ਬਿਹਾਰ ਦੇ ਗਯਾ ਵਿਚ ਰਮਜਾਨ ਦੇ ਪਾਕ ਮਹੀਨੇ ਵਿਚ ਬੇਹੱਦ ਹੀ ਸ਼ਰਮਨਾਕ ਮਾਮਲਾ ਸਾਹਮਣੇ ਆਇਆ ਹੈ| ਮਸਜਦ ਵਿਚ ਏਸੀ ਦੇ ਕੋਲ.......
ਨਵੀਂ ਦਿੱਲੀ, (ਏਜੰਸੀ) : ਬਿਹਾਰ ਦੇ ਗਯਾ ਵਿਚ ਰਮਜਾਨ ਦੇ ਪਾਕ ਮਹੀਨੇ ਵਿਚ ਬੇਹੱਦ ਹੀ ਸ਼ਰਮਨਾਕ ਮਾਮਲਾ ਸਾਹਮਣੇ ਆਇਆ ਹੈ| ਮਸਜਦ ਵਿਚ ਏਸੀ ਦੇ ਕੋਲ ਬੈਠਣ ਨੂੰ ਲੈ ਕੇ ਸ਼ੁਰੂ ਹੋਏ ਝਗੜੇ ਨੇ ਇਕ ਵਿਅਕਤੀ ਦੀ ਜਾਨ ਲੈ ਲਈ ਹੈ| ਮੀਡੀਆ ਰਿਪੋਰਟਸ ਦੇ ਅਨੁਸਾਰ ਘਟਨਾ ਸੋਮਵਾਰ ਦੀ ਦੱਸੀ ਜਾ ਰਹੀ ਹੈ| ਬੀਤੀ 18 ਮਈ ਨੂੰ ਤਰਾਵੀਹ ਦੇ ਸਮੇਂ ਮਸਜਦ ਵਿਚ ਏਸੀ ਦੇ ਕੋਲ ਬੈਠਣ ਨੂੰ ਲੈ ਕੇ ਨਬੀਲ ਅਤੇ ਅਰਬਾਬ ਦੋਨਾਂ ਭਰਾਵਾਂ ਦੇ ਨਾਲ ਝਗੜਾ ਹੋਇਆ ਸੀ| ਹਾਲਾਂਕਿ ਉਸ ਸਮੇਂ ਮਸਜਦ ਵਿਚ ਮੌਜੂਦ ਲੋਕਾਂ ਨੇ ਝਗੜੇ ਨੂੰ ਖਤਮ ਕਰਾ ਦਿੱਤਾ ਸੀ ਪਰ ਸ਼ਾਹਰੁੱਖ, ਸ਼ੰਨੂ ਨਾਮ ਦੇ ਦੂਜੇ ਪੱਖ ਨੇ ਇਸ ਝਗੜੇ ਦਾ ਬਦਲਾ ਲੈਣ ਬਾਰੇ ਸੋਚਿਆ, ਉਨ੍ਹਾਂ ਦੇ ਪਿਤਾ ਨੇ ਵੀ ਉਨ੍ਹਾਂ ਦਾ ਪੂਰਾ ਸਾਥ ਦਿਤਾ|
ਬੀਤੇ ਸੋਮਵਾਰ 10-15 ਲੋਕਾਂ ਨੂੰ ਲੈ ਕੇ ਇਨ੍ਹਾਂ ਦੋਵਾਂ ਭਰਾਵਾਂ ਦੇ ਘਰ ਵਿਚ ਵੜ੍ਹ ਕੇ ਵਸੀ ਅਹਿਮਦ ਖਾਨ ਦੇ ਦੋਨੋਂ ਬੇਟੇਂ ਨਬੀਲ ਖਾਨ (18) ਅਤੇ ਅਰਬਾਬ ਖਾਨ (20) ਨਾਲ ਬੁਰੀ ਤਰ੍ਹਾਂ ਮਾਰ ਕੁੱਟ ਕੀਤੀ ਗਈ| ਉਨ੍ਹਾਂ ਉੱਤੇ ਲਾਠੀ-ਡੰਡੇ, ਹਾਕੀ ਸਟਿਕ ਦੇ ਇਲਾਵਾ ਲੋਹੇ ਦੀ ਰਾਡ ਨਾਲ ਬੁਰੀ ਤਰ੍ਹਾਂ ਜ਼ਖ਼ਮੀ ਕਰ ਦਿਤਾ ਗਿਆ| ਮਾਂ-ਬਾਪ ਵੀ ਅਪਣੇ ਮੁੰਡਿਆਂ ਨੂੰ ਬਚਾਉਂਦੇ ਹੋਏ ਜ਼ਖ਼ਮੀ ਹੋਏ| ਜ਼ਖ਼ਮੀ ਭਰਾਵਾਂ ਨੂੰ ਤੁਰੰਤ ਸਥਾਨਕ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ, ਜਿਸ ਵਿਚ ਇਕ ਦੀ ਮੌਤ ਹੋ ਗਈ|