ਫਾਸੈਟਗ ਰਾਹੀਂ ਭੁਗਤਾਨ 1.68 ਕਰੋੜ ਤੋਂ ਵੱਧ ਕੇ ਹੋਇਆ 2.84 ਕਰੋੜ ਰੁਪਏ
ਨਵੀਂ ਦਿੱਲੀ : ਫਾਸਟੈਗ ਸ਼ੁਰੂ ਹੋਂਣ ਤੋਂ ਬਾਅਦ ਪੰਜਾਬ ਅਤੇ ਹਰਿਆਣਾ ਵਿਚ ਫਾਸਟੈਗ ਰਾਹੀਂ ਟੋਲ ਪਲਾਜਿਆ ਦਾ ਭੁਗਤਾਨ ਪਿਛਲੇ 15 ਦਿਨਾਂ ਵਿਚ ਦੁਗਣਾ ਹੋ ਗਿਆ ਹੈ। 25 ਦਸੰਬਰ ਤੱਕ ਫਾਸਟੈਗਾ ਜਰੀਏ ਟੈਕਸ ਦੇ ਕੁੱਲ ਲੈਣ-ਦੈਣ ਵਿਚ 46 ਫ਼ੀਸਦੀ ਦਾ ਯੋਗਦਾਨ ਪਾਇਆ ਹੈ ਜਦਕਿ 1 ਦਸੰਬਰ ਤੱਕ ਇਹ ਆਕੜਾ 25 ਪ੍ਰਤੀਸ਼ਤ ਸੀ। ਇਨ੍ਹਾਂ ਦੋ ਸੂਬਿਆਂ ਦੇ ਰਾਸ਼ਟਰੀ ਰਾਜ-ਮਾਰਗਾਂ 'ਤੇ ਲਗਭਗ 38 ਟੋਲ ਪਲਾਜ਼ੇ ਹਨ ਜਿੱਥੋਂ ਹਰ ਰੋਜ 5.50 ਲੱਖ ਤੋਂ ਵੱਧ ਵਾਹਨ ਇਨ੍ਹਾਂ ਟੋਲ ਪਲਾਜ਼ਿਆਂ ਤੋਂ ਲੰਘਦੇ ਹਨ।
Photo
ਅੰਗ੍ਰੇਜ਼ੀ ਅਖਬਾਰ 'ਦਾ ਟ੍ਰਿਬਿਊਨ' ਦੀ ਰਿਪੋਰਟ ਮੁਤਾਬਕ 25 ਦਸੰਬਰ ਨੂੰ 2.57 ਲੱਖ ਫਾਸਟੈਗ ਵਾਲੀਆਂ ਗੱਡੀਆਂ ਇਨ੍ਹਾਂ ਦੋ ਸੂਬਿਆਂ ਦੇ ਟੋਲ ਪਲਾਜ਼ਿਆਂ ਵਿਚੋਂ ਲੰਘੀਆੰ ਜਦਕਿ ਇਸ ਦੇ ਮੁਕਾਬਲੇ ਵਿਚ 1 ਦਸੰਬਰ ਨੂੰ ਇਹ ਗਿਣਤੀ 1.56 ਲੱਖ ਸੀ। ਫਾਸੈਟਗ ਰਾਹੀਂ ਭੁਗਤਾਨ 1.68 ਕਰੋੜ ਤੋਂ ਵੱਧ ਕੇ 2.84 ਕਰੋੜ ਰੁਪਏ ਹੋ ਗਿਆ ਹੈ।
Photo
ਫਾਸਟੈਗ ਨਾਂ ਕੇਵਲ ਨਕਦ ਰਹਿਤ ਲੈਣ-ਦੇਣ ਨੂੰ ਯਕੀਨੀ ਬਣਾਉਂਦਾ ਹੈ ਬਲਕਿ ਇਸ ਨਾਲ ਸਮੇਂ ਦੀ ਵੀ ਬੱਚਤ ਹੋ ਰਹੀ ਹੈ। ਇਕ ਸਰਵੇਖਣ ਮੁਤਾਬਕ 1 ਮਿੰਟ ਵਿਚ ਫਾਸਟੈਗ ਰਾਹੀਂ 7-8 ਵਾਹਨ ਟੋਲ ਪਲਾਜ਼ੇ ਤੋਂ ਲੰਘ ਜਾਂਦੇ ਹਨ ਜਦਕਿ ਪਹਿਲਾਂ ਬਿਨਾਂ ਫਾਸਟੈਗ ਤੋਂ ਤਿੰਨ ਵਾਹਨ ਵੀ ਇੱਕ ਮਿੰਟ ਵਿਚ ਨਹੀਂ ਲੰਘ ਪਾਉਂਦੇ ਸਨ।
