ਮੀਡੀਆ ਟੀਮ ਅਤੇ ਟੀਵੀ ਬਹਿਸਾਂ ਵਿਚ ਸ਼ਾਮਲ ਹੋਣ ਵਾਲੇ ਆਗੂਆਂ ਦੀ ਚੋਣ ਲਈ ਨਵੀਂ ਵਿਵਸਥਾ ਸ਼ੁਰੂ ਕਰਦਿਆਂ ਯੂਪੀ ਕਾਂਗਰਸ ਨੇ ਰਾਜਧਾਨੀ ਵਿਚ 65 ਜਣਿਆਂ ਦੀ ....
ਲਖਨਊ,ਮੀਡੀਆ ਟੀਮ ਅਤੇ ਟੀਵੀ ਬਹਿਸਾਂ ਵਿਚ ਸ਼ਾਮਲ ਹੋਣ ਵਾਲੇ ਆਗੂਆਂ ਦੀ ਚੋਣ ਲਈ ਨਵੀਂ ਵਿਵਸਥਾ ਸ਼ੁਰੂ ਕਰਦਿਆਂ ਯੂਪੀ ਕਾਂਗਰਸ ਨੇ ਰਾਜਧਾਨੀ ਵਿਚ 65 ਜਣਿਆਂ ਦੀ ਲਿਖਤੀ ਪ੍ਰੀਖਿਆ ਅਤੇ ਇੰਟਰਵਿਊ ਲਈ। ਭਾਜਪਾ ਨੇ ਇਸ ਕਵਾਇਦ ਨੂੰ ਮਜ਼ਾਕ ਦਸਿਆ ਹੈ। ਕਾਂਗਰਸ ਦੇ 65 ਆਗੂ ਇਸ ਪ੍ਰੀਖਿਆ ਵਿਚ ਸ਼ਾਮਲ ਹੋਏ। ਇਨ੍ਹਾਂ ਵਿਚੋਂ ਉਹ ਵੀ ਸਨ ਜਿਹੜੇ ਕਈ ਸਾਲਾਂ ਤੋਂ ਬੁਲਾਰੇ ਹਨ।
ਇਹ ਸਾਰੇ ਯੂਪੀ ਕਾਂਗਰਸ ਕਮੇਟੀ ਦੇ ਦਫ਼ਤਰ ਵਿਚ ਕਲ ਪ੍ਰੀਖਿਆ ਵਿਚ ਬੈਠੇ। ਇਮਤਿਹਾਨ ਵਿਚ 14 ਸਾਲ ਸਨ ਜਿਵੇਂ ਯੂਪੀ ਵਿਚ ਕਿੰਨੇ ਜ਼ਿਲ੍ਹੇ ਹਨ, ਪਿਛਲੀਆਂ ਚੋਣਾਂ ਵਿਚ ਪਾਰਟੀ ਦਾ ਵੋਟ ਫ਼ੀ ਸਦ ਕਿੰਨਾ ਸੀ ਆਦਿ। ਪਾਰਟੀ ਦੀ ਕੌਮੀ ਤਰਜਮਾਨ ਪ੍ਰਿਯੰਕਾ ਚਤੁਰਵੇਦੀ ਅਤੇ ਸੋਸ਼ਲ ਮੀਡੀਆ ਕਨਵੀਨਰ ਰੋਹਨ ਗੁਪਤਾ ਨੇ ਪ੍ਰੀਖਿਆ ਅਤੇ ਇੰਟਰਵਿਊ ਲਈ।
ਚਤੁਰਵੇਦੀ ਨੇ ਕਿਹਾ ਕਿ ਇਹ ਗਿਆਨ ਪਰਖ ਦਾ ਤਰੀਕਾ ਹੈ। ਇਹ ਸਾਰੇ ਸਾਡੀ ਪਾਰਟੀ ਦਾ ਚਿਹਰਾ ਹੋਣਗੇ। ਗੁਜਰਾਤ ਤੇ ਕਰਨਾਟਕ ਵਿਚ ਵੀ ਅਜਿਹੀ ਪ੍ਰੀਖਿਆ ਲਈ ਗਈ। ਉਧਰ, ਭਾਜਪਾ ਨੇ ਕਿਹਾ ਕਿ ਕਾਂਗਰਸ ਵਿਚ ਹੁਣ ਕੈਡਰ ਨਹੀਂ ਬਚਿਆ ਅਤੇ ਉਹ ਵਿਚਾਰਕ ਦੀਵਾਲੀਆਪਣ ਦੀ ਸ਼ਿਕਾਰ ਹੈ। (ਏਜੰਸੀ)
