ਫ਼ੌਜ ਖੇਤਰ 'ਚ ਲਗਾਤਾਰ ਤੀਸਰੀ ਵਾਰ ਵੇਖਿਆ ਗਿਆ ਡਰੋਨ
ਜੰਮੂ: ਜੰਮੂ ਦੇ ਕੁੰਜਵਾਨੀ-ਰਤਨੁਚੱਕ ਵਿੱਚ ਸੋਮਵਾਰ ਦੀ ਰਾਤ ਨੂੰ ਇੱਕ ਵਾਰ ਫਿਰ ਡਰੋਨ ਵੇਖਿਆ ਗਿਆ। ਲਗਾਤਾਰ ਤੀਜੀ ਵਾਰ ਅਤੇ 24 ਘੰਟਿਆਂ ਵਿਚ ਦੂਜੀ ਵਾਰ ਇੱਥੇ ਇਕ ਡਰੋਨ ਵੇਖਿਆ ਗਿਆ ਹੈ। ਸੋਮਵਾਰ ਨੂੰ ਡਰੋਨ ਕਾਲੂਚਕ ਮਿਲਟਰੀ ਸਟੇਸ਼ਨ ਦੇ ਨੇੜੇ ਦੇਖਿਆ ਗਿਆ ਸੀ।
Drone
ਜਿਸ ਤੋਂ ਬਾਅਦ ਸਵੇਰੇ 3 ਵਜੇ ਦੇ ਕਰੀਬ ਕੁੰਜਵਾਨੀ-ਰਤਨੁਚੱਕ ਵਿੱਚ ਡਰੋਨ ਵੇਖਣ ਦੀਆਂ ਖ਼ਬਰਾਂ ਆਈਆਂ ਹਨ। ਸੂਤਰਾਂ ਅਨੁਸਾਰ ਡਰੋਨ ਉੱਚੀ ਉਚਾਈ 'ਤੇ ਉਡਾਣ ਭਰ ਰਿਹਾ ਸੀ ਅਤੇ ਇਸ ਵਿਚ ਚਿੱਟੀ ਰੋਸ਼ਨੀ ਬਲ ਰਹੀ ਸੀ। ਦੂਜੇ ਪਾਸੇ ਗ੍ਰਹਿ ਮੰਤਰਾਲੇ ਨੇ ਜੰਮੂ ਹਵਾਈ ਸੈਨਾ ਦੇ ਸਟੇਸ਼ਨ ਹਮਲੇ ਦਾ ਕੇਸ ਕੌਮੀ ਜਾਂਚ ਏਜੰਸੀ ਨੂੰ ਸੌਂਪ ਦਿੱਤਾ ਹੈ।
Suspected drone activity was seen late night in Kunjwani, Ratnuchak area of Jammu. Details awaited: Sources
— ANI (@ANI) June 29, 2021
ਡਰੋਨ ਹਮਲਿਆਂ ਦੇ ਮੱਦੇਨਜ਼ਰ, ਡਰੋਨ ਰੋਕੂ ਬੰਦੂਕਾਂ ਸਮੇਤ ਕਮਾਂਡੋ ਫੌਜੀ ਅਦਾਰਿਆਂ ਵਿੱਚ ਤਾਇਨਾਤ ਕੀਤੇ ਗਏ ਹਨ। ਖ਼ਤਰੇ ਦੇ ਮੱਦੇਨਜ਼ਰ ਡਰੋਨ ਨੂੰ ਕਿਤੇ ਵੀ ਉਡਾਣ ਵੇਖ ਕੇ ਜਵਾਬੀ ਕਾਰਵਾਈ ਕਰਨ ਦੇ ਆਦੇਸ਼ ਦਿੱਤੇ ਗਏ ਹਨ। ਇਸ ਤੋਂ ਇਲਾਵਾ ਫੌਜ ਦੇ ਸਾਰੇ ਹੈੱਡਕੁਆਰਟਰਾਂ, ਇਕਾਈਆਂ, ਕੈਂਪਾਂ ਵਿਚ ਅਲਰਟ ਕਰ ਦਿੱਤਾ ਗਿਆ ਹੈ।
Drone
ਜ਼ਿਕਰਯੋਗ ਹੈ ਕਿ ਐਤਵਾਰ ਦੇਰ ਰਾਤ ਰਤਨੁਚਕ-ਕਾਲੂਚਕ ਫ਼ੌਜ ਖੇਤਰਾਂ ਦੇ ਉੱਪਰ ਚੱਕਰ ਲਗਾ ਰਹੇ 2 ਡਰੋਨ ਵੇਖੇ ਗਏ ਸਨ। ਚੌਕਸ ਫ਼ੌਜੀਆਂ ਨੇ ਐਤਵਾਰ ਰਾਤ ਗੋਲੀਆਂ ਚਲਾਈਆਂ। ਰੱਖਿਆ ਵਿਭਾਗ ਦੇ ਇਕ ਬੁਲਾਰੇ ਨੇ ਦੱਸਿਆ ਕਿ ਐਤਵਾਰ ਦੇਰ ਰਾਤ 11.45 ਵਜੇ ਇਕ ਡਰੋਨ ਅਤੇ 2.40 ਵਜੇ ਦੂਜਾ ਡਰੋਨ ਦੇਖਿਆ ਗਿਆ। ਉੱਥੇ ਤਾਇਨਾਤ ਫ਼ੌਜੀਆਂ ਨੇ ਗੋਲੀਆਂ ਚਲਾਉਣ ਤੋਂ ਬਾਅਦ ਉੱਥੋਂ ਦੂਰ ਉੱਡ ਗਏ।