Photo
ਰਿਪੋਰਟ ਵਿਚ ਦੱਸਿਆ ਗਿਆ ਹੈ ਕਿ ਨੈਸ਼ਨਲ ਹਾਈਵੇ ਦੇ ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਫਾਸਟੈਗਾਂ ਦੀ ਬਿਹਤਰ ਉੱਪਲਬਧਤਾ ਨਾਲ ਆਉਣ ਵਾਲੇ ਦਿਨਾਂ ਵਿਚ ਇਸ 'ਚ ਹੋਰ ਵੀ ਵਾਧਾ ਹੋਵੇਗ। ਦੰਸਬਰ ਦੇ ਦੂਜੇ ਹਫ਼ਤੇ ਵਿਚ ਮੁੱਖ ਤੌਰ 'ਤੇ ਟੈਗ ਵਿਚ ਵਰਤੀਆਂ ਚਿੱਪਾਂ ਦੇ ਕਾਰਨ ਫਾਸਟੈਗ ਦੀ ਘਾਟ ਸੀ ਜੋ ਰੇਡੀਓ ਫੈਰੀਕਾਐਂਸੀ ਪਛਾਣ ਤਕਨਾਲੋਜੀ ਦੀ ਸਹੂਲਤ ਦਿੰਦੀ ਹੈ।
Photo
ਫਾਸਟੈਗ ਚਿੱਪਾਂ ਦੀ ਸਪਲਾਈ ਘੱਟ ਸੀ ਅਤੇ ਇਹ ਆਯਾਤ ਕੀਤੀ ਜਾਣੀ ਸੀ ਜਿਸ ਦੇ ਨਤੀਜ਼ੇ ਵਜੋਂ ਯਾਤਰੀ ਸਮੇਂ ਸਿਰ ਫਾਸਟੈਗ ਪ੍ਰਾਪਤ ਨਹੀਂ ਕਰ ਸਕੇ। 15 ਦਸੰਬਰ ਤੋਂ ਸਾਰੀਆਂ ਟੋਲ ਲੇਨਾਂ ਨੂੰ ਫਾਸਟੈਗ ਵਿਚ ਤਬਦੀਲ ਕਰ ਦਿੱਤਾ ਗਿਆ ਹੈ। ਪਰ ਫਿਰ ਵੀ ਹਾਈਵੇ ਅਥਾਰਟੀ ਵੱਲੋਂ ਵਾਹਨਾਂ ਵਾਸਤੇ ਕੈਸ਼ ਟੋਲ ਕਟਵਾਉਣ ਦੀ ਸੁਵਿਧਾਂ ਨੂੰ ਅਜੇ ਤੱਕ ਬਰਕਰਾਰ ਰੱਖਦਿਆਂ ਵੱਖਰੀ ਲਾਇਨ ਬਣਾਈ ਗਈ ਹੈ। ਪਰ 15 ਜਨਵਰੀ ਤੋਂ ਦੋਣੋਂ ਕੈਸ਼ ਅਤੇ ਇਲੈਕਟ੍ਰਾਨਿਕ ਲੈਣ-ਦੇਣ ਲਈ ਇਕ ਹਾਈਬ੍ਰੀਡ ਲਾਇਨ ਦੀ ਆਗਿਆ ਹੋਵੇਗੀ।
Photo
