ਨਵੀਂ ਦਿੱਲੀ : ਆਪਣਿਆਂ ਦੀ ਮੌਤ ਦਾ ਦੁੱਖ ਲਗਭਗ ਹਰ ਕੋਈ ਸਮਝਦਾ ਹੈ। ਹਰ ਕੋਈ ਇਸਨੂੰ ਝੱਲਦਾ ਵੀ ਹੈ ਪਰ ਸਾਡੇ ਸਾਰਿਆਂ ਵਿਚ ਉਹ ਹੌਸਲਾ ਨਹੀਂ ਹੁੰਦਾ ਜੋ ਮੇਜਰ ਕੁਮੁਦ ਡੋਗਰਾ ਵਿਚ ਵਿਖਾਈ ਦਿੰਦਾ ਹੈ। ਮੇਜਰ ਕੁਮੁਦ ਡੋਗਰਾ ਦਾ ਨਾਮ ਸ਼ਾਇਦ ਤੁਹਾਡੇ ਲਈ ਜਾਣਿਆ -ਪਹਿਚਾਣਿਆ ਨਾ ਹੋਵੇ, ਜਾਂ ਸ਼ਾਇਦ ਤੁਹਾਡੀ ਅੱਖਾਂ ਦੇ ਅੱਗੋਂ ਇਹ ਨਾਮ ਕਦੇ ਨਿਕਲਿਆ ਹੋਵੇ, ਬਹੁਤ ਮੁਮਕਿਨ ਹੈ ਕਿ ਤੁਸੀਂ ਇਸ 'ਤੇ ਧਿਆਨ ਵੀ ਨਾ ਦਿੱਤਾ ਹੋਵੇ। ਪਰ ਜੇਕਰ ਅਜਿਹਾ ਹੈ ਤਾਂ ਇਹ ਤੁਹਾਡੀ ਵੱਡੀ ਚੂਕ ਹੈ। ਚੂਕ ਇਸ ਲਈ ਕਿਉਂਕਿ ਤੁਹਾਡੇ ਅਤੇ ਸਾਡੇ ਲਈ ਇਹ ਜਾਨਣਾ ਬੇਹੱਦ ਜਰੂਰੀ ਹੈ ਕਿ ਅਖੀਰ ਇਹ ਮੇਜਰ ਡੋਗਰਾ ਹੈ ਕੌਣ ਅਤੇ ਇਨ੍ਹਾਂ ਦਾ ਜਿਕਰ ਇਥੇ ਕਿਉਂ ਕੀਤਾ ਜਾ ਰਿਹਾ ਹੈ।
ਜੇਕਰ ਤੁਹਾਨੂੰ ਨਹੀਂ ਪਤਾ ਤਾਂ ਚਲੋ ਅਸੀਂ ਤੁਹਾਨੂੰ ਦੱਸ ਦਿੰਦੇ ਹਾਂ। ਦਰਅਸਲ, ਮੇਜਰ ਕੁਮੁਦ ਡੋਗਰੇ ਦੇ ਪਤੀ ਡੀ ਵੈਟਸ ਇੰਡੀਅਨ ਏਅਰਫੋਰਸ ਵਿਚ ਵਿੰਗ ਕਮਾਂਡਰ ਸਨ। 15 ਫਰਵਰੀ ਨੂੰ ਅਸਮ ਦੇ ਮਜੋਲੀ ਵਿਚ ਉਨ੍ਹਾਂ ਦਾ ਮਾਇਕਰੋਲਾਇਟ ਹੈਲੀਕਾਪਟਰ ਕਰੈਸ਼ ਹੋ ਗਿਆ ਸੀ, ਜਿਸ ਵਿਚ ਉਨ੍ਹਾਂ ਦੀ ਮੌਤ ਹੋ ਗਈ ਸੀ। ਇਹ ਕੁਮੁਦ ਲਈ ਬਹੁਤ ਬੁਰੀ ਖਬਰ ਸੀ। ਇਸਤੋਂ ਵੀ ਬੁਰੀ ਖਬਰ ਉਸ ਬੱਚੀ ਲਈ ਸੀ ਜੋ ਆਪਣੇ ਪਿਤਾ ਦੀ ਗੋਦ ਦਾ ਸਾਇਆ ਪਾਉਣ ਤੋਂ ਮਹਿਰੂਮ ਰਹਿ ਗਿਆ ਸੀ। ਤੁਹਾਨੂੰ ਜਾਣਕੇ ਦੁੱਖ ਹੋਵੇਗਾ ਕਿ ਜਿਸ ਸਮੇਂ ਵੈਟਸ ਦੀ ਹਾਦਸੇ ਵਿਚ ਮੌਤ ਹੋਈ ਉਸ ਸਮੇਂ ਉਨ੍ਹਾਂ ਦੀ ਧੀ ਸਿਰਫ਼ ਚਾਰ ਦਿਨ ਦੀ ਸੀ।
ਸਾਡੇ ਅੰਦਰ ਉਹ ਹੌਸਲਾ ਸ਼ਾਇਦ ਨਾ ਹੋਵੇ ਜਿਸਦਾ ਜ਼ਿਕਰ ਅਸੀਂ ਅੱਗੇ ਕਰਨ ਵਾਲੇ