਜਾਂ ਨੂੰ ਅਪ੍ਰੈਲ ਦੇ ਪਹਿਲੇ ਹਫ਼ਤੇ ਤੋਂ ਤਿੰਨ ਮਹੀਨਿਆਂ ਦੀ ਪੈਨਸ਼ਨ ਐਡਵਾਂਸ ਦੇਣ ਦਾ ਫ਼ੈਸਲਾ ਕੀਤਾ ਹੈ।
ਅਧਿਕਾਰੀਆਂ ਨੇ ਸ਼ੁੱਕਰਵਾਰ ਨੂੰ ਦਸਿਆ ਕਿ ਰਾਸ਼ਟਰੀ ਸਮਾਜਿਕ ਸਹਾਇਤਾ ਪ੍ਰੋਗਰਾਮ ਤਹਿਤ ਇਹਨਾਂ ਨੂੰ ਪੈਨਸ਼ਨ ਸਿੱਧੇ ਉਹਨਾਂ ਦੇ ਖਾਤੇ ਵਿਚ ਭੇਜੀ ਜਾਵੇਗੀ। 60-79 ਸਾਲ ਵਾਲੇ ਬਜ਼ੁਰਗਾਂ ਨੂੰ ਹੁਣ 200 ਰੁਪਏ ਪ੍ਰਤੀ ਮਹੀਨਾ, ਜਦਕਿ 80 ਸਾਲ ਜਾਂ ਉਸ ਤੋਂ ਉਪਰ ਉਮਰ ਵਾਲੇ ਬਜ਼ੁਰਗਾਂ ਨੂੰ ਹਰ ਮਹੀਨੇ 500 ਰੁਪਏ ਮਿਲਦੇ ਹਨ। 40 ਤੋਂ 79 ਸਾਲ ਦੀ ਉਮਰ ਦੀਆਂ ਵਿਧਵਾਵਾਂ ਨੂੰ 300 ਰੁਪਏ ਪ੍ਰਤੀ ਮਹੀਨਾ ਦਿੱਤੇ ਜਾਂਦੇ ਹਨ ਜਦਕਿ 80 ਸਾਲ ਤੋਂ ਉਪਰ ਦੀਆਂ ਵਿਧਵਾਵਾਂ ਨੂੰ ਹਰ ਮਹੀਨੇ 500 ਰੁਪਏ ਮਿਲਦੇ ਹਨ।
79 ਸਾਲ ਦੀ ਉਮਰ ਵਾਲੇ ਅਪਾਹਜ਼ਾਂ ਨੂੰ ਹਰ ਮਹੀਨੇ 300 ਰੁਪਏ ਜਦਕਿ 80 ਸਾਲ ਤੋਂ ਜ਼ਿਆਦਾ ਉਮਰ ਵਾਲੇ ਅਪਾਹਜਾਂ ਨੂੰ ਹਰ ਮਹੀਨੇ 500 ਦਿੱਤੇ ਜਾਂਦੇ ਹਨ। 10 ਅਪ੍ਰੈਲ ਤਕ ਮਨਰੇਗਾ ਕਰਮਚਾਰੀਆਂ ਨੂੰ ਮਜਦੂਰੀ ਦੇ ਦਿੱਤੀ ਜਾਵੇਗੀ। ਕੇਂਦਰ ਸਰਕਾਰ ਨੇ 10 ਅਪ੍ਰੈਲ ਤਕ ਮਨਰੇਗਾ ਕਰਮਚਾਰੀਆਂ ਦੀ ਪੂਰੀ ਮਜਦੂਰੀ ਦੇਣ ਦਾ ਫ਼ੈਸਲਾ ਕੀਤਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।