600 Pakistani Commandosr: ਗੁਆਂਢੀ ਦੇਸ਼ ਪਾਕਿਸਤਾਨ ਭਾਰਤ ਦੇ ਵਿਕਾਸ ਤੋਂ ਪਰੇਸ਼ਾਨ ਹੈ
600 Pakistani Commandos Allegedly Enter India News: ਗੁਆਂਢੀ ਦੇਸ਼ ਪਾਕਿਸਤਾਨ ਦੇਸ਼ ਦੇ ਵਿਕਾਸ ਤੋਂ ਪਰੇਸ਼ਾਨ ਹੈ। ਦੇਸ਼ ਨੇ ਦੋ ਦਿਨ ਪਹਿਲਾਂ ਹੀ ਕਾਰਗਿਲ ਵਿਜੇ ਦਿਵਸ (26 ਜੁਲਾਈ) ਮਨਾਇਆ ਸੀ। ਜਦੋਂ ਸਾਡੇ ਬਹਾਦਰ ਸੈਨਿਕਾਂ ਨੇ ਮੁਜਾਹਿਦੀਨ ਦੇ ਭੇਸ ਵਿਚ ਆਈ ਪਾਕਿਸਤਾਨੀ ਫੌਜ ਨੂੰ ਹਰਾ ਕੇ ਤਿਰੰਗਾ ਲਹਿਰਾਇਆ ਸੀ ਪਰ, ਇਸ ਦੌਰਾਨ ਦੇਸ਼ ਨੇ ਕਈ ਬਹਾਦਰ ਪੁੱਤਰਾਂ ਨੂੰ ਗੁਆ ਦਿੱਤਾ ਸੀ।
ਜੰਮੂ-ਕਸ਼ਮੀਰ 'ਚ ਇਕ ਵਾਰ ਫਿਰ ਅਜਿਹੀ ਹੀ ਜੰਗ ਦੀਆਂ ਆਵਾਜ਼ਾਂ ਸੁਣਾਈ ਦੇਣ ਲੱਗ ਪਈਆਂ ਹਨ। ਪਾਕਿਸਤਾਨ ਦੇ ਕਬਜ਼ੇ ਵਾਲੇ ਕਸ਼ਮੀਰ (ਪੀਓਕੇ) ਦੇ ਇੱਕ ਜਾਣੇ-ਪਛਾਣੇ ਕਾਰਕੁਨ ਡਾਕਟਰ ਅਮਜਦ ਅਯੂਬ ਮਿਰਜ਼ਾ ਨੇ ਹਾਲ ਹੀ ਵਿੱਚ ਜੰਮੂ-ਕਸ਼ਮੀਰ ਵਿੱਚ ਵਧੇ ਹੋਏ ਅਤਿਵਾਦੀ ਹਮਲਿਆਂ ਬਾਰੇ ਖੁਲਾਸਾ ਕੀਤਾ ਹੈ। ਉਸ ਨੇ ਕਿਹਾ ਹੈ ਕਿ ਇਹ ਹਮਲੇ ਅਤਿਵਾਦੀ ਨਹੀਂ ਸਗੋਂ ਪਾਕਿਸਤਾਨੀ ਫੌਜ ਵੱਲੋਂ ਕੀਤੇ ਜਾ ਰਹੇ ਹਨ। ਅਮਜਦ ਮਿਰਜ਼ਾ ਦੇ ਅਨੁਸਾਰ, ਐਸਐਸਜੀ ਜਨਰਲ ਅਫਸਰ ਕਮਾਂਡਿੰਗ (ਜੀਓਸੀ) ਮੇਜਰ ਜਨਰਲ ਆਦਿਲ ਰਹਿਮਾਨੀ ਜੰਮੂ ਖੇਤਰ ਵਿੱਚ ਹਮਲੇ ਕਰ ਰਹੇ ਹਨ।
ਉਸ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਇੱਕ ਪੂਰੀ SSG ਬਟਾਲੀਅਨ ਭਾਰਤ ਵਿੱਚ ਘੁਸਪੈਠ ਕਰ ਚੁੱਕੀ ਹੈ, ਜਿਸਦਾ ਮਤਲਬ ਹੈ ਕਿ ਕੁਪਵਾੜਾ ਖੇਤਰ ਅਤੇ ਹੋਰ ਥਾਵਾਂ 'ਤੇ ਘੱਟੋ-ਘੱਟ 600 ਕਮਾਂਡੋ ਲੁਕੇ ਹੋਏ ਹਨ। ਜ਼ਿਕਰਯੋਗ ਹੈ ਕਿ, ਕੁਪਵਾੜਾ ਖੇਤਰ ਪੀਰਪੰਜਲ ਅਤੇ ਸ਼ਮਸਬਰੀ ਪਹਾੜਾਂ ਦੇ ਵਿਚਕਾਰ ਸਥਿਤ ਹੈ, ਜੋ ਅਤਿਵਾਦੀਆਂ ਅਤੇ ਪਾਕਿਸਤਾਨੀ ਫੌਜ ਲਈ ਲੁਕਣ ਲਈ ਬਹੁਤ ਮਦਦਗਾਰ ਹੈ।
ਇਸ ਤੋਂ ਇਲਾਵਾ ਡਾਕਟਰ ਅਮਜਦ ਨੇ ਇਹ ਵੀ ਦੱਸਿਆ ਹੈ ਕਿ ਸਥਾਨਕ ਜੇਹਾਦੀ ਵੀ ਇਨ੍ਹਾਂ ਹਮਲਿਆਂ 'ਚ ਅਤਿਵਾਦੀਆਂ ਅਤੇ ਪਾਕਿਸਤਾਨੀ ਫੌਜ ਦੀ ਮਦਦ ਕਰ ਰਹੇ ਹਨ। ਇਹ ਸਥਾਨਕ ਜੇਹਾਦੀ ਸਲੀਪਰ ਸੈੱਲ ਜੰਮੂ-ਕਸ਼ਮੀਰ ਵਿੱਚ ਪੂਰੀ ਤਰ੍ਹਾਂ ਸਰਗਰਮ ਹਨ ਅਤੇ ਭਾਰਤੀ ਖੇਤਰ ਦੇ ਅੰਦਰ SSG ਦੀ ਗਤੀਵਿਧੀ ਵਿੱਚ ਸਹਾਇਤਾ ਕਰ ਰਹੇ ਹਨ। ਅਮਜਦ ਮੁਤਾਬਕ ਪਾਕਿਸਤਾਨੀ ਫੌਜ ਦੇ ਲੈਫਟੀਨੈਂਟ ਕਰਨਲ ਸ਼ਾਹਿਦ ਸਲੀਮ ਜੰਜੂਆ ਇਸ ਸਮੇਂ ਜੰਮੂ 'ਚ ਹਮਲਿਆਂ ਦੀ ਕਮਾਂਡ ਕਰ ਰਹੇ ਹਨ।
