Kathmandu News : ਹੈਲੀਕਾਪਟਰ ਦੀ ਇਕ ਪੰਛੀ ਨਾਲ ਟਕਰਾਉਣ ਤੋਂ ਬਾਅਦ ਐਮਰਜੈਂਸੀ ਲੈਂਡਿੰਗ ਕਰਨੀ ਪਈ
Kathmandu News in Punjabi : ਨੇਪਾਲ ਦੀ ਰਾਜਧਾਨੀ ਕਾਠਮੰਡੂ ਤੋਂ 50 ਕਿਲੋਮੀਟਰ ਪੂਰਬ ’ਚ ਸਥਿਤ ਬਨੇਪਾ ’ਚ ਐਤਵਾਰ ਨੂੰ ਇਕ ਹੈਲੀਕਾਪਟਰ ਦੀ ਇਕ ਪੰਛੀ ਨਾਲ ਟਕਰਾਉਣ ਤੋਂ ਬਾਅਦ ਐਮਰਜੈਂਸੀ ਲੈਂਡਿੰਗ ਕਰਨੀ ਪਈ। ਇਕ ਅਧਿਕਾਰੀ ਨੇ ਇਹ ਜਾਣਕਾਰੀ ਦਿਤੀ। ਉਨ੍ਹਾਂ ਨੇ ਦਸਿਆ ਕਿ ਨਿੱਜੀ ਹੈਲੀ ਐਵਰੈਸਟ ਏਅਰਲਾਈਨ ਦਾ 9ਐਨ-ਏਕੇਜੀ ਹੈਲੀਕਾਪਟਰ ਮਾਊਂਟ ਐਵਰੈਸਟ ਦੇ ਪ੍ਰਵੇਸ਼ ਦੁਆਰ ਲੁਕਲਾ ਤੋਂ ਆ ਰਿਹਾ ਸੀ, ਜਦੋਂ ਇਹ ਸਵੇਰੇ 11 ਵਜੇ ਇਕ ਪੰਛੀ ਨਾਲ ਟਕਰਾ ਗਿਆ।
ਅਧਿਕਾਰੀ ਨੇ ਦਸਿਆ ਕਿ ਪਾਇਲਟ ਹੈਲੀਕਾਪਟਰ ਨੂੰ ਸੁਰੱਖਿਅਤ ਉਤਰਨ ’ਚ ਸਫਲ ਰਿਹਾ। ਏਅਰਲਾਈਨ ਮੁਤਾਬਕ ਹੈਲੀਕਾਪਟਰ ’ਤੇ ਪੰਜ ਅਮਰੀਕੀ ਨਾਗਰਿਕ ਅਤੇ ਇਕ ਨੇਪਾਲੀ ਪਾਇਲਟ ਸਵਾਰ ਸੀ। ਹੈਲੀਕਾਪਟਰ ਨੂੰ ਕੋਈ ਨੁਕਸਾਨ ਨਹੀਂ ਹੋਇਆ ਪਰ ਅਗਲੀ ਉਡਾਣ ਲਈ ਤਿਆਰ ਹੋਣ ਤੋਂ ਪਹਿਲਾਂ ਤਕਨੀਕੀ ਜਾਂਚ ਦੀ ਜ਼ਰੂਰਤ ਹੈ।
(For more news apart from After bird hit,helicopter was taken down in an emergency situation near Kathmandu News in Punjabi, stay tuned to Rozana Spokesman)
