ਰੱਖੜੀ 'ਤੇ ਵੀ ਪਿਆ ਕਰੋਨਾ ਦਾ ਪਰਛਾਵਾਂ, ਬਾਜ਼ਾਰਾਂ 'ਚ ਸੰਨਾਟਾ, ਦੁਕਾਨਦਾਰ ਪ੍ਰੇਸ਼ਾਨ!
Published : Jul 31, 2020, 9:31 pm IST
Updated : Jul 31, 2020, 9:33 pm IST
SHARE ARTICLE
Rakhri
Rakhri

ਤਿਉਹਾਰ ਨੂੰ ਤਿੰਨ ਦਿਨ ਬਚੇ ਪਰ ਦੁਕਾਨਾਂ 'ਤੇ ਸੁੰਨ ਪਸਰੀ

ਨਵੀਂ ਦਿੱਲੀ : ਉੱਤਰ ਭਾਰਤ ਦਾ ਵੱਡਾ ਤਿਉਹਾਰ 'ਰੱਖੜੀ' ਵੀ ਕੋਰੋਨਾ ਦੀ ਮਾਰ ਹੇਠ ਆ ਗਿਆ ਹੈ। ਇਸ ਤਿਉਹਾਰ ਨੂੰ ਸਿਰਫ਼ ਤਿੰਨ ਦਿਨ ਬਚੇ ਹਨ ਪਰ ਕੋਰੋਨਾ ਵਾਇਰਸ ਲਾਗ ਕਾਰਨ ਰੱਖੜੀ ਦੀਆਂ ਦੁਕਾਨਾਂ 'ਤੇ ਸੰਨਾਟਾ ਪਸਰਿਆ ਹੈ ਅਤੇ ਖ਼ਰੀਦਦਾਰੀ ਨਾ ਹੋਣ ਕਾਰਨ ਦੁਕਾਨਦਾਰ ਪ੍ਰੇਸ਼ਾਨ ਹਨ।

RakhriRakhri

ਯੂਪੀ ਦੇ ਗਾਜ਼ੀਆਬਾਦ ਵਿਚ ਰਾਜਬਾਲਾ ਨੇ ਦੋ ਦਿਨਾਂ ਤੋਂ ਰੱਖੜੀ ਦੀ ਦੁਕਾਨ ਲਾਈ ਹੋਈ ਹੈ। ਉਸ ਦਾ ਕਹਿਣਾ ਹੈ ਕਿ ਉਸ ਦੀ ਅੱਜ ਤਕ ਇਕ ਵੀ ਰੱਖੜੀ ਨਹੀਂ ਵਿਕੀ।  ਉਸ ਨੇ ਕਿਹਾ, 'ਕੁੱਝ ਕਰਨ ਲਈ ਹੈ ਹੀ ਨਹੀਂ। ਹਾਲੇ ਤਕ ਕੋਈ ਖ਼ਰੀਦਦਾਰੀ ਕਰਨ ਨਹੀਂ ਆਇਆ।' ਦੇਸ਼ ਵਿਚ ਤੇਜ਼ੀ ਨਾਲ ਵੱਧ ਰਹੇ ਕੋਰੋਨਾ ਵਾਇਰਸ ਲਾਗ ਦੇ ਮਾਮਲਿਆਂ ਕਾਰਨ ਇਸ ਵਾਰ ਘਰਾਂ ਵਿਚ ਅਜਿਹੇ ਵੱਡੇ ਸਮਾਗਮ ਹੋਣ ਦੀ ਸੰਭਾਵਨਾ ਘੱਟ ਹੀ ਹੈ ਜਿਥੇ ਭਰਾ ਤੇ ਭੈਣਾਂ ਇਕੱਠੇ ਹੋ ਕੇ ਤਿਉਹਾਰ ਮਨਾਉਣ।

RakhriRakhri

ਪਿਛਲੇ 15 ਸਾਲਾਂ ਤੋਂ ਰੱਖੜੀ ਵੇਚਣ ਦਾ ਕੰਮ ਕਰ ਰਹੀ ਰਾਜਬਾਲਾ ਨੇ ਕਿਹਾ, 'ਪਹਿਲਾਂ ਔਰਤਾਂ ਸ਼ਾਮ ਨੂੰ ਘਰਾਂ ਤੋਂ ਘੁੰਮਣ ਨਿਕਲਦੀਆਂ ਸਨ ਅਤੇ ਦੁਕਾਨਾਂ 'ਤੇ ਰੁਕ ਕੇ ਰੱਖੜੀਆਂ ਖ਼ਰੀਦਦੀਆਂ ਸਨ ਪਰ ਇਸ ਮਹਾਂਮਾਰੀ ਨੇ ਸੱਭ ਕੁੱਝ ਬਰਬਾਦ ਕਰ ਦਿਤਾ।'

RakhriRakhri

ਗਾਜ਼ੀਆਬਾਦ ਦੀ ਰਹਿਣ ਵਾਲੀ ਛਾਇਆ ਸਿੰਘ ਕਹਿੰਦੀ ਹੈ, 'ਮੈਂ ਅਪਣੇ ਦੂਰ ਰਹਿੰਦੇ ਭਰਾ ਨੂੰ ਘਰ ਨਾ ਆਉਣ ਲਈ ਕਹਿ ਦਿਤਾ ਹੈ। ਸਾਨੂੰ ਆਨਲਾਈਨ ਸ਼ਾਪਿੰਗ 'ਤੇ ਵੀ ਵਿਸ਼ਵਾਸ ਨਹੀਂ। ਪਤਾ ਨਹੀਂ ਕਿੰਨੇ ਜਣਿਆਂ ਨੇ ਰੱਖੜੀ ਨੂੰ ਛੂਹਿਆ ਹੋਵੇਗਾ। ਮੈਨੂੰ ਨਹੀਂ ਲਗਦਾ ਕਿ ਇਹ ਸੁਰੱਖਿਅਤ ਹੈ।' ਗੁਰੂਗ੍ਰਾਮ ਦੀ ਆਈਟੀ ਪੇਸ਼ੇਵਰ ਅਮ੍ਰਿਤਾ ਮਹਿਤਾ ਨੇ ਕਿਹਾ ਕਿ ਉਹ ਹਰ ਸਾਲ ਭਰਾ ਨੂੰ ਰੱਖੜੀ ਬੰਨ੍ਹਣ ਜੈਪੁਰ ਜਾਂਦੀ ਸੀ ਪਰ ਇਸ ਵਾਰ ਨਹੀਂ ਜਾਵੇਗੀ।

RakhriRakhri

ਪੇਪਾ ਨਾਮੀ ਕੰਪਨੀ ਨੂੰ ਆਮ ਤੌਰ 'ਤੇ ਰੱਖੜੀ ਲਈ 15000 ਆਰਡਰ ਮਿਲਦੇ ਸਨ ਪਰ ਇਸ ਸਾਲ ਇਹ ਗਿਣਤੀ ਘੱਟ ਕੇ 5000 ਤੋਂ ਵੀ ਘੱਟ ਰਹਿ ਗਈ ਹੈ। ਕੋਇੰਬਟੂਰ ਦੀ ਉਦਮੀ ਦਿਵਯਾ ਸ਼ੈਟੀ ਨੇ ਕਿਹਾ, 'ਹਰ ਸਾਲ ਤਿਉਹਾਰ ਮਗਰੋਂ ਦੇਸ਼ ਭਰ ਵਿਚ ਲਗਭਗ ਅੱਠ ਲੱਖ ਰੱਖੜੀਆਂ ਬੇਕਾਰ ਹੋ ਜਾਂਦੀਆਂ ਹਨ ਪਰ ਇਸ ਵਾਰ ਰੱਖੜੀਆਂ ਦੀ ਕਾਫ਼ੀ ਵਿਕਰੀ ਨਾ ਹੋਣ ਕਾਰਨ ਹੋਰ ਜ਼ਿਆਦਾ ਰੱਖੜੀਆਂ ਬੇਕਾਰ ਹੋ ਜਾਣਗੀਆਂ। ਸਾਰੇ ਹੀ ਕਾਰੋਬਾਰੀ ਦੁਖੀ ਹਨ।'

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।

Location: India, Delhi, New Delhi

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

ਮੋਹਾਲੀ ਦੇ GD Goenka Public ਸਕੂਲ 'ਚ ਕਰਵਾਇਆ ਜਾ ਰਿਹਾ ਕਾਰਪੋਰੇਟ ਕ੍ਰਿਕੇਟ ਚੈਲੇਂਜ - ਸੀਜ਼ਨ 3

22 Jun 2025 2:53 PM

Trump Bombs Iran LIVE: Trump's Address to Nation | Trump Attacks Iran | U.S Attacks Iran

22 Jun 2025 2:52 PM

Baba Shankranand Bhuri Video Viral | Baba Shankranand Bhuri Dera | Ludhiana Baba Shankranand Bhauri

21 Jun 2025 12:24 PM

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 21/06/2025

21 Jun 2025 12:18 PM

Goldy Brar Call Audio Viral | Lawrence Bishnoi and brar friendship broken now | Lawrence vs Brar

20 Jun 2025 3:14 PM
Advertisement