ਜੀ.ਐੱਲ.ਏ. ਯੂਨੀਵਰਸਿਟੀ ’ਚ ਵੀ ਵਿਦਿਆਰਥੀ ਵੱਲੋਂ ਖੁਦਕੁਸ਼ੀ.....
ਨਵੀਂ ਦਿੱਲੀ : ਫੇਸਬੁੱਕ ਨੇ ਜਿੱਥੇ ਦੂਰੀਆਂ ਖ਼ਤਮ ਕਰਨ ਦਾ ਕੰਮ ਕੀਤਾ ਹੈ। ਉਥੇ ਹੀ ਨੌਜਵਾਨਾਂ ਦੀਆਂ ਜ਼ਿੰਦਗੀਆਂ ਨਾਲ ਖਿਲਵਾੜ ਦੀ ਵਜ੍ਹਾ ਵੀ ਬਣ ਰਹੀ ਹੈ। ਤਾਜ਼ਾ ਘਟਨਾ ਉੱਤਰ ਪ੍ਰਦੇਸ਼ ਦੇ ਨੋਇਡਾ ਅਧੀਨ ਪੈਂਦੇ ਸੈਕਟਰ 27 ਦੀ ਰਹਿਣ ਵਾਲੀ 22 ਸਾਲਾਂ ਸਵਾਤੀ ਦੇ ਨਾਲ ਜੁੜੀ ਹੈ। ਦਿੱਲੀ ਯੂਨੀਵਰਸਿਟੀ ਦੀ ਵਿਦਿਆਰਥਣ ਦੀ ਫੇਸਬੁੱਕ ’ਤੇ ਸਵਪਨਿਲ ਕੁਮਾਰ ਨਾਮਕ ਨੌਜਵਾਨ ਨਾਲ ਦੋਸਤੀ ਹੋਈ ਤੇ ਦੋਵਾਂ ’ਚ ਪ੍ਰੇਮ ਸਬੰਧ ਬਣ ਗਏ।
ਹਾਲ ਹੀ ’ਚ ਦੋਵਾਂ ਵਿਚਾਲੇ ਝਗੜਾ ਹੋ ਗਿਆ। ਲੜਕੀ ਵੱਲੋਂ ਵਾਰ-ਵਾਰ ਫੋਨ ਕਰਨ ’ਤੇ ਜਦੋਂ ਲੜਕੇ ਨੇ ਫੋਨ ਨਹੀਂ ਚੁੱਕਿਆ ਤਾਂ ਉਸ ਨੇ ਵਟਸਐਪ ’ਤੇ ਮੈਸੇਜ ਪਾਉਣ ਤੋਂ ਬਾਅਦ ਪੀ.ਜੀ. ਦੀ ਛੱਤ ਵਾਲੇ ਪੱਖੇ ਨਾਲ ਲਟਕ ਕੇ ਖੁਦਕੁਸ਼ੀ ਕਰ ਲਈ। ਘਟਨਾ ਤੋਂ ਬਾਅਦ ਸੈਕਟਰ 20 ਦੀ ਪੁਲਿਸ ਵੱਲੋਂ ਪ੍ਰੇਮੀ ਨੂੰ ਕਬਜੇ ’ਚ ਲੈ ਕੇ ਪੁੱਛਗਿੱਛ ਕਰਨ ਦੀ ਗੱਲ ਆਖੀ ਹੈ।
ਉਧਰ ਦਿੱਲੀ ਦੀ ਹੀ ਜੀ.ਐੱਲ.ਏ. ਯੂਨੀਵਰਸਿਟੀ ਵਿੱਚ ਵੀ ਇੱਕ ਵਿਦਿਆਰਥੀ ਵੱਲੋਂ ਕਥਿਤ ਖੁਦਕੁਸ਼ੀ ਦਾ ਮਾਮਲਾ ਸਾਹਮਣੇ ਆਇਆ ਹੈ। 19 ਸਾਲ ਦੇ ਗਗਨ ਅਗਰਵਾਲ ਦੀ ਹੋਸਟਲ ’ਚ ਲਾਸ਼ ਲਟਕਦੀ ਮਿਲੀ। ਇਸ ਯੂਨੀਵਰਸਿਟੀ ਵਿੱਚ 10 ਦਿਨਾਂ ਅੰਦਰ ਇਹ ਦੂਜੀ ਘਟਨਾ ਹੈ। ਯੂਨੀਵਰਸਿਟੀਆਂ ’ਚ ਵਿਦਿਆਰਥੀਆਂ ਵੱਲੋਂ ਕੀਤੀਆਂ ਜਾ ਰਹੀਆਂ ਖੁਦਕੁਸ਼ੀਆਂ ਨੇ ਕਈ ਸਵਾਲ ਖੜੇ ਕਰ ਦਿੱਤੇ ਹਨ?