ਜਿਸ ਦੇ ਲਈ ਚੀਨ ਇਕ ਅਜਿਹਾ ਬਾਇਓਲਾਜੀਕਲ ਏਜੰਟ ਨਾਂ ਦਾ ਵਾਇਰਸ...

ਨਵੀਂ ਦਿੱਲੀ: ਚੀਨ ਦੇ ਮਿਲਟਰੀ ਇੰਟੈਲੀਜੈਂਸ ਦੇ ਅਧਿਕਾਰੀ ਨੇ ਇਕ ਅਜਿਹਾ ਲੇਖ ਲਿਖਿਆ ਹੈ ਜਿਸ ਨਾਲ ਚੀਨ ਹੁਣ ਪੂਰੀ ਦੁਨੀਆ ਸਾਹਮਣੇ ਜ਼ਾਹਿਰ ਹੋ ਗਿਆ ਹੈ। ਇਸ ਅਧਿਕਾਰੀ ਦਾ ਕਹਿਣਾ ਹੈ ਕਿ ਜੇ ਉਸ ਨੇ ਅਪਣੀ ਪਹਿਚਾਣ ਜ਼ਾਹਿਰ ਕਰ ਦਿੱਤੀ ਤਾਂ ਉਸ ਦੀ ਜਾਨ ਖਤਰੇ ਵਿਚ ਪੈ ਸਕਦੀ ਹੈ ਪਰ ਉਹ ਸਪੱਸ਼ਟ ਸ਼ਬਦਾਂ ਵਿਚ ਕਹਿ ਰਿਹਾ ਹੈ ਕਿ ਉਸ ਕੋਲ ਅਜਿਹੀ ਜਾਣਕਾਰੀ ਹੈ ਜੋ ਚੀਨ ਦੀ ਸਰਕਾਰ ਨੂੰ ਉਖਾੜ ਕੇ ਰੱਖ ਸਕਦੀ ਹੈ।

Corona virus 

ਇਸ ਅਧਿਕਾਰੀ ਨੇ ਦਸਿਆ ਕਿ ਚੀਨ ਨੇ ਕੋਰੋਨਾ ਨੂੰ ਲੈ ਕੇ ਕੀ-ਕੀ ਝੂਠ ਬੋਲੇ ਹਨ ਅਤੇ ਕੋਰੋਨਾ ਦਾ ਸੱਚ ਕੀ ਹੈ।

ਚੀਨ ਨੇ ਕੋਰੋਨਾ ਤੇ ਸਭ ਤੋਂ ਵੱਡਾ ਝੂਠ ਬੋਲਿਆ

ਚੀਨ ਤੋਂ ਹੀ ਕੋਰੋਨਾ ਨੂੰ ਲੈ ਕੇ ਇਕ ਅਜਿਹਾ ਖੁਲਾਸਾ ਹੋਇਆ ਹੈ ਜਿਸ ਤੇ ਚੀਨ ਹੁਣ ਪੂਰੀ ਤਰ੍ਹਾਂ ਘਿਰ ਗਿਆ ਹੈ। ਚੀਨ ਦੇ ਮਿਲਟਰੀ ਇੰਟੈਲੀਜੈਂਸ ਦੇ ਅਧਿਕਾਰੀ ਦਾ ਅਜਿਹਾ ਲੇਖ ਸਾਹਮਣੇ ਆਇਆ ਹੈ ਜਿਸ ਨੇ ਚੀਨ ਦੇ ਖਤਰਨਾਕ ਇਰਾਦਿਆਂ ਨੂੰ ਬੇਨਕਾਬ ਕਰ ਦਿੱਤਾ ਹੈ। ਲੇਖ ਲਿਖਣ ਵਾਲਾ ਇੰਟੈਲੀਜੈਂਸ ਪਾਰਟੀ ਦਾ ਮੈਂਬਰ ਵੀ ਹੈ। ਇਸ ਅਧਿਕਾਰੀ ਦਾ ਦਾਅਵਾ ਹੈ ਕਿ ਚੀਨ ਹਾਂਗਕਾਂਗ ਵਿਚ ਹੋ ਰਹੇ ਵਿਰੋਧ ਪ੍ਰਦਰਸ਼ਨ ਦੀ ਅੱਗ ਨੂੰ ਰੋਕਣਾ ਚਾਹੁੰਦਾ ਸੀ।

coronavirus

ਜਿਸ ਦੇ ਲਈ ਚੀਨ ਇਕ ਅਜਿਹਾ ਬਾਇਓਲਾਜੀਕਲ ਏਜੰਟ ਨਾਂ ਦਾ ਵਾਇਰਸ ਤਿਆਰ ਕਰ ਰਿਹਾ ਸੀ ਜਿਸ ਨੂੰ ਜੇ ਹੈਲੀਕਾਪਟਰ ਨਾਲ ਹੇਠਾਂ ਪ੍ਰਦਰਸ਼ਕਾਰੀਆਂ ਉੱਪਰ ਛਿੜਕ ਦਿੱਤਾ ਜਾਵੇ ਅਤੇ ਇਹ ਜਿਸ ਤੇ ਵੀ ਡਿੱਗੇਗਾ ਉਹ ਮਾਨਸਿਕ ਤੌਰ ਤੇ ਡੀਰੇਂਜਡ ਹੋ ਜਾਵੇਗਾ ਜਾਂ ਫਿਰ ਉਸ ਦੇ ਵਿਵਹਾਰ ਵਿਚ ਬਦਲਾਅ ਆ ਜਾਵੇਗਾ। ਲੇਖ ਲਿਖਣ ਵਾਲਾ ਇਹ ਅਧਿਕਾਰੀ ਵੀ ਚੀਨ ਦੇ ਉਸ ਪ੍ਰੋਜੈਕਟ ਦਾ ਹਿੱਸਾ ਸੀ।

ਇਸ ਪ੍ਰੋਜੈਕਟ ਨੂੰ ਇਸ ਲਈ ਰੋਕ ਦਿੱਤਾ ਗਿਆ ਕਿਉਂ ਕਿ ਹਾਂਗਕਾਂਗ ਦੇ ਪ੍ਰਦਰਸ਼ਨ ਤੇ ਦੁਨੀਆ ਦੀ ਨਜ਼ਰ ਸੀ ਅਤੇ ਅਜਿਹੇ ਕਿਸੇ ਬਾਇਓਲਾਜੀਕਲ ਏਜੰਟ ਦਾ ਛਿੜਕਾਅ ਬਹੁਤ ਖਰਤਨਾਕ ਹੋ ਸਕਦਾ ਸੀ ਤੇ ਦੁਨੀਆ ਦਾ ਧਿਆਨ ਵੀ ਉਸ ਤੇ ਆ ਜਾਂਦਾ, ਇਸ ਲਈ ਚੀਨ ਨੇ ਇਕ ਬੇਹੱਦ ਖਤਰਨਾਕ ਤਰੀਕਾ ਕੱਢਿਆ। ਚੀਨ ਨੇ ਇਸ ਬਾਇਓਲਾਜੀਕਲ ਵੈਪਨ ਨੂੰ ਟੈਸਟ ਕਰਨ ਲਈ ਇਸਲਾਮਿਕ ਕੱਟੜਪੰਥੀਆਂ ਤੇ ਟੈਸਟ ਕੀਤਾ।

ਚੀਨ ਨੇ ਜਿਨਜਿਆਂਗ ਪ੍ਰਾਂਤ ਵਿਚ ਬਕਾਇਦਾ ਇਕ ਟ੍ਰੇਨਿੰਗ ਕੈਂਪ ਵਿਚ ਇਸ ਦਾ ਟੈਸਟ ਕੀਤਾ ਅਤੇ ਜਦੋਂ ਚੀਨ ਨੇ ਇਸ ਖਤਰਨਾਕ ਏਜੰਟ ਦਾ ਟੈਸਟ ਲੋਕਾਂ ਦੇ ਸ਼ਰੀਰ ਤੇ ਕੀਤਾ ਤਾਂ ਨਤੀਜੇ ਡਰਾਉਣ ਵਾਲੇ ਸਨ। ਉਸ ਏਜੰਟ ਦੇ ਪ੍ਰਯੋਗ ਨਾਲ ਜਿਹੜੇ ਲੋਕਾਂ ਦੇ ਸ਼ਰੀਰ ਤੇ ਟੈਸਟ ਕੀਤਾ ਗਿਆ ਉਹਨਾਂ ਲੋਕਾਂ   ਦਾ ਸ਼ਰੀਰ ਗਲਣਾ ਸ਼ੁਰੂ ਹੋ ਗਿਆ। ਇਸ ਤੋਂ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਚੀਨ ਨੇ ਇਹ ਕਿੰਨਾ ਭਿਆਨਕ ਏਜੰਟ ਤਿਆਰ ਕੀਤਾ ਸੀ।  

ਕੀ ਕੋਰੋਨਾ ਵਾਇਰਸ ਪਿੱਛੇ ਚੀਨ ਅਤੇ ਅਮਰੀਕਾ ਦਾ ਹੱਥ?

