ਸੁਸ਼ੀਲ ਪਹਿਲਵਾਨ 'ਤੇ ਲੱਗਾ ਇਕ ਹੋਰ ਦੋਸ਼, ਰਾਸ਼ਨ ਵਪਾਰੀ ਨੇ ਕਿਹਾ- ਕੀਤੀ ਕੁੱਟਮਾਰ ਤੇ ਦਿੱਤੀ ਧਮਕੀ 
Published : May 30, 2021, 6:27 pm IST
Updated : May 30, 2021, 6:27 pm IST
SHARE ARTICLE
File Photo
File Photo

ਸੁਸ਼ੀਲ ਨੇ ਆਪਣੇ ਸਾਥੀਆਂ ਨਾਲ ਮਿਲ ਕੇ ਕੀਤੀ ਕੁੱਟਮਾਰ

ਨਵੀਂ ਦਿੱਲੀ - ਪਹਿਲਵਾਨ ਸਾਗਰ ਧਨਖੜ ਦੇ ਕਤਲ ਦੇ ਦੋਸ਼ ਵਿਚ ਫਸੇ ਸੁਸ਼ੀਲ ਕੁਮਾਰ 'ਤੇ ਇਕ ਤੋਂ ਬਾਅਦ ਇਕ ਦੋਸ਼ ਲੱਗ ਰਿਹਾ ਹੈ। ਕਤਲ ਕੇਸ ਤੋਂ ਬਾਅਦ ਹੁਣ ਛਤਰਸਾਲ ਸਟੇਡੀਅਮ ਵਿਚ ਰਾਸ਼ਨ ਸਪਲਾਈ ਕਰਨ ਵਾਲੇ ਇਕ ਵਪਾਰੀ ਨੇ ਸੁਸ਼ੀਲ ਕੁਮਾਰ ਅਤੇ ਉਸ ਦੇ ਸਾਥੀਆਂ 'ਤੇ ਹਮਲਾ ਕਰਨ ਅਤੇ ਪੈਸੇ ਨਾ ਦੇਣ ਦਾ ਦੋਸ਼ ਲਗਾਇਆ ਹੈ।

ਇਕ ਨਿਊਜ਼ ਏਜੰਸੀ ਮੁਤਾਬਿਕ ਮਾਡਲ ਟਾਊਨ ਖੇਤਰ ਵਿੱਚ ਕਰਿਆਨੇ ਅਤੇ ਆਟਾ ਚੱਕੀ ਦੀ ਦੁਕਾਨ ਚਲਾਉਣ ਵਾਲੇ ਸਤੀਸ਼ ਗੋਇਲ ਦਾ ਦੋਸ਼ ਹੈ ਕਿ ਉਹ ਸੁਸ਼ੀਲ ਕੁਮਾਰ ਦੀ ਧੱਕੇਸ਼ਾਹੀ ਦਾ ਸ਼ਿਕਾਰ ਹੋ ਚੁੱਕੇ ਹਨ। ਸਤੀਸ਼ ਗੋਇਲ ਨੇ ਕਿਹਾ ਕਿ ਕੋਚ ਦੇ ਕਹਿਣ 'ਤੇ ਉਹ 18 ਸਾਲ ਤੋਂ ਸਟੇਡੀਅਮ ਵਿਚ ਰਾਸ਼ਨ ਪਹੁੰਚਾਉਂਦਾ ਸੀ। ਉਸ ਸਮੇਂ ਕੋਚ ਸਤਪਾਲ ਸੀ ਉਸ ਸਮੇਂ ਸਭ ਤੋਂ ਪਹਿਲਾਂ ਰਾਸ਼ਨ ਦੀ ਮੰਗ ਸ਼ੁਰੂ ਹੋਈ ਸੀ।

ਸਾਲ 2020 ਵਿਚ ਤਾਲਾਬੰਦੀ ਦੌਰਾਨ ਬੀਰੇਂਦਰ ਨਾਮ ਦੇ ਇਕ ਕੋਚ ਨੇ ਰਾਸ਼ਨ ਮੰਗਵਾਇਆ ਸੀ। ਬਾਅਦ ਵਿੱਚ ਉਸ ਦਾ ਤਬਾਦਲਾ ਕਰ ਦਿੱਤਾ ਗਿਆ। ਮੈਂ ਨਵੇਂ ਕੋਚ ਤੋਂ ਪੈਸੇ ਮੰਗਣੇ ਸ਼ੁਰੂ ਕਰ ਦਿੱਤੇ। ਮੇਰਾ ਕੁੱਲ 4 ਲੱਖ ਰੁਪਏ ਤੋਂ ਵੱਧ ਦਾ ਬਕਾਇਆ ਸੀ। ਇੱਕ ਦਿਨ ਅਸ਼ੋਕ ਨਾਮ ਦੇ ਇੱਕ ਵਿਅਕਤੀ ਨੇ ਮੈਨੂੰ ਸਟੇਡੀਅਮ ਬੁਲਾਇਆ ਅਤੇ ਸਾਰਾ ਬਿਲ ਲੈ ਲਿਆ।

Sushil KumarSushil Kumar

ਅਗਲੇ ਦਿਨ ਧਰਮ ਨਾਮ ਦੇ ਇੱਕ ਵਿਅਕਤੀ ਨੇ ਬੁਲਾਇਆ ਅਤੇ ਕਿਹਾ ਕਿ 'ਸਟੇਡੀਅਮ ਆ ਜਾ' ਸੁਸ਼ੀਲ ਪਹਿਲਵਾਨ ਨੇ ਬੁਲਾਇਆ ਹੈ। ਮੈਂ ਤੁਰੰਤ ਸਟੇਡੀਅਮ ਚਲਾ ਗਿਆ। ਸੁਸ਼ੀਲ ਕੁਮਾਰ ਉਥੇ ਦੂਜੇ ਪਹਿਲਵਾਨਾਂ ਨਾਲ ਬੈਠਾ ਸੀ। ਮੈਂ ਕਿਹਾ ਕਿ ਮੇਰੇ ਚਾਰ ਲੱਖ ਰੁਪਏ ਤੋਂ ਵੱਧ ਰੁਪਏ ਹਨ। ਜੇ ਮੈਨੂੰ ਪੈਸੇ ਨਹੀਂ ਮਿਲੇ, ਮੈਂ ਮਰ ਜਾਵਾਂਗਾ। ਸੁਸ਼ੀਲ ਨੇ ਕਿਹਾ,  'ਅੱਛਾ ਮਰ ਜਾਵੇਗਾ ਤਾਂ ਫਿਰ ਮਰ'।

ਇਸ ਤੋਂ ਬਾਅਦ ਸੁਸ਼ੀਲ ਨੇ ਮੈਨੂੰ 3-4 ਮਾਰੀਆਂ। ਇਸ ਤੋਂ ਬਾਅਦ ਉਸ ਨਾਲ ਮੌਜੂਦ ਪਹਿਲਵਾਨਾਂ ਨੇ ਮੈਨੂੰ ਕੁੱਟਿਆ। ਮੈਂ ਕਿਸੇ ਤਰ੍ਹਾਂ ਬਚ ਕੇ ਵਾਪਸ ਆਇਆ। ਇਕ ਹਫ਼ਤ ਘਰ ਵਿਚ ਹੀ ਰਿਹਾ। ਘਰੋਂ ਬਾਹਰ ਨਿਕਲਣ ਤੋਂ ਡਰ ਰਿਹਾ ਸੀ ਕਿ ਇਹ ਲੋਕ ਮੈਨੂੰ ਮਾਰ ਨਾ ਦੇਣ। ਮੈਂ ਇੱਕ ਆਮ ਵਿਅਕਤੀ ਹਾਂ, ਇਹਨਾਂ ਲੋਕਾਂ ਦਾ ਕੁੱਝ ਨਹੀਂ ਕਰ ਪਾਉਂਦਾ। 

Photo
 

ਸਤੀਸ਼ ਨੇ ਅੱਗੇ ਦੱਸਿਆ ਕਿ ਬਾਅਦ ਵਿਚ 8 ਸਤੰਬਰ 2020 ਨੂੰ ਮੈਂ ਪੁਲਿਸ ਨੂੰ ਸ਼ਿਕਾਇਤ ਕੀਤੀ। ਸੁਸ਼ੀਲ ਦਾ ਨਾਮ ਵੀ ਪੁਲਿਸ ਸ਼ਿਕਾਇਤ ਵਿਚ ਲਿਖਿਆ ਗਿਆ ਸੀ। ਉਸ ਸਮੇਂ ਕੋਈ ਜਾਂਚ ਨਹੀਂ ਹੋਈ ਸੀ, ਹੁਣ ਪੁਲਿਸ ਮੁਲਾਜ਼ਮਾਂ ਦੇ ਫੋਨ ਆ ਰਹੇ ਹਨ ਕਿ ਉਹ ਕਾਰਵਾਈ ਕਰਨਗੇ। ਸੁਸ਼ੀਲ ਦੇ ਸਾਥੀ ਅਜੈ ਨੇ ਤਾਲਾਬੰਦੀ ਵਿੱਚ ਰਾਸ਼ਨ ਵੰਡਣ ਲਈ ਮੇਰੇ ਕੋਲੋਂ ਰਾਸ਼ਨ ਲਿਆ ਤੇ ਅੱਜ ਤੱਕ ਉਸ ਦੇ ਪੈਸੇ ਨਹੀਂ ਦਿੱਤੇ।

ਬਾਅਦ ਵਿਚ, ਸਟੇਡੀਅਮ ਦੇ ਮੁੰਡਿਆਂ ਨੇ ਦੱਸਿਆ ਕਿ ਉਹਨਾਂ ਕੋਲੋਂ ਕੋਚ ਨੇ ਮੈਨੂੰ ਦੇਣ ਲਈ ਪੈਸੇ ਇਕੱਠੇ ਵੀ ਕੀਤੇ ਸਨ। ਵਪਾਰੀ ਦਾ ਕਹਿਣਾ ਹੈ ਕਿ ਸਟੇਡੀਅਮ ਵਿਚ ਵੱਡੀਆਂ-ਵੱਡੀਆਂ ਗੱਡੀਆਂ ਖੜ੍ਹੀਆਂ ਰਹਿੰਦੀਆਂ ਸਨ। ਉਹਨਾਂ ਨੂੰ ਕੀ ਪਤਾ ਸੀ ਕਿ ਗੁੰਡਾਗਰਦੀ ਚੱਲ ਰਹੀ ਹੈ। ਸਾਨੂੰ ਤਾਂ ਲੱਗਦਾ ਸੀ ਕਿ ਪਲੇਅਰ ਹਨ, ਖੇਡਦੇ ਹੋਣਗੇ ਤੇ ਗੱਡੀਆਂ ਵੀ ਖੇਡ ਕੇ ਹੀ ਲਿਆਂਦੀਆਂ ਹੋਣਗੀਆਂ।

SHARE ARTICLE

ਏਜੰਸੀ

Advertisement

40 ਤੋਂ ਵੱਧ ਹੋਈ Speed ਤਾਂ ਹੋਵੇਗਾ ਮੋਟਾ Challan, ਟ੍ਰੈਫ਼ਿਕ ਪੁਲਿਸ ਨੇ ਘੇਰ-ਘੇਰ ਕੇ ਸਕੂਲੀ ਬੱਸਾਂ ਦੇ ਕੀਤੇ ਚਲਾਨ

27 Apr 2024 1:21 PM

Chandigarh ਤੋਂ ਸਸਤੀ ਸ਼ਰਾਬ ਲਿਆਉਣ ਵਾਲੇ ਹੋ ਜਾਣ ਸਾਵਧਾਨ ! Punjab Police ਕਰ ਰਹੀ ਹਰ ਇੱਕ ਗੱਡੀ ਦੀ Checking !

27 Apr 2024 12:30 PM

UK ਜਾਣਾ ਚਾਹੁੰਦੇ ਹੋ ਤਾਂ ਇਹ ਇੰਟਰਵਿਊ ਪੂਰਾ ਵੇਖ ਲਿਓ, Agent ਨੇ ਦੱਸੀਆਂ ਸਾਰੀਆਂ ਅੰਦਰਲੀਆਂ ਗੱਲਾਂ

27 Apr 2024 11:26 AM

ਕਿਉਂ ਨਹੀਂ Sheetal Angural ਦਾ ਅਸਤੀਫ਼ਾ ਹੋਇਆ ਮਨਜ਼ੂਰ ? ਪਾਰਟੀ ਬਦਲਣ ਬਾਅਦ ਸ਼ੀਤਲ ਅੰਗੁਰਾਲ ਦਾ ਵੱਡਾ ਬਿਆਨ

27 Apr 2024 11:17 AM

'ਭਾਰਤ ਛੱਡ ਦੇਵਾਂਗੇ' Whatsapp ਨੇ ਕੋਰਟ 'ਚ ਦਿੱਤਾ ਵੱਡਾ ਬਿਆਨ, ਸੁਣੋ ਕੀ ਪੈ ਗਿਆ ਰੌਲਾ,ਕੀ ਬੰਦ ਹੋਵੇਗਾ Whatsapp

27 Apr 2024 9:38 AM
Advertisement