Aadhar Card
ਪੈਨ ਕਾਰਡ ਨਾਲ ਆਧਾਰ ਨੂੰ ਜੋੜਨ ਦੀ ਤਰੀਕ ਵਧਾਈ ਗਈ ਸੀ
ਕੇਂਦਰ ਸਰਕਾਰ ਨੇ ਆਧਾਰ ਕਾਰਡ ਨੂੰ ਭਲਾਈ ਯੋਜਨਾਵਾਂ ਨਾਲ ਜੋੜਨ ਦੀ ਆਖ਼ਰੀ ਤਰੀਕ ਵਧਾ ਦਿਤੀ ਹੈ। ਹੁਣ 30 ਜੂਨ ਤਕ ਅਪਣਾ ਆਧਾਰ ਕਾਰਡ ਭਲਾਈ ਯੋਜਨਾਵਾਂ ਨਾਲ ਜੋੜਿਆ ਜਾ ਸਕਦਾ ਹੈ। ਕਲ ਪੈਨ ਕਾਰਡ ਨਾਲ ਆਧਾਰ ਨੂੰ ਜੋੜਨ ਦੀ ਤਰੀਕ ਵਧਾਈ ਗਈ ਸੀ। ਇਸ ਦੀ ਤਰੀਕ ਵੀ 30 ਜੂਨ ਕੀਤੀ ਗਈ ਹੈ। ਹੁਣ ਤਕ ਇਹ ਤਰੀਕ 31 ਮਾਰਚ ਸੀ।ਸਮਝਿਆ ਜਾਂਦਾ ਹੈ ਕਿ ਇਹ ਹੁਕਮ ਸੁਪਰੀਮ ਕੋਰਟ ਦੇ ਤਾਜ਼ਾ ਹੁਕਮਾਂ ਦੀ ਰੌਸ਼ਨੀ ਵਿਚ ਦਿਤਾ ਗਿਆ ਹੈ।
Aadhar Card
ਇਹ ਚੌਥਾ ਮੌਕਾ ਹੈ ਜਦ ਸਰਕਾਰ ਨੇ ਲੋਕਾਂ ਨੂੰ ਪੈਨ ਨੂੰ ਆਧਾਰ ਨਾਲ ਜੋੜਨ ਦੀ ਸਮਾਂ ਸੀਮਾ ਵਧਾਈ ਹੈ। ਸਰਕਾਰ ਨੇ ਆਮਦਨ ਕਰ ਦਾਖ਼ਲ ਕਰਨ ਅਤੇ ਨਵਾਂ ਪੈਨ ਲੈਣ ਲਈ ਆਧਾਰ ਨੰਬਰ ਦੇਣਾ ਵੀ ਲਾਜ਼ਮੀ ਕਰ ਦਿਤਾ ਹੈ। ਇਲੈਕਟ੍ਰਾਨਿਕਸ ਅਤੇ ਆਈਟੀ ਮੰਤਰਾਲੇ ਦੇ ਦਫ਼ਤਰ ਦੇ ਬਿਆਨ ਮੁਤਾਬਕ ਉਕਤ ਤਰੀਕ ਵਧਾਈ ਗਈ ਹੈ। ਬੈਂਕ ਖਾਤਿਆਂ ਤੇ ਮੋਬਾਈਲ ਫ਼ੋਨ ਨੂੰ 12 ਅੰਕਾਂ ਵਾਲੇ ਆਧਾਰ ਨਾਲ ਜੋੜਨ ਦੀ ਸਮਾਂ ਸੀਮਾ ਪਹਿਲਾਂ ਹੀ ਤਦ ਤਕ ਲਈ ਵਧਾਈ ਜਾ ਚੁਕੀ ਹੈ ਜਦ ਤਕ ਸੁਪਰੀਮ ਕੋਰਟ ਫ਼ੈਸਲਾ ਨਹੀਂ ਸੁਣਾਉਂਦਾ। (ਏਜੰਸੀ)
