ਮੱਧ ਪ੍ਰਦੇਸ਼ ਦੇ ਇੰਦੌਰ 'ਚ ਸਫਾਈ ਕਰਦੇ ਸਮੇਂ ਇੱਕ ਛੇ ਸਾਲ ਦੇ ਬੱਚੇ ਦੇ ਮੂੰਹ 'ਚ ਕੰਪ੍ਰੈਸਰ ਦੀ ਹਵਾ ਭਰ ਜਾਣ ਨਾਲ ਉਸਦੀ ਮੌਤ ਹੋ ਗਈ।
ਨਵੀਂ ਦਿੱਲੀਂ : ਮੱਧ ਪ੍ਰਦੇਸ਼ ਦੇ ਇੰਦੌਰ 'ਚ ਸਫਾਈ ਕਰਦੇ ਸਮੇਂ ਇੱਕ ਛੇ ਸਾਲ ਦੇ ਬੱਚੇ ਦੇ ਮੂੰਹ 'ਚ ਕੰਪ੍ਰੈਸਰ ਦੀ ਹਵਾ ਭਰ ਜਾਣ ਨਾਲ ਉਸਦੀ ਮੌਤ ਹੋ ਗਈ। ਪੁਲਿਸ ਕੰਪ੍ਰੈਸਰ ਚਲਾਉਣ ਵਾਲੇ ਵਿਅਕਤੀ ਅਮਰ ਦੀ ਤਲਾਸ਼ ਕਰ ਕਰ ਰਹੀ ਹੈ। ਪੁਲਿਸ ਦੇ ਅਨੁਸਾਰ ਭੰਵਰਕੂਆ ਥਾਣਾ ਖੇਤਰ ਦੇ ਉਦਯੋਗ ਨਗਰ ਖੇਤਰ 'ਚ ਦਲੀਆ ਬਣਾਉਣ ਵਾਲੀ ਫੈਕਟਰੀ ਵਿੱਚ ਐਤਵਾਰ ਨੂੰ ਰਾਮਚੰਦ ਦਾ ਪੁੱਤਰ ਕਾਨਹਾ ਆਪਣੀ ਭੈਣ ਦੇ ਨਾਲ ਖੇਡ ਰਿਹਾ ਸੀ।
ਉਦੋਂ ਉਸਦੇ ਮੂੰਹ 'ਚ ਕੰਪ੍ਰੈਸਰ ਦੀ ਹਵਾ ਭਰ ਗਈ। ਬਾਅਦ ਵਿੱਚ ਉਸਨੂੰ ਇਲਾਜ਼ ਲਈ ਹਸਪਤਾਲ ਲਿਜਾਇਆ ਗਿਆ ਜਿੱਥੇ ਉਸਦੀ ਮੌਤ ਹੋ ਗਈ। ਭੰਵਰਕੂਆ ਥਾਣੇ ਦੇ ਇੰਚਾਰਜ ਸੰਜੈ ਸ਼ੁਕਲਾ ਨੇ ਦੱਸਿਆ ਕਿ ਦਲੀਆ ਫੈਕਟਰੀ ਵਿੱਚ ਉੜੀਸ਼ਾ ਦੇ ਨਿਵਾਸੀ ਮਜ਼ਦੂਰ ਅਮਰ ਐਤਵਾਰ ਨੂੰ ਬੋਰੀਆਂ ਦੇ 'ਤੇ ਜੰਮੀ ਧੂੜ ਨੂੰ ਕੰਪ੍ਰੈਸਰ ਦੀ ਹਵਾ ਨਾਲ ਹਟਾ ਰਹੇ ਸੀ ਅਤੇ ਉੱਥੇ ਕਾਨਹਾ ਆਪਣੀ ਭੈਣ ਦੇ ਨਾਲ ਖੇਡ ਰਿਹਾ ਸੀ।
ਕੰਪ੍ਰੈਸਰ ਦੀ ਹਵਾ ਸਿੱਧਾ ਕਾਨਹਾ ਦੇ ਮੂੰਹ 'ਚ ਗਈ। ਕਾਨਹਾ ਦੇ ਬਾਅਦ 'ਚ ਢਿੱਡ ਵਿੱਚ ਦਰਦ ਹੋਇਆ ਤਾਂ ਤੁਰੰਤ ਉਸਨੂੰ ਇਲਾਜ਼ ਲਈ ਐੱਮ.ਵਾਈ. ਹਸਪਤਾਲ ਲਿਜਾਇਆ ਗਿਆ ਜਿੱਥੇ ਉਸਦੀ ਮੌਤ ਹੋ ਗਈ। ਕਾਨਹਾ ਦਾ ਪੋਸਟਮਾਰਟਮ ਕਰਵਾਏ ਜਾਣ ਤੋਂ ਬਾਅਦ ਲਾਸ਼ ਪਰਿਵਾਰ ਨੂੰ ਸੌਂਪ ਦਿੱਤੀ ਗਈ ਹੈ। ਘਟਨਾ ਤੋਂ ਬਾਅਦ ਕੰਪ੍ਰੈਸਰ ਚਲਾਉਣ ਵਾਲਾ ਅਮਰ ਲਾਪਤਾ ਹੈ, ਪੁਲਿਸ ਉਸਦੀ ਤਲਾਸ਼ ਕਰ ਰਹੀ ਹੈ।