ਸਮਾਜ-ਸੇਵੀ ਸੰਸਥਾ ਭਾਰਤ ਵਿਕਾਸ ਪ੍ਰੀਸ਼ਦ ਸਾਖਾ ਏਲਨਾਬਾਦ ਵਲੋਂ ਨੇੜਲੇ ਪਿੰਡ ਕਿਸ਼ਨਪੁਰਾ ਵਿਚ ਸਥਿਤ ਸ਼ਿਵ ਵਿਦਿਆ ਮੰਦਰ ਵਿਚ ਇਕ ਵਿਸ਼ਾਲ ਖੂਨਦਾਨ ਕੈਂਪ ਲਗਾਇਆ ਗਿਆ, ਜਿਸ ਵਿਚ
ਏਲਨਾਬਾਦ, 6 ਅਗੱਸਤ (ਪਰਦੀਪ ਧੁੰਨਾ ਚੂਹੜਚੱਕ): ਸਮਾਜ-ਸੇਵੀ ਸੰਸਥਾ ਭਾਰਤ ਵਿਕਾਸ ਪ੍ਰੀਸ਼ਦ ਸਾਖਾ ਏਲਨਾਬਾਦ ਵਲੋਂ ਨੇੜਲੇ ਪਿੰਡ ਕਿਸ਼ਨਪੁਰਾ ਵਿਚ ਸਥਿਤ ਸ਼ਿਵ ਵਿਦਿਆ ਮੰਦਰ ਵਿਚ ਇਕ ਵਿਸ਼ਾਲ ਖੂਨਦਾਨ ਕੈਂਪ ਲਗਾਇਆ ਗਿਆ, ਜਿਸ ਵਿਚ 69 ਲੋਕਾਂ ਨੇ ਖੂਨਦਾਨ ਕੀਤਾ। ਇਸ ਖੂਨਦਾਨ ਕੈਂਪ ਵਿਚ ਜ਼ਿਲ੍ਹਾ ਰੈਡ ਕਰਾਸ ਸੋਸਾਇਟੀ ਸਿਰਸਾ ਦੇ ਡਾਕਟਰਾਂ ਨੇ ਅਪਣੀਆਂ ਸੇਵਾਵਾਂ ਦਿਤੀਆਂ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਸੰਸਥਾ ਦੇ ਬੁਲਾਰੇ ਨਿਤਿਨ ਸੋਮਾਨੀ ਨੇ ਦਸਿਆ ਕਿ ਮਾਂ ਭਾਰਤੀ ਦੀ ਤਸਵੀਰ ਮੂਹਰੇ ਜੋਤ ਜਗਾ ਕੇ ਇਸ ਖੂਨਦਾਨ ਕੈਂਪ ਦੀ ਸ਼ੁਰੂਆਤ ਕੀਤੀ ਗਈ। ਇਸ ਮੌਕੇ ਭਾਰਤ ਵਿਕਾਸ ਪ੍ਰੀਸ਼ਦ ਸਾਖਾ ਏਲਨਾਬਾਦ ਦੇ ਮੈਬਰਾਂ ਵਲੋਂ ਕਿਸ਼ਨਪੁਰਾ ਦੇ ਸ਼ਿਵ ਵਿਦਿਆ ਮੰਦਰ ਪੌਦੇ ਵੀ ਲਗਾਏ। ਇਸ ਮੌਕੇ ਛਬੀਲ ਦਾਸ ਮਹਿਤਾ, ਡਾਕਟਰ ਵਰੁਣ ਗੋਦਾਰਾ, ਡਾਕਟਰ ਐਨ ਆਰ ਸਿੱਧੂ,ਅਜੇ ਸਰਦਾਨਾ, ਬਲਵੰਤ ਸਹਾਰਨ, ਵਿਨੋਦ ਗਿਗੋਰਾਣੀ, ਨਰਿੰਦਰ ਸੱਪਰਾ, ਅਮਿਤ ਮੋਦੀ, ਇਸ਼ਵਰ ਸੋਨੀ ਆਦਿ ਹਾਜ਼ਰ ਸਨ।