Bombay High Court : ਜਨਹਿਤ ਪਟੀਸ਼ਨ 'ਤੇ ਸੁਣਵਾਈ ਬੰਬੇ ਹਾਈਕੋਰਟ 'ਚ ਹੋਈ ਸੁਣਵਾਈ
Bombay High Court : ਬੰਬੇ ਹਾਈ ਕੋਰਟ ਨੇ ਕਿਹਾ ਕਿ ਲੋਕਲ ਟਰੇਨਾਂ 'ਚ ਯਾਤਰੀਆਂ ਨੂੰ ਜਾਨਵਰਾਂ ਵਾਂਗ ਸਫ਼ਰ ਕਰਨ ਲਈ ਮਜ਼ਬੂਰ ਕੀਤਾ ਜਾਂਦਾ ਹੈ। ਇਹ ਦੇਖ ਕੇ ਸ਼ਰਮ ਆਉਂਦੀ ਹੈ। ਇਸ ਸਬੰਧੀ ਦਾਇਰ ਜਨਹਿਤ ਪਟੀਸ਼ਨ 'ਤੇ ਸੁਣਵਾਈ ਦੌਰਾਨ ਅਦਾਲਤ ਨੇ ਕਿਹਾ ਕਿ ਮੁੰਬਈ ਦੀ ਸਥਿਤੀ ਤਰਸਯੋਗ ਹੈ। ਚੀਫ਼ ਜਸਟਿਸ ਦੇਵਿੰਦਰ ਕੁਮਾਰ ਉਪਾਧਿਆਏ ਅਤੇ ਜਸਟਿਸ ਹਰ ਅਮਿਤ ਬੋਰਕਰ ਨੇ ਕਿਹਾ ਕਿ ਪਟੀਸ਼ਨ ’ਚ ਬਹੁਤ ਗੰਭੀਰ ਮੁੱਦੇ ਉਠਾਏ ਗਏ ਹਨ। ਰੇਲਵੇ ਅਧਿਕਾਰੀਆਂ ਨੂੰ ਇਸ ਦਾ ਹੱਲ ਲੱਭਣਾ ਹੋਵੇਗਾ। ਇਹ ਪਟੀਸ਼ਨ ਮੁੰਬਈ ਲੋਕਲ ਯਾਤਰਾ ਕਰਨ ਵਾਲੇ ਯਤਿਨ ਜਾਧਵ ਨੇ ਦਾਇਰ ਕੀਤੀ ਹੈ। ਇਸ 'ਚ ਉਸ ਨੇ ਪਟੜੀ 'ਤੇ ਭੀੜ ਅਤੇ ਹਾਦਸਿਆਂ ਕਾਰਨ ਟਰੇਨ ਤੋਂ ਡਿੱਗ ਕੇ ਮੌਤ ਦਾ ਹਵਾਲਾ ਦਿੱਤਾ ਹੈ। ਪਟੀਸ਼ਨ ਮੁਤਾਬਕ ਨਵੇਂ ਸਾਲ 2023 'ਚ 2,950 ਯਾਤਰੀਆਂ ਦੀ ਪਟੜੀ 'ਤੇ ਮੌਤ ਹੋ ਗਈ ਸੀ।
ਕੇਰਲ ਤੋਂ ਦਿੱਲੀ ਆ ਰਹੀ ਟਰੇਨ 'ਚ ਇੱਕ ਬੁਜ਼ਰਗ ਦੀ ਅੱਪਰ ਬਰਥ ਡਿੱਗਣ ਨਾਲ ਬਜ਼ੁਰਗ ਦੀ ਮੌਤ ਹੋ ਗਈ। ਪਿਛਲੇ ਹਫ਼ਤੇ ਹੋਏ ਹਾਦਸੇ ਵਿਚ 62 ਸਾਲਾ ਅਲੀ ਖ਼ਾਨ ਏਰਨਾਕੁਲਮ-ਹਜ਼ਰਤ ਨਿਜ਼ਾਮੂਦੀਨ ਮਿਲੇਨੀਅਮ ਸੁਪਰਫ਼ਾਸਟ ਐਕਸਪ੍ਰੈਸ (12645) ਦੇ ਸਲੀਪਰ ਕੋਚ ਵਿਚ ਸਫ਼ਰ ਕਰ ਰਿਹਾ ਸੀ। ਇਲਾਜ ਦੌਰਾਨ ਉਸ ਦੀ ਮੌਤ ਹੋ ਗਈ। ਦੱਸਿਆ ਜਾ ਰਿਹਾ ਹੈ ਕਿ ਉਸ ਦੀ ਗਰਦਨ ਦੀ ਹੱਡੀ ਤਿੰਨ ਥਾਵਾਂ ਤੋਂ ਟੁੱਟੀ ਹੋਈ ਸੀ। ਇਸ ਦੇ ਨਾਲ ਹੀ ਰੇਲਵੇ ਅਧਿਕਾਰੀਆਂ ਨੇ ਕਿਹਾ ਹੈ ਕਿ ਬਰਥ ’ਚ ਕੋਈ ਨੁਕਸ ਨਹੀਂ ਸੀ। ਇਹ ਹਾਦਸਾ ਬਰਥ ਦੀ ਚੇਨ ਠੀਕ ਢੰਗ ਨਾਲ ਨਾ ਲਗਾਏ ਜਾਣ ਕਾਰਨ ਹਾਦਸਾ ਵਾਪਰਿਆ।
(For more news apart from Mumbai passengers are acting like animals in local trains, very shameful - High Court News in Punjabi, stay tuned to Rozana Spokesman)