ਹੁਣ ਜਦਕਿ 23 ਅਧਿਕਾਰਿਤ ਬੈਂਕਾ ਵੱਲੋਂ ਜਿੱਥੇ ਫਾਸਟੈਗ ਆਸਾਨੀ ਨਾਲ ਉੱਪਲਬਧ ਕਰਵਾਏ ਜਾ ਰਹੇ ਹਨ ਉੱਥੇ ਹੀ ਦੂਜੇ ਪਾਸੇ ਟੋਲ ਦੇ ਨਜ਼ਦੀਕ ਪੀਓਐਸ ਦੀ ਸੁਵਿਧਾ ਵੀ ਦਿੱਤੀ ਜਾ ਰਹੀ ਹੈ।
Photo
ਰਿਪੋਰਟ ਵਿਚ ਦੱਸਿਆ ਗਿਆ ਕਿ ਅਧਿਕਾਰੀਆੰ ਨੇ ਮੰਨਿਆ ਹੈ ਕਿ ਅਜੇ ਵੀ ਬਹੁਤ ਸਾਰੀਆਂ ਗਲਤੀਆਂ ਸੁਧਾਰਨ ਦੀ ਜ਼ਰੂਰਤ ਹੈ। ਖਾਸਕਰ ਇਹ ਨਿਸਚਤ ਕਰਨ ਲਈ ਕਿ ਫਾਸਟੈਗ ਨੂੰ ਆਸਾਨੀ ਨਾਲ ਰਿਚਾਰਜ ਕਰਵਾਇਆ ਜਾ ਸਕੇ ਅਤੇ ਲੋਕਾਂ ਨੂੰ ਦੂਜੀ ਵਾਰ ਟੋਲ ਦੇ ਪੈਸੇ ਰਿਚਾਰਜ ਜਾਂ ਜਮ੍ਹਾ ਕਰਾਉਣ ਵਿਚ ਪਰੇਸ਼ਾਨੀ ਨਾ ਹੋਵੇ।
Photo
ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਵੀ ਸਾਡੇ ਧਿਆਨ ਵਿਚ ਆਇਆ ਹੈ ਕਿ ਕਾਰਾਂ ਲਈ ਜਾਰੀ ਕੀਤੇ ਗਏ ਫਾਸਟੈਗਾਂ ਦੀ ਵਰਤੋਂ ਟਰੱਕਾਂ 'ਤੇ ਕੀਤੀ ਜਾ ਰਹੀ ਹੈ ਜਿਸ ਨਾਲ ਸਰਕਾਰੀ ਖ਼ਜ਼ਾਨੇ ਨੂੰ ਚੂਨਾ ਲੱਗ ਰਿਹਾ ਹੈ। ਖੇਤਰੀ ਦਫ਼ਤਰ ਦੇ ਐਨਐਚਏਆਈ ਦੇ ਡੀਜੀਐਮ ਮਨੋਜ ਸਕਸੈਨਾ ਨੇ ਕਿਹਾ ਕਿ ਅਸੀ ਡਿਫਾਲਟਰਾਂ ਵਿਰੁੱਧ ਸਖ਼ਤ ਕਦਮ ਚੁੱਕ ਰਹੇ ਹਾਂ।
Photo
ਸੂਤਰਾਂ ਅਨੁਸਾਰ ਪੂਰੇ ਦੇਸ਼ ਦੇ ਪੱਧਰ 'ਤੇ ਫਾਸਟੈਗ ਰਾਹੀਂ ਟੋਲ ਟੈਕਸ ਇਕਠਾ ਕਰਨਾ ਇਕੋ ਜਿਹਾ ਹੈ ਹੁਣ ਤੱਕ ਲਗਭਗ 11 ਮਿਲੀਅਨ ਫਾਸਟੈਗ ਜਾਰੀ ਕੀਤੇ ਜਾ ਚੁੱਕੇ ਹਨ। ਸਰਕਾਰ ਨੂੰ ਉਮੀਦ ਹੈ ਕਿ ਜਨਵਰੀ ਦੇ ਅੱਧ ਤੱਕ ਫਾਸਟੈਗ ਕੁੱਲ ਲੈਣ-ਦੇਣ ਦਾ 75-80ਫੀਸਦੀ ਬਣ ਜਾਵੇਗਾ।
