ਸਰਕਾਰੀ ਸਨਮਾਨਾਂ ਨਾਲ ਭਿਵਾਨੀ ਦੇ ਨੰਦਗਾਉਂ ਵਿਖੇ ਸ਼ਹੀਦ ਜਵਾਨ ਨੂੰ ਦਿੱਤੀ ਗਈ ਅੰਤਿਮ ਵਿਦਾਈ
ਭਿਵਾਨੀ : ਜੰਮੂ 'ਚ ਸ਼ਹੀਦ ਹੋਏ ਕੈਪਟਨ ਨਿਦੇਸ਼ ਸਿੰਘ ਯਾਦਵ ਨੂੰ ਮੰਗਲਵਾਰ ਨੂੰ ਹਰਿਆਣਾ ਦੇ ਭਿਵਾਨੀ ਦੇ ਨੰਦਗਾਓਂ 'ਚ ਰਾਸ਼ਟਰੀ ਸਨਮਾਨਾਂ ਨਾਲ ਅੰਤਿਮ ਵਿਦਾਈ ਦਿੱਤੀ ਗਈ। ਇਸ ਤੋਂ ਪਹਿਲਾਂ ਭਿਵਾਨੀ ਤੋਂ ਨੰਦਗਾਉਂਤੱਕ ਜਵਾਨ ਸ਼ਹੀਦ ਕੈਪਟਨ ਨਿਦੇਸ਼ ਸਿੰਘ ਅਮਰ ਰਹੇ ਅਤੇ ਭਾਰਤ ਮਾਤਾ ਦੀ ਜੈ ਦੇ ਨਾਅਰੇ ਲਾਉਂਦੇ ਹੋਏ ਉਨ੍ਹਾਂ ਦੀ ਦੇਹ ਲੈ ਕੇ ਪਹੁੰਚੇ।
ਸ਼ਹੀਦ ਕੈਪਟਨ ਨਿਦੇਸ਼ ਦੀ ਮ੍ਰਿਤਕ ਦੇਹ ਮੰਗਲਵਾਰ ਦੁਪਹਿਰ ਪਿੰਡ ਨੰਦਗਾਓਂ ਪਹੁੰਚੀ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਰਾਸ਼ਟਰੀ ਸਨਮਾਨਾਂ ਨਾਲ ਅੰਤਿਮ ਵਿਦਾਈ ਦਿੱਤੀ ਗਈ। ਨਿਦੇਸ਼ 2 ਭੈਣਾਂ ਦਾ ਇਕਲੌਤਾ ਭਰਾ ਸੀ। ਉਸ ਦੀ ਵੱਡੀ ਭੈਣ ਏਅਰ ਫੋਰਸ ਵਿੱਚ ਡਾਕਟਰ ਹੈ। ਉਨ੍ਹਾਂ ਦੇ ਪਿਤਾ ਵੀ ਸੂਬੇਦਾਰ ਮੇਜਰ ਦੇ ਅਹੁਦੇ ਤੋਂ ਸੇਵਾਮੁਕਤ ਹੋ ਚੁੱਕੇ ਹਨ।
26 ਸਤੰਬਰ 1998 ਨੂੰ ਭਿਵਾਨੀ ਦੇ ਨੰਦਗਾਉਂ ਵਿੱਚ ਪੈਦਾ ਹੋਏ ਕੈਪਟਨ ਨਿਦੇਸ਼ ਸਿੰਘ 12 ਦਸੰਬਰ 2020 ਨੂੰ ਐਨਡੀਏ ਰਾਹੀਂ ਫ਼ੌਜ ਵਿੱਚ ਭਰਤੀ ਹੋਏ ਸਨ। ਉਨ੍ਹਾਂ ਦੇ ਪਿਤਾ ਦੀਵਾਨ ਸਿੰਘ ਸੂਬੇਦਾਰ ਮੇਜਰ ਵਜੋਂ ਫ਼ੌਜ ਤੋਂ ਸੇਵਾਮੁਕਤ ਹੋਏ ਹਨ ਅਤੇ ਮਾਂ ਮਨੋਜ ਯਾਦਵ ਇੱਕ ਘਰੇਲੂ ਔਰਤ ਹੈ। ਸ਼ਹੀਦ ਨਿਦੇਸ਼ ਦੋ ਭੈਣਾਂ ਦਾ ਇਕਲੌਤਾ ਭਰਾ ਸੀ। ਵੱਡੀ ਭੈਣ ਮਨੀਸ਼ਾ ਯਾਦਵ ਏਅਰ ਫੋਰਸ ਵਿੱਚ ਡਾਕਟਰ ਹੈ। ਛੋਟੀ ਭੈਣ ਅਲਕਾ ਯਾਦਵ ਦਿੱਲੀ ਵਿੱਚ ਇੱਕ ਪ੍ਰਾਈਵੇਟ ਕੰਪਨੀ ਵਿੱਚ ਮੈਨੇਜਿੰਗ ਡਾਇਰੈਕਟਰ ਵਜੋਂ ਕੰਮ ਕਰ ਰਹੀ ਹੈ। ਕੈਪਟਨ ਦੀ ਸ਼ਹਾਦਤ 'ਤੇ ਪਿੰਡ ਅਤੇ ਜ਼ਿਲ੍ਹੇ ਦੇ ਲੋਕਾਂ 'ਚ ਸੋਗ ਦਾ ਮਾਹੌਲ ਹੈ।
ਐਕਸ ਸਰਵਿਸਮੈਨ ਯੂਨੀਅਨ ਦੇ ਭਿਵਾਨੀ ਜ਼ਿਲਾ ਪ੍ਰਧਾਨ ਮਹੇਸ਼ ਚੌਹਾਨ ਨੇ ਦੱਸਿਆ ਕਿ ਕੈਪਟਨ ਨਿਦੇਸ਼ ਸਿੰਘ ਸਿਰਫ 24 ਸਾਲ ਦੀ ਉਮਰ 'ਚ ਸ਼ਹੀਦ ਹੋਏ ਕੈਪਟਨ ਨਿਦੇਸ਼ ਸਿੰਘ ਦਾ ਅਜੇ ਵਿਆਹ ਵੀ ਨਹੀਂ ਹੋਇਆ ਸੀ। ਜਾਣਕਾਰੀ ਅਨੁਸਾਰ ਉਹ ਡਾਇਰੈਕਟਰ ਯੂਨਿਟ 18 ਸਿਖਲਾਈ ਇਨਫੈਂਟਰੀ ਵਿੱਚ ਤੈਨਾਤ ਸਨ। ਸੋਮਵਾਰ ਨੂੰ ਗ੍ਰੇਨੇਡ ਡਰਿੱਲ ਦੌਰਾਨ ਗ੍ਰੇਨੇਡ ਫਟ ਗਿਆ ਅਤੇ ਕੈਪਟਨ ਨਿਦੇਸ਼ ਸਿੰਘ ਸ਼ਹੀਦ ਹੋ ਗਏ।
