ਕੰਪਨੀ ਨੇ ਰਾਏਗੜ੍ਹ ਜ਼ਿਲ੍ਹੇ ਵਿਚ ਸਥਿਤ ਅਪਣੇ ਨਿਰਮਾਣ ਪਲਾਂਟ ਵਿਚ ਇਸ ਟੈਕਨੋਲੋਜੀ ਦਾ ਪਰੀਖਣ ਕੀਤਾ ਹੈ।
ਨਵੀਂ ਦਿੱਲੀ: ਉਦਯੋਗਪਤੀ ਮੁਕੇਸ਼ ਅੰਬਾਨੀ ਦੀ ਕੰਪਨੀ ਰਿਲਾਇੰਸ ਇੰਡਸਟਰੀਜ਼ ਨੇ ਭਾਰਤੀ ਰਾਸ਼ਟਰੀ ਰਾਜਮਾਰਗ ਅਥਾਰਟੀ ਨੂੰ ਅਪਣੀ ਪਲਾਸਟਿਕ ਕਚਰੇ ਦੀ ਸੜਕ ਨਿਰਮਣਾ ਦੀ ਤਕਨਾਲੋਜੀ ਦੇਣ ਦੀ ਪੇਸ਼ਕਸ਼ ਕੀਤੀ ਹੈ। ਉਸ ਤਕਨਾਲੋਜੀ ਨਾਲ ਸੜਕ ਨਿਰਮਾਣ ਵਿਚ ਪਲਾਸਟਿਕ ਦੀ ਵਰਤੋਂ ਕੀਤੀ ਜਾ ਸਕੇਗੀ।
Photo
ਕੰਪਨੀ ਨੇ ਰਾਏਗੜ੍ਹ ਜ਼ਿਲ੍ਹੇ ਵਿਚ ਸਥਿਤ ਅਪਣੇ ਨਿਰਮਾਣ ਪਲਾਂਟ ਵਿਚ ਇਸ ਟੈਕਨੋਲੋਜੀ ਦਾ ਪਰੀਖਣ ਕੀਤਾ ਹੈ। ਇਸ ਤੋਂ ਇਲਾਵਾ ਉਹ ਕਈ ਹੋਰ ਪਾਇਲਟ ਪ੍ਰਾਜੈਕਟਾਂ ‘ਤੇ ਕੰਮ ਕਰ ਰਹੀ ਹੈ। ਕੰਪਨੀ ਨੇ ਅਪਣੇ ਪਲਾਂਟ ਵਿਚ 50 ਟਨ ਪਲਾਸਟਿਕ ਕਚਰੇ ਨੂੰ ਕੋਲਤਾਰ ਦੇ ਨਾਲ ਮਿਲਾ ਕੇ ਕਰੀਬ 40 ਕਿਲੋਮੀਟਰ ਲੰਬੀ ਸੜਕ ਬਣਾਈ ਹੈ।
Photo
ਕੰਪਨੀ ਦੇ ਪੈਟਰੋ ਕੈਮੀਕਲਜ਼ ਕਾਰੋਬਾਰ ਦੇ ਮੁੱਖ ਓਪਰੇਟਿੰਗ ਅਫਸਰ ਵਿਪੁਲ ਸ਼ਾਹ ਨੇ ਪੱਤਰਕਾਰਾਂ ਨੂੰ ਕਿਹਾ, ਪੈਕਟ ਬੰਦ ਸਮਾਨਾਂ ਦੇ ਖਾਲੀ ਪੈਕਟ, ਪਾਲੀਥੀਨ ਬੈਗ ਆਦਿ ਪਲਾਸਟਿਕ ਕਚਰੇ ਦੀ ਵਰਤੋਂ ਸੜਕ ਨਿਰਮਾਣ ਵਿਚ ਕਰਨ ਦੀ ਪ੍ਰਣਾਲੀ ਵਿਕਸਿਤ ਕਰਨ ਵਿਚ ਉਹਨਾਂ ਨੂੰ ਕਰੀਬ 14 ਤੋਂ 18 ਮਹੀਨਿਆਂ ਦਾ ਸਮਾਂ ਲੱਗਿਆ।
Photo
ਉਹ ਇਸ ਤਜ਼ੁਰਬੇ ਨੂੰ ਸਾਂਝਾ ਕਰਨ ਲਈ ਐਨਐਚਏਆਈ ਦੇ ਨਾਲ ਗੱਲਬਾਤ ਕਰ ਰਹੇ ਹਨ ਤਾਂ ਜੋ ਸੜਕ ਨਿਰਮਾਣ ਵਿਚ ਪਲਾਸਟਿਕ ਕਚਰੇ ਦੀ ਵਰਤੋਂ ਕੀਤੀ ਜਾ ਸਕੇ। ਐਨਐਚਏਆਈ ਤੋਂ ਇਲਾਵਾ, ਰਿਲਾਇੰਸ ਇੰਡਸਟਰੀਜ਼ ਦੇਸ਼ ਭਰ ਦੀਆਂ ਸੂਬਾ ਸਰਕਾਰਾਂ ਅਤੇ ਸਥਾਨਕ ਸੰਸਥਾਵਾਂ ਨੂੰ ਇਹ ਤਕਨੀਕ ਸੌਂਪਣ ਬਾਰੇ ਵੀ ਗੱਲਬਾਤ ਕਰ ਰਹੀ ਹੈ।
Photo
ਕੰਪਨੀ ਦੀ ਇਹ ਤਕਨੀਕ ਅਜਿਹੇ ਪਲਾਸਟਿਕ ਦੇ ਕੂੜੇ ਤੋਂ ਵਿਕਸਿਤ ਕੀਤੀ ਗਈ ਹੈ, ਜਿਸ ਦਾ ਰਿਸਾਇਕਲ ਸੰਭਵ ਨਹੀਂ ਹੈ। ਸੜਕ ਦੀ ਉਸਾਰੀ ਵਿਚ ਇਸ ਕੂੜੇ ਦੀ ਵਰਤੋਂ ਕਰਨ ਦੇ ਲਾਭ ਬਾਰੇ ਵਿਚ ਸ਼ਾਹ ਨੇ ਕਿਹਾ, "ਇਹ ਨਾ ਸਿਰਫ ਪਲਾਸਟਿਕ ਦੀ ਸਹੀ ਵਰਤੋਂ ਨੂੰ ਯਕੀਨੀ ਬਣਾਏਗਾ, ਬਲਕਿ ਵਿੱਤੀ ਤੌਰ 'ਤੇ ਵੀ ਪ੍ਰਭਾਵਸ਼ਾਲੀ ਹੋਵੇਗਾ”।