ਚੀਨ ਤੋਂ ਅਮਰੀਕਾ ਨੇ ਮੰਗਿਆ ਸੀ ਵਾਇਰਸ?- ਤੁਹਾਡੇ ਦਿਮਾਗ਼ ਵਿਚ ਵੀ ਇਹ ਸਵਾਲ ਹੋਵੇਗਾ ਕਿ ਕੋਰੋਨਾ ਆਖਿਰ ਚੀਨ ਦੇ ਵੁਹਾਨ ਪ੍ਰਾਂਤ ਤੋਂ ਹੀ ਕਿਉਂ ਫੈਲਿਆ? ਅਜਿਹਾ ਕੀ ਹੋਇਆ ਸੀ ਕਿ ਵੁਹਾਨ ਵਿਚ ਹੀ ਕੋਰੋਨਾ ਫੈਲਿਆ। ਇਸ ਸਵਾਲ ਦਾ ਜਵਾਬ ਵੀ ਚੀਨ ਦੇ ਅਧਿਕਾਰੀ ਨੇ ਦਿੱਤਾ ਹੈ। ਚੀਨ ਦੇ ਅਧਿਕਾਰੀ ਮੁਤਾਬਕ ਅਮਰੀਕਾ ਦੀ ਇੰਟੈਲੀਜੈਂਸ ਏਜੰਸੀ ਨੂੰ ਵੀ ਇਸ ਬਾਇਓਲਾਜੀਕਲ ਏਜੰਟ ਦੀ ਖਬਰ ਲਗ ਚੁੱਕੀ ਸੀ ਅਤੇ CIA ਵੀ ਇਸ ਵਿਚ ਦਲਚਸਪੀ ਦਿਖਾ ਰਿਹਾ ਸੀ।

ਚੀਨ ਨੇ ਜਿਹੜੇ ਵਾਇਰਸ ਨੂੰ ਲੈਬ ਵਿਚ ਬਣਾਇਆ ਉਸ ਦੀ ਖਬਰ ਅਮਰੀਕਾ ਨੂੰ ਵੀ ਲਗ ਚੁੱਕੀ ਸੀ। ਚੀਨ ਦੇ ਅਧਿਕਾਰੀ ਨੇ ਅਪਣੇ ਲੇਖ ਵਿਚ ਲਿਖਿਆ, ਚੀਨ ਅਤੇ ਅਮਰੀਕਾ ਦੌਰਾਨ ਵਾਇਰਸ ਲੈਣ-ਦੇਣ ਤੇ ਡੀਲ ਕਿਉਂ ਨਹੀਂ ਹੋ ਸਕੀ। ਅਧਿਕਾਰੀ ਨੇ ਲਿਖਿਆ ਕਿ ਅਮਰੀਕਾ ਨੇ ਵਾਇਰਸ ਵਿਚ ਦਿਲਚਸਪੀ ਦਿਖਾਈ ਸੀ। ਸਾਡੇ CIA ਨਾਲ ਚੰਗੇ ਰਿਸ਼ਤੇ ਹਨ ਪਰ ਕਿਉਂ ਕਿ ਇਹ ਬਹੁਤ ਖਤਰਨਾਕ ਸੀ ਇਸ ਲਈ ਉਹਨਾਂ ਨੇ ਮਨ੍ਹਾ ਕਰ ਦਿੱਤਾ।

CIA ਨੂੰ ਲਗ ਰਿਹਾ ਸੀ ਕਿ ਉਹਨਾਂ ਨੇ ਬਹੁਤ ਹੀ ਤਾਕਤਵਰ ਚੀਜ਼ ਬਣਾ ਲਈ ਹੈ ਪਰ ਚੀਨ ਇਸ ਨੂੰ ਅਪਣੇ ਤਕ ਹੀ ਰੱਖਣਾ ਚਾਹੁੰਦਾ ਹੈ। ਅਮਰੀਕੀ ਇੰਟੈਲੀਜੈਂਸ ਏਜੰਸੀ ਨੇ ਚੀਨ ਦੇ ਰਿਸਰਚਰ ਨੂੰ ਵੱਡੀ ਰਕਮ ਦੀ ਪੇਸ਼ਕਸ਼ ਕੀਤੀ ਅਤੇ ਉਸ ਵਾਇਰਸ ਦੀ ਮੰਗ ਕੀਤੀ। ਰਿਸਰਚਰ ਅਮਰੀਕੀ ਏਜੰਸੀ ਨੂੰ ਵਾਇਰਸ ਦਾ ਨਮੂਨਾ ਵੇਚਣ ਨੂੰ ਤਿਆਰ ਹੋ ਗਿਆ। ਹੁਣ ਤੁਸੀਂ ਇਹ ਸਮਝੋ ਕਿ ਇਹ ਵਾਇਰਸ ਅਮਰੀਕਾ ਦੇ ਹੱਥ ਕਿਉਂ ਨਹੀਂ ਲਗ ਸਕਿਆ।

ਜਦੋਂ ਅਮਰੀਕੀ ਏਜੰਟ ਚੀਨ ਦੇ ਰਿਸਰਚਰ ਨਾਲ ਉਸ ਵਾਇਰਸ ਦੀ ਡੀਲ ਕਰ ਰਿਹਾ ਸੀ ਤਾਂ ਚੀਨ ਦੇ ਹੋਰਨਾਂ ਲੋਕਾਂ ਨੂੰ ਇਸ ਬਾਰੇ ਪਤਾ ਚੱਲ ਗਿਆ ਸੀ। ਫਿਰ ਉੱਥੇ ਇਕ ਸ਼ੂਟਆਉਟ ਹੋਇਆ ਜਿਸ ਵਿਚ ਕਈ ਲੋਕ ਮਾਰੇ ਗਏ। ਹਾਲਾਂਕਿ ਅਮਰੀਕੀ ਏਜੰਟ ਭੱਜਣ ਵਿਚ ਕਾਮਯਾਬ ਹੋ ਗਏ। ਇਹ ਸ਼ੂਟ ਆਉਟ ਜਾਨਵਰਾਂ ਦੇ ਬਜ਼ਾਰ ਕੋਲ ਹੋਇਆ ਸੀ ਅਤੇ ਜਿਸ ਸ਼ੀਸ਼ੀ ਵਿਚ ਵਾਇਰਸ ਦਾ ਨਮੂਨਾ ਸੀ ਉਹ ਉੱਥੇ ਹੀ ਡਿਗ ਪਈ ਸੀ।

ਇਹੀ ਵਜ੍ਹਾ ਹੈ ਕਿ ਇਹ ਵਾਇਰਸ ਵੁਹਾਨ ਵਿਚ ਫੈਲ ਗਿਆ। ਚੀਨ ਨੇ ਇਹ ਕਹਿ ਕਿ ਇਸ ਲੁਕਾਉਣ ਦੀ ਕੋਸ਼ਿਸ਼ ਕੀਤੀ ਹੈ ਕਿ ਇਹ ਚਮਗਿੱਦੜ ਨਾਲ ਫੈਲਿਆ ਹੈ। ਚੀਨ ਨੇ ਲੋਕਾਂ ਨੂੰ ਝੂਠ ਬੋਲਿਆ ਕਿ ਵੁਹਾਨ ਵਿਚ ਸਿਰਫ ਫਲੂ ਫੈਲਿਆ ਹੈ ਪਰ ਹੌਲੀ-ਹੌਲੀ ਪੂਰੀ ਦੁਨੀਆ ਨੂੰ ਉਸ ਵਾਇਰਸ ਨੇ ਹੁਣ ਅਪਣੀ ਚਪੇਟ ਵਿਚ ਲੈ ਲਿਆ ਜਿਸ ਨੂੰ ਚੀਨ ਨੇ ਅਪਣੀ ਲੈਬ ਵਿਚ ਬਣਾਇਆ ਸੀ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।