ਇਕ ਧਾਰਮਿਕ ਸਮਾਗਮ ਦੌਰਾਨ ਹੈਦਰਾਬਾਦ 'ਚ ਇਕ ਸ਼ਰਾਬੀ ਨੇ ਆਨ-ਡਿਊਟੀ ਪੁਲਿਸ ਮੁਲਾਜ਼ਮ ਨੂੰ ਕਿੱਸ ਕਰ ਲਿਆ....
ਹੈਦਰਾਹਬਾਦ : ਇਕ ਧਾਰਮਿਕ ਸਮਾਗਮ ਦੌਰਾਨ ਹੈਦਰਾਬਾਦ 'ਚ ਇਕ ਸ਼ਰਾਬੀ ਨੇ ਆਨ-ਡਿਊਟੀ ਪੁਲਿਸ ਮੁਲਾਜ਼ਮ ਨੂੰ ਕਿੱਸ ਕਰ ਲਿਆ। 28 ਸਾਲਾ ਭਾਨੂ ਨੇ ਕਦੀ ਸੋਚਿਆ ਵੀ ਨਹੀਂ ਹੋਵੇਗਾ ਕਿ ਉਸ ਦੀ ਇਹ ਹਰਕਤ ਉਸ ਨੂੰ ਵੱਡੀ ਪਰੇਸ਼ਾਨੀ 'ਚ ਧੱਕ ਦੇਵੇਗੀ। ਇਹ ਘਟਨਾ ਉਸ ਸਮੇਂ ਹੋਈ ਜਦੋਂ ਇਕ ਸਲਾਨਾ ਹਿੰਦੂ ਤਿਉਹਾਰ ਦਾ ਜਸ਼ਨ ਲਈ ਸ਼ੋਭਾ ਯਾਤਰਾ ਕੱਢੀ ਜਾ ਰਹੀ ਸੀ।
ਇਕ ਪੁਲਿਸ ਮੁਲਜ਼ਮ ਨੇ ਕਿਹਾ ਕਿ ਐਤਵਾਰ ਨੂੰ ਹੈਦਰਾਬਾਦ ਸ਼ਹਿਰ 'ਚ ਬੋਨਾਲੂ ਉਤਸਵ ਮਨਾਇਆ ਜਾ ਰਿਹਾ ਸੀ ਤੇ ਸੁਰੱਖਿਆ ਲਈ ਪੁਲਿਸ ਮੁਲਾਜ਼ਮ ਤਾਇਤਾਨ ਕੀਤੇ ਗਏ ਸਨ। ਸਬ ਇੰਸਪੈਕਟਰ ਮਹੇਂਦਰ ਇਲਾਕੇ 'ਚ ਨਿਕਲ ਰਹੀ ਸ਼ੋਭਾ ਯਾਤਰਾ ਦੌਰਾਨ ਗਸ਼ਤ ਕਰ ਰਹੇ ਸਨ। ਉਦੋਂ ਹੀ ਨਸ਼ੇ 'ਚ ਨੱਚ ਰਹੇ ਭਾਨੂ ਨਾਮਕ ਇਕ ਵਿਅਕਤੀ ਨੇ ਉਨ੍ਹਾਂ ਫੜ ਕੇ ਚੁੰਮ ਲਿਆ। ਉਸ ਸਮੇਂ ਭਾਨੂ ਆਪਣੇ ਦੋਸਤਾਂ ਨਾਲ ਉਸਤਵ ਮਨਾ ਰਹੇ ਸਨ।
ਉਸ ਵਿਅਕਤੀ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਗਿਆ ਹੈ ਤੇ ਉਸ ਨੂੰ ਪੁਲਿਸ ਹਿਰਾਸਤ 'ਚ ਲਿਆ ਗਿਆ ਹੈ। ਇੰਸਪੈਕਟਰ ਨੇ ਕਿਹਾ ਕਿ ਭਾਨੂ ਨੂੰ ਨਿਆਇਕ ਰਿਮਾਂਡ 'ਤੇ ਭੇਜਿਆ ਜਾ ਰਿਹਾ ਹੈ। ਘਟਨਾ ਸਮੇਂ ਦੋਸ਼ੀ ਨਸ਼ੇ 'ਚ ਸੀ ਤੇ ਉਸ ਨੇ ਦਾਅਵਾ ਕੀਤਾ ਹੈ ਕਿ ਉਸ ਨੂੰ ਅਹਿਸਾਸ ਨਹੀਂ ਸੀ ਕਿ ਉਹ ਕੀ ਕਰ ਰਿਹਾ ਹੈ। ਭਾਨੂ ਖ਼ਿਲਾਫ਼ ਪੁਲਿਸ ਮੁਲਜ਼ਮ ਨਾਲ ਦੁਰਵਿਹਾਰ ਕਰਨ ਤੇ ਕੰਮ 'ਚ ਰੋਕ ਲਗਾਉਣ ਦਾ ਦੋਸ਼ ਲਗਾਇਆ ਗਿਆ ਹੈ। ਉਸ ਨੂੰ ਨੱਲਕੁੰਟਾ ਪੁਲਿਸ ਨੇ ਹਿਰਾਸਤ 'ਚ ਲਿਆ ਹੈ।