Chhattisgarh university: ਸੱਤ ਪ੍ਰੋਫ਼ੈਸਰਾਂ ਤੇ ਇਕ ਵਿਦਿਆਰਥੀ ਵਿਰੁਧ ਮਾਮਲਾ ਦਰਜ
Students forced to offer prayers at Chhattisgarh university: ਛੱਤੀਸਗੜ੍ਹ ਦੇ ਗੁਰੂ ਘਸੀਦਾਸ ਸੈਂਟਰਲ ਯੂਨੀਵਰਸਿਟੀ, ਬਿਲਾਸਪੁਰ ਦੇ ਸੱਤ ਪ੍ਰੋਫ਼ੈਸਰਾਂ ਅਤੇ ਇੱਕ ਵਿਦਿਆਰਥੀ ਵਿਰੁੱਧ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦੇ ਦੋਸ਼ ਵਿੱਚ ਮਾਮਲਾ ਦਰਜ ਕੀਤਾ ਗਿਆ ਹੈ। ਦੋਸ਼ ਹੈ ਕਿ ਐਨਐਸਐਸ (ਰਾਸ਼ਟਰੀ ਸੇਵਾ ਯੋਜਨਾ) ਕੈਂਪ ਦੌਰਾਨ ਈਦ ’ਤੇ 155 ਵਿਦਿਆਰਥੀਆਂ ਨੂੰ ਨਮਾਜ਼ ਪੜ੍ਹਨ ਲਈ ਮਜਬੂਰ ਕੀਤਾ ਗਿਆ ਸੀ। ਸ਼ਿਕਾਇਤ ਦੇ ਅਨੁਸਾਰ, ਇਹ ਘਟਨਾ 31 ਮਾਰਚ ਨੂੰ ਸ਼ਿਵਤਾਰਾਈ ਪਿੰਡ ਵਿੱਚ ਆਯੋਜਿਤ ਇੱਕ ਹਫ਼ਤੇ (26 ਮਾਰਚ ਤੋਂ 1 ਅਪ੍ਰੈਲ) ਐਨਐਸਐਸ ਕੈਂਪ ਦੌਰਾਨ ਵਾਪਰੀ।
ਕੋਟਾ ਪੁਲਿਸ ਸਟੇਸ਼ਨ ਦੇ ਇੱਕ ਅਧਿਕਾਰੀ ਨੇ ਕਿਹਾ, ‘‘ਕੈਂਪ ਦੌਰਾਨ, ਵਿਦਿਆਰਥੀਆਂ ਨੂੰ ਯੋਗਾ ਵਰਗੀਆਂ ਕਈ ਗਤੀਵਿਧੀਆਂ ਕਰਾਈ ਜਾਂਦੀਆਂ ਹਨ। ਈਦ ਦੇ ਦਿਨ ਕੁਝ ਮੁਸਲਿਮ ਵਿਦਿਆਰਥੀ ਯੂਨੀਵਰਸਿਟੀ ਦੇ ਮੈਦਾਨ ਵਿੱਚ ਨਮਾਜ਼ ਪੜ੍ਹ ਰਹੇ ਸਨ। ਉਸੇ ਸਮੇਂ ਦੌਰਾਨ, ਹੋਰ ਵਿਦਿਆਰਥੀਆਂ ਨੂੰ ਵੀ ਨਮਾਜ਼ ਪੜ੍ਹਨ ਲਈ ਕਿਹਾ ਗਿਆ ਸੀ, ਪਰ ਉਨ੍ਹਾਂ ਦੀ ਸਹਿਮਤੀ ਨਹੀਂ ਲਈ ਗਈ।’’ ਸ਼ਿਕਾਇਤਕਰਤਾ ਨੇ ਕੁਝ ਸੱਜੇ-ਪੱਖੀ ਸੰਗਠਨ ਦੇ ਮੈਂਬਰਾਂ ਦੇ ਨਾਲ ਪੁਲਿਸ ਕੋਲ ਪਹੁੰਚ ਕੀਤੀ, ਜਿਸ ਤੋਂ ਬਾਅਦ ਐਨਐਸਐਸ ਕੋਆਰਡੀਨੇਟਰ ਸਮੇਤ ਸੱਤ ਪ੍ਰੋਫ਼ੈਸਰਾਂ ਅਤੇ ਇੱਕ ਵਿਦਿਆਰਥੀ ਨੇਤਾ ਵਿਰੁੱਧ ਮਾਮਲਾ ਦਰਜ ਕੀਤਾ ਗਿਆ ਸੀ।
ਕੋਟਾ ਪੁਲਿਸ ਸਟੇਸ਼ਨ ਦੇ ਇੰਚਾਰਜ ਸੁਮਿਤ ਕੁਮਾਰ ਨੇ ਕਿਹਾ, ‘‘ਐਫ਼ਆਈਆਰ ਪਹਿਲਾਂ ਕੋਨੀ ਪੁਲਿਸ ਸਟੇਸ਼ਨ ਖੇਤਰ ਵਿੱਚ ਦਰਜ ਕੀਤੀ ਗਈ ਸੀ, ਪਰ ਕਿਉਂਕਿ ਇਹ ਘਟਨਾ ਕੋਟਾ ਖੇਤਰ ਵਿੱਚ ਵਾਪਰੀ ਹੈ, ਇਸ ਲਈ ਕੇਸ ਕੋਟਾ ਪੁਲਿਸ ਸਟੇਸ਼ਨ ਵਿੱਚ ਤਬਦੀਲ ਕਰ ਦਿੱਤਾ ਗਿਆ ਹੈ। ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।’’
ਦੋਸ਼ੀਆਂ ’ਤੇ ਭਾਰਤੀ ਦੰਡਾਵਲੀ (ਆਈਪੀਸੀ) ਦੀਆਂ ਵੱਖ-ਵੱਖ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ, ਜਿਸ ਵਿੱਚ ਧਾਰਾ 196 (ਬੀ) (ਸਮੂਹਾਂ ਵਿਚਕਾਰ ਦੁਸ਼ਮਣੀ ਨੂੰ ਉਤਸ਼ਾਹਿਤ ਕਰਨਾ), ਧਾਰਾ 197 (1) (ਬੀ) (ਸੀ) (ਰਾਸ਼ਟਰੀ ਏਕਤਾ ਲਈ ਨੁਕਸਾਨਦੇਹ ਦੋਸ਼ ਲਗਾਉਣਾ ਅਤੇ ਦਾਅਵੇ ਕਰਨਾ), ਧਾਰਾ 299 (ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦੇ ਇਰਾਦੇ ਨਾਲ ਜਾਣਬੁੱਝ ਕੇ ਅਪਮਾਨ ਕਰਨਾ), ਧਾਰਾ 302 (ਕਿਸੇ ਵੀ ਵਿਅਕਤੀ ਦੀਆਂ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦੇ ਇਰਾਦੇ ਨਾਲ ਸ਼ਬਦਾਂ ਦੀ ਵਰਤੋਂ ਕਰਨਾ), ਅਤੇ ਧਾਰਾ 190 (ਗੈਰ-ਕਾਨੂੰਨੀ ਇਕੱਠ) ਸ਼ਾਮਲ ਹਨ।
(For more news apart from Chhattisgarh Latest News, stay tuned to Rozana Spokesman)
