ਮਥੁਰਾ: ਪਿ੍ਰਅੰਕਾ ਗਾਂਧੀ ਦੇ ਰਸਮੀ ਰੂਪ ਨਾਲ ਰਾਜਨੀਤੀ 'ਚ ਉੱਤਰਨ ਤੋਂ ਬਾਅਦ ਭਾਰਤੀ ਜਨਤਾ ਪਾਰਟੀ (ਬੀਜੇਪੀ) ਦੇ ਕਈ ਨੇਤਾਵਾਂ ਨੇ ਉਨ੍ਹਾਂ 'ਤੇ ਅਤੇ ਕਾਂਗਰਸ 'ਤੇ ਵਿਵਾਦਿਤ ਬਿਆਨ ਦਿਤੇ ਹਨ। ਜਿਆਦਾਤਰ ਨੇਤਾਵਾਂ ਨੇ ਪਿ੍ਰਅੰਕਾ ਦੇ ਲੁਕ 'ਤੇ ਟਿੱਪਣੀ ਕੀਤੀ ਹੈ। ਹਾਲਾਂਕਿ, ਅਦਾਕਾਰ ਤੋਂ ਬੀਜੇਪੀ ਨੇਤਾ ਬਣੀ ਹੇਮਾ ਮਾਲਿਨੀ ਨੇ ਅਪਣੀ ਪਾਰਟੀ ਦੇ ਅਜਿਹੇ ਨੇਤਾਵਾਂ ਨੂੰ ਆੜੇ ਹੱਥੀ ਲਿਆ ਹੈ ਅਤੇ ਸਾਫ਼ ਕੀਤਾ ਹੈ ਕਿ ਰਾਜਨੀਤੀ 'ਚ ਅਜਿਹੇ ਲਿੰਗਵਾਦੀ ਟਿੱਪਣੀ ਦੀ ਕੋਈ ਥਾਂ ਨਹੀਂ ਹੈ।
Priyanka Gandi
ਦਰਅਸਲ, ਬੀਜੇਪੀ ਨੇਤਾ ਕੈਲਾਸ਼ ਵਿਜੈਵਰਗੀਏ ਨੇਤਾ ਨੇ ਪ੍ਰਿਅੰਕਾ ਨੂੰ ਚਾਕਲੇਟ ਫੇਸ ਦੱਸਿਆ ਸੀ ਜੋ ਕਿ ਹੇਮਾ ਮਾਲਿਨੀ ਨੂੰ ਬਰਦਾਸ਼ ਨਹੀਂ ਹੋਇਆ। ਉਨ੍ਹਾਂ ਨੇ ਕਿਹਾ ਕਿ ਕਈ ਸੁੰਦਰ ਔਰਤਾਂ ਨੇ ਰਾਜਨੀਤੀ ਵਿਚ ਕਦਮ ਰੱਖਿਆ ਹੈ, ਪਰ ਉਸ 'ਤੇ ਕਿਸੇ ਨੂੰ ਉਨ੍ਹਾਂ ਦੇ ਸਰੀਰਕ ਰਚਨਾ 'ਤੇ ਟਿਪਣੀ ਕਰਨ ਦਾ ਹੱਕ ਨਹੀਂ ਹੈ। ਕਾਂਗਰਸ ਨੇ ਵੀ ਹੇਮਾ ਦੀ ਡਾਂਸ ਪਰਫਾਰਮੈਂਸ ਨੂੰ ਲੈ ਕੇ ਵੀ ਟਿਪਣੀ ਕੀਤੀ ਸੀ। ਜਿਸ ਦੇ ਚਲਦੇ ਹੇਮਾ ਨੇ ਦੋਨੇ ਪਾਸੇ ਦਿਆਂ ਕੀਤੀਆਂ ਗਈਆਂ ਟਿੱਪਣੀਆਂ ਨੂੰ ਗੈਰ-ਜਰੂਰੀ ਦੱਸਿਆ ਹੈ।
Hema Malini
ਉਨ੍ਹਾਂ ਨੇ ਕਿਹਾ ਕਿ ਇਹ ਬਦਕਿਸਮਤੀ ਭੱਰਿਆ ਹੈ ਕਿ ਮੇਰੇ ਵਿਰੋਧੀ ਹੁਣੇ ਤੱਕ ਇਹ ਨਹੀਂ ਸੱਮਝ ਸਕੇ ਹਨ ਕਿ ਇਕ ਰਾਜਨੇਤਾ ਹੋਣ ਦੇ ਨਾਲ ਹੀ ਮੈਂ ਇਕ ਕਲਾਕਾਰ ਅਤੇ ਅਭਿਨੇਤਰੀ ਵੀ ਹਾਂ। ਜੇਕਰ ਮੈਨੂੰ ਡਾਂਸ ਪਰਫਾਰਮੈਂਸ ਲਈ ਸੱਦਾ ਦਿਤਾ ਗਿਆ ਤਾਂ ਉਹ ਇਸ ਲਈ ਨਹੀਂ ਕਿ ਮੈਂ ਇਕ ਨੇਤਾ ਹਾਂ, ਸਗੋਂ ਇਸ ਲਈ ਕਿਉਂਕਿ ਮੈਂ ਇਕ ਕਲਾਕਾਰ ਹਾਂ।
ਜਦੋਂ ਉਨ੍ਹਾਂ ਨੂੰ ਇਹ ਸਵਾਲ ਕੀਤਾ ਗਿਆ ਕਿ ਕੀ ਫਿਲਮ ਸਟਾਰਸ ਜਾਂ ਸੁੰਦਰ ਚਿਹਰਿਆਂ ਦਾ ਵੋਟਰਸ 'ਤੇ ਅਸਰ ਹੁੰਦਾ ਹੈ ਤਾ ਉਨ੍ਹਾਂ ਨੇ ਕਿਹਾ ਕਿ ਲੋਕ ਬੇਵਕੂਫ ਨਹੀਂ ਹਨ । ਉਹ ਅਦਾਕਾਰ ਨੂੰ ਵੇਖ ਕੇ ਉਸ ਨੂੰ ਵੇਖਣ ਲਈ ਇਕਠੇ ਤਾ ਹੋ ਜਾਂਦੇ ਹਨ ਪਰ ਚਿਹਰੇ ਨੂੰ ਵੇਖ ਕੇ ਵੋਟ ਨਹੀਂ ਦਿੰਦੇ ।
