ਭਾਜਪਾ ਨੇਤਾਵਾਂ ਦੀ ਬਦਜ਼ੁਬਾਨੀ 'ਤੇ ਰੋਕ ਕਿਉਂ ਨਹੀਂ?
Published : Jan 29, 2020, 6:07 pm IST
Updated : Jan 29, 2020, 6:08 pm IST
SHARE ARTICLE
Minister of State Anurag Thakur
Minister of State Anurag Thakur

ਉਂਝ ਦੇਸ਼ ਵਿਚ ਕਿਸੇ ਭਾਜਪਾ ਆਗੂ ਵੱਲੋਂ ਇਹ ਵਿਵਾਦਤ ਨਾਅਰਾ ਪਹਿਲੀ ਵਾਰ...

ਨਵੀਂ ਦਿੱਲੀ: ਗਣਤੰਤਰ ਦਿਵਸ ਮੌਕੇ 'ਮਨ ਕੀ ਬਾਤ' ਪ੍ਰੋਗਰਾਮ ਵਿਚ ਇਕ ਪਾਸੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਦੇਸ਼ ਦੇ ਲੋਕਾਂ ਨੂੰ ਅਹਿੰਸਾ ਦਾ ਪਾਠ ਪੜ੍ਹਾਇਆ ਪਰ ਦੂਜੇ ਪਾਸੇ ਉਨ੍ਹਾਂ ਦੇ ਮੰਤਰੀ ਸ਼ਰ੍ਹੇਆਮ ਸਪੀਕਰਾਂ ਵਿਚ ਉਚੀ ਉਚੀ ਬੋਲ ਕੇ ਲੋਕਾਂ ਕੋਲੋਂ ਗੋਲੀ ਮਾਰਨ ਦੇ ਨਾਅਰੇ ਲਗਵਾ ਰਹੇ ਨੇ। ਇਹ ਨਾਅਰੇ ਦੇਸ਼ ਦੇ ਵਿੱਤ ਰਾਜ ਮੰਤਰੀ ਅਨੁਰਾਗ ਠਾਕੁਰ ਵੱਲੋਂ ਲਗਵਾਏ ਗਏ। ਕੀ ਪ੍ਰਧਾਨ ਮੰਤਰੀ ਵੱਲੋਂ ਮਨ ਕੀ ਬਾਤ ਵਿਚ ਪੜ੍ਹਾਇਆ ਗਿਆ ਅਹਿੰਸਾ ਦਾ ਪਾਠ ਸਿਰਫ਼ ਹੋਰ ਲੋਕਾਂ ਲਈ ਹੈ।

PhotoPhoto

ਮੰਤਰੀਆਂ ਲਈ ਨਹੀਂ। ਜੇਕਰ ਪ੍ਰਧਾਨ ਮੰਤਰੀ ਦੀ ਮਨ ਕੀ ਬਾਤ ਉਨ੍ਹਾਂ ਦੇ ਅਪਣੇ ਹੀ ਮੰਤਰੀ ਤਕ ਨਹੀਂ ਪਹੁੰਚ ਸਕੀ ਤਾਂ ਫਿਰ ਪੀਐਮ ਮੋਦੀ ਨੂੰ ਅਨੁਰਾਗ ਠਾਕੁਰ ਨੂੰ ਮਿਲ ਕੇ ਸਮਝਾਉਣਾ ਚਾਹੀਦਾ ਹੈ ਕਿ ਉਹ ਅਜਿਹੀ ਬਿਆਨਬਾਜ਼ੀ ਨਾ ਕਰਨ। ਅਨੁਰਾਗ ਠਾਕੁਰ ਨੇ ਉਚੀ ਆਵਾਜ਼ ਵਿਚ ਲੋਕਾਂ ਕੋਲੋਂ ਨਾਅਰੇ ਲਗਵਾਏ 'ਦੇਸ਼ ਕੇ ਗੱਦਾਰੋਂ, ਗੋਲੀ ਮਾਰੋ। ਹੁਣ ਤਕ ਇਹ ਨਾਅਰਾ ਭਾਜਪਾ ਵੱਲੋਂ ਸੀਏਏ ਦੇ ਸਮਰਥਨ ਵਿਚ ਕੀਤੀਆਂ ਲਗਭਗ ਸਾਰੀਆਂ ਰੈਲੀਆਂ ਵਿਚ ਲਗਾਇਆ ਜਾ ਰਿਹਾ ਸੀ।

PhotoPhoto

ਪੁਲਿਸ ਨੇ ਕਦੇ ਇਸ 'ਤੇ ਨੋਟਿਸ ਨਹੀਂ ਲਿਆ। ਲਾਊਡ ਸਪੀਕਰ ਰਾਹੀਂ ਗੋਲੀ ਮਾਰਨ ਦੇ ਨਾਅਰੇ ਲਗਾਏ ਜਾ ਰਹੇ ਨੇ। ਪਹਿਲਾਂ ਰੈਲੀਆਂ ਵਿਚ ਹੇਠਲੇ ਪੱਧਰ 'ਤੇ ਇਹ ਨਾਅਰਾ ਲਗਵਾਇਆ ਗਿਆ, ਹੁਣ ਮੰਤਰੀ ਵੀ ਇਹ ਨਾਅਰਾ ਲਗਾਉਣ ਲੱਗ ਪਏ ਨੇ। ਹੈਰਾਨੀ ਦੀ ਗੱਲ ਤਾਂ ਇਹ ਹੈ ਕਿ 1 ਫਰਵਰੀ ਨੂੰ ਦੇਸ਼ ਦਾ ਬਜਟ ਪੇਸ਼ ਹੋਣਾ ਹੈ। ਦੇਸ਼ ਦੀ ਅਰਥਵਿਵਸਥਾ ਕਈ ਤਰ੍ਹਾਂ ਦੇ ਸੰਕਟਾਂ ਨਾਲ ਜੂਝ ਰਹੀ ਐ ਪਰ ਦੇਸ਼ ਦੇ ਵਿੱਤ ਰਾਜ ਮੰਤਰੀ ਸਪੀਕਰਾਂ ਵਿਚੋਂ ਦੀ ਗੋਲੀ ਮਾਰਨ ਦੇ ਨਾਅਰੇ ਲਗਵਾ ਰਹੇ ਨੇ।

PhotoPhoto

ਅਨੁਰਾਗ ਠਾਕੁਰ ਦੀ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਕੇਂਦਰੀ ਵਿੱਤ ਰਾਜ ਮੰਤਰੀ ਅਨੁਰਾਗ ਠਾਕੁਰ ਵੱਲੋਂ ਇਹ ਹਰਕਤ ਰਿਠਾਲਾ ਤੋਂ ਭਾਜਪਾ ਉਮੀਦਵਾਰ ਮਨੀਸ਼ ਚੌਧਰੀ ਦੀ ਇਕ ਚੋਣ ਰੈਲੀ ਵਿਚ ਕੀਤੀ ਗਈ। ਦਿੱਲੀ ਚੋਣਾਂ ਵਿਚ ਦੇਸ਼ ਦੇ ਵਿੱਤ ਰਾਜ ਮੰਤਰੀ ਵੱਲੋਂ ਗੋਲੀ ਮਾਰਨ ਦੇ ਨਾਅਰੇ ਲਗਵਾਏ ਜਾਣਾ ਚੋਣ ਕਮਿਸ਼ਨ ਲਈ ਇਮਤਿਹਾਨ ਦੀ ਘੜੀ ਐ, ਉਨ੍ਹਾਂ ਨੂੰ ਤੁਰੰਤ ਇਸ 'ਤੇ ਐਕਸ਼ਨ ਲੈਣਾ ਚਾਹੀਦਾ ਹੈ।

PhotoPhoto

ਉਂਝ ਦੇਸ਼ ਵਿਚ ਕਿਸੇ ਭਾਜਪਾ ਆਗੂ ਵੱਲੋਂ ਇਹ ਵਿਵਾਦਤ ਨਾਅਰਾ ਪਹਿਲੀ ਵਾਰ ਨਹੀਂ ਲਗਾਇਆ ਗਿਆ ਬਲਕਿ ਜਦੋਂ ਤੋਂ ਸੀਏਏ ਦਾ ਰੌਲਾ ਸ਼ੁਰੂ ਹੋਇਆ, ਉਦੋਂ ਤੋਂ ਹੀ ਇਹ ਨਾਅਰਾ ਭਾਜਪਾ ਦੀਆਂ ਕਈ ਰੈਲੀਆਂ ਵਿਚ ਲਗਾਇਆ ਜਾ ਚੁੱਕਿਆ ਹੈ। ਦੇਸ਼ ਦੇ ਅਮਨ ਪਸੰਦ ਲੋਕਾਂ ਦਾ ਕਹਿਣਾ ਹੈ ਕਿ ਕੀ ਦੇਸ਼ ਦੇ ਪ੍ਰਧਾਨ ਮੰਤਰੀ ਨੂੰ ਅਪਣੇ ਮੰਤਰੀਆਂ ਦੀਆਂ ਇਹ ਹਰਕਤਾਂ ਨਜ਼ਰ ਨਹੀਂ ਆਉਂਦੀਆਂ?

ਜੋ ਸ਼ਰ੍ਹੇਆਮ ਦੇਸ਼ ਦਾ ਮਾਹੌਲ ਖ਼ਰਾਬ ਕਰਨ 'ਤੇ ਤੁਲੇ ਹੋਏ ਨੇ। ਲੋਕਾਂ ਦਾ ਕਹਿਣਾ ਕਿ ਵੋਟਰਾਂ ਨੂੰ ਲੁਭਾਉਣ ਲਈ ਲੀਡਰ ਵਿਕਾਸ ਦੇ ਵਾਅਦੇ ਦਾਅਵੇ ਕਰਦੇ ਤਾਂ ਕਈ ਵਾਰ ਦੇਖੇ ਜਾਂ ਸੁਣੇ ਨੇ ਪਰ ਭਾਜਪਾ ਆਗੂਆਂ ਨੇ ਤਾਂ ਸਾਰੀਆਂ ਹੱਦਾਂ ਹੀ ਪਾਰ ਕਰ ਦਿੱਤੀਆਂ ਨੇ ਜੋ ਸੱਤਾ ਖ਼ਾਤਰ ਦੇਸ਼ ਵਿਚ ਨਫ਼ਰਤ ਦਾ ਬੀਜ ਬੀਜਣ ਵਿਚ ਲੱਗੇ ਹੋਏ ਨੇ। ਜੇਕਰ ਇਸ ਰੁਝਾਨ ਨੂੰ ਤੁਰੰਤ ਠੱਲ੍ਹ ਨਾ ਪਾਈ ਗਈ ਤਾਂ ਉਹ ਦਿਨ ਦੂਰ ਨਹੀਂ ਜਦੋਂ ਦੇਸ਼ ਗੱਦਾਰਾਂ ਦੀ ਵਜ੍ਹਾ ਨਾਲ ਨਹੀਂ ਬਲਕਿ ਇਨ੍ਹਾਂ ਨੇਤਾਵਾਂ ਦੀ ਵਜ੍ਹਾ ਨਾਲ ਟੁਕੜੇ ਟੁਕੜੇ ਹੋ ਜਾਵੇਗਾ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ। 

Location: India, Delhi, New Delhi

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

Shaheed Udham singh grandson Story : 'ਮੈਨੂੰ ਚਪੜਾਸੀ ਦੀ ਹੀ ਨੌਕਰੀ ਦੇ ਦਿਓ, ਕੈਪਟਨ ਨੇ ਨੌਕਰੀ ਦੇਣ ਦਾ ਐਲਾਨ...

09 Aug 2025 12:37 PM

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 09/08/2025

09 Aug 2025 12:34 PM

ਕਿਉਂ ਪੰਜਾਬੀਆਂ 'ਚ ਸਭ ਤੋਂ ਵੱਧ ਵਿਦੇਸ਼ ਜਾਣ ਦਾ ਜਨੂੰਨ, ਕਿਵੇਂ ਘਟੇਗੀ ਵੱਧਦੀ ਪਰਵਾਸ ਦੀ ਪਰਵਾਜ਼ ?

06 Aug 2025 9:27 PM

Donald Trump ਨੇ India 'ਤੇ ਲੱਗਾ ਦਿੱਤਾ 50% Tariff, 24 ਘੰਟਿਆਂ 'ਚ ਲਗਾਉਣ ਦੀ ਦਿੱਤੀ ਸੀ ਧਮਕੀ

06 Aug 2025 9:20 PM

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 03/08/2025

03 Aug 2025 1:23 PM
Advertisement