ਲੰਡਨ,
3 ਅਕਤੂਬਰ: ਵਿਵਾਦਾਂ 'ਚ ਘਿਰੇ ਸ਼ਰਾਬ ਕਾਰੋਬਰੀ ਵਿਜੇ ਮਾਲਿਆ ਨੂੰ ਮਨੀ ਲਾਂਡਰਿੰਗ
(ਕਾਲੇ ਧਨ ਨੂੰ ਚਿੱਟਾ ਕਰਨ) ਦੇ ਦੂਜੇ ਮਾਮਲੇ 'ਚ ਇਨਫ਼ੋਰਸਮੈਂਟ ਡਾਇਰੈਕਟਰੋਟ (ਈ.ਡੀ.)
ਵਲੋਂ ਗ੍ਰਿਫ਼ਤਾਰ ਕੀਤਾ ਗਿਆ। ਬਰਤਾਨੀਆ ਦੀ ਕਰਾਊਨ ਪ੍ਰੋਸਿਕਿਊਸ਼ਨ ਸਰਵਿਸ (ਸੀ.ਪੀ.ਐਸ.)
ਨੇ ਅੱਜ ਇਹ ਜਾਣਕਾਰੀ ਦਿਤੀ। ਗ੍ਰਿਫ਼ਤਾਰੀ ਤੋਂ ਤੁਰਤ ਬਾਅਦ ਮਾਲਿਆ ਨੂੰ ਕੂਓ ਵੈਸਟਮਿੰਸਟਰ
ਮੈਜਿਸਟ੍ਰੇਟ ਦੀ ਅਦਾਲਤ ਨੇ ਜ਼ਮਾਨਤ ਉਤੇ ਰਿਹਾਅ ਕਰ ਦਿਤਾ। ਮਾਲਿਆ ਸਪੁਰਦਗੀ ਵਾਰੰਟ
'ਤੇ ਪਹਿਲਾਂ ਤੋਂ ਜ਼ਮਾਨਤ ਉਤੇ ਹਨ। ਮਾਮਲੇ ਦੀ ਜਾਂਚ ਈ.ਡੀ. ਕਰ ਰਿਹਾ ਹੈ। ਕੇਂਦਰੀ
ਜਾਂਚ ਏਜੰਸੀ ਮਾਲਿਆ ਅਤੇ ਹੋਰਾਂ ਵਿਰੁਧ ਮੁੰਬਈ ਦੀ ਅਦਾਲਤ 'ਚ ਚਾਰਜਸ਼ੀਟ ਦਾਖ਼ਲ ਕਰ ਚੁੱਕੀ
ਹੈ। ਸੀ.ਪੀ.ਐਸ. ਭਾਰਤ ਸਰਕਾਰ ਵਲੋਂ ਮਾਲਿਆ ਵਿਰੁਧ ਪੱਖ ਰੱਖ ਰਿਹਾ ਹੈ।
ਅਦਾਲਤ
ਬਾਹਰ ਗੱਲਬਾਤ 'ਚ ਮਾਲਿਆ ਨੇ ਕਿਹਾ ਕਿ ਉਨ੍ਹਾਂ ਨੇ ਕੁੱਝ ਵੀ ਗ਼ਲਤ ਨਹੀਂ ਕੀਤਾ ਹੈ।
ਉਨ੍ਹਾਂ ਅਪਣੇ ਵਿਰੁਧ ਦੋਸ਼ਾਂ ਨੂੰ ਘੇਰਨ ਦੀ ਸਾਜ਼ਸ਼ ਦਸਿਆ। ਮਾਲਿਆ ਨੇ ਕਿਹਾ, ''ਮੈਂ ਕਿਸੇ
ਅਦਾਲਤ ਤੋਂ ਬਚ ਨਹੀਂ ਰਿਹਾ ਹਾਂ। ਜੇਕਰ ਕਾਨੂੰਨੀ ਤੌਰ ਤੇ ਇਥੇ ਹਾਜ਼ਰ ਹੋਣਾ ਜ਼ਰੂਰੀ ਹੈ
ਤਾਂ ਮੈਂ ਇਥੇ ਹਾਜ਼ਰ ਰਹਾਂਗਾ। ਮੈਂ ਅਪਣੇ ਮਾਮਲੇ ਨੂੰ ਸਾਬਤ ਕਰਨ ਲਈ ਕਈ ਸਬੂਤ ਦਿਤੇ
ਹਨ।''
ਇਸ ਦੌਰਾਨ ਨਵੀਂ ਦਿੱਲੀ 'ਚ ਸੂਤਰਾਂ ਨੇ ਦਸਿਆ ਕਿ ਭਾਰਤ ਸਰਕਾਰ ਨੇ ਮਾਲਿਆ ਵਿਰੁਧ ਮਨੀ ਲਾਂਡਰਿੰਗ ਮਾਮਲੇ 'ਚ ਸਪੁਰਦਗੀ ਦੀ ਅਪੀਲ ਕੀਤੀ ਹੈ ਉਸ ਦੇ ਆਧਾਰ 'ਤੇ ਗ੍ਰਿਫ਼ਤਾਰੀ ਕੀਤੀ ਗਈ।
61 ਸਾਲਾਂ ਦੇ ਮਾਲਿਆ ਅਪਣੀ ਬੰਦ ਪਈ ਕੰਪਨੀ ਕਿੰਗਫ਼ਿਸ਼ਰ ਦੇ ਉੱਪਰ ਲਗਭਗ 9 ਹਜ਼ਾਰ ਕਰੋੜ ਰੁਪਏ ਦਾ ਕਰਜ਼ਾ ਨਾ ਚੁਕਾਉਣ ਕਰ ਕੇ ਭਾਰਤ 'ਚ ਲੋੜੀਂਦੇ ਹਨ। ਇਸ ਤੋਂ ਪਹਿਲਾਂ ਮਾਲਿਆ ਨੂੰ ਸਕਾਟਲੈਂਡ ਯਾਰਡ ਨੇ ਸਪੁਰਦਗੀ ਵਾਰੰਟ ਮਾਮਲੇ 'ਚ 18 ਅਪ੍ਰੈਲ ਨੂੰ ਗ੍ਰਿਫ਼ਤਾਰ ਕੀਤਾ ਸੀ। ਇਸ ਮਾਮਲੇ 'ਚ ਉਨ੍ਹਾਂ ਨੂੰ ਜ਼ਮਾਨਤ ਮਿਲੀ ਹੋਈ ਹੈ। (ਪੀਟੀਆਈ)
ਇਸ ਦੌਰਾਨ ਨਵੀਂ ਦਿੱਲੀ 'ਚ ਸੂਤਰਾਂ ਨੇ ਦਸਿਆ ਕਿ ਭਾਰਤ ਸਰਕਾਰ ਨੇ ਮਾਲਿਆ ਵਿਰੁਧ ਮਨੀ ਲਾਂਡਰਿੰਗ ਮਾਮਲੇ 'ਚ ਸਪੁਰਦਗੀ ਦੀ ਅਪੀਲ ਕੀਤੀ ਹੈ ਉਸ ਦੇ ਆਧਾਰ 'ਤੇ ਗ੍ਰਿਫ਼ਤਾਰੀ ਕੀਤੀ ਗਈ।
61 ਸਾਲਾਂ ਦੇ ਮਾਲਿਆ ਅਪਣੀ ਬੰਦ ਪਈ ਕੰਪਨੀ ਕਿੰਗਫ਼ਿਸ਼ਰ ਦੇ ਉੱਪਰ ਲਗਭਗ 9 ਹਜ਼ਾਰ ਕਰੋੜ ਰੁਪਏ ਦਾ ਕਰਜ਼ਾ ਨਾ ਚੁਕਾਉਣ ਕਰ ਕੇ ਭਾਰਤ 'ਚ ਲੋੜੀਂਦੇ ਹਨ। ਇਸ ਤੋਂ ਪਹਿਲਾਂ ਮਾਲਿਆ ਨੂੰ ਸਕਾਟਲੈਂਡ ਯਾਰਡ ਨੇ ਸਪੁਰਦਗੀ ਵਾਰੰਟ ਮਾਮਲੇ 'ਚ 18 ਅਪ੍ਰੈਲ ਨੂੰ ਗ੍ਰਿਫ਼ਤਾਰ ਕੀਤਾ ਸੀ। ਇਸ ਮਾਮਲੇ 'ਚ ਉਨ੍ਹਾਂ ਨੂੰ ਜ਼ਮਾਨਤ ਮਿਲੀ ਹੋਈ ਹੈ। (ਪੀਟੀਆਈ)
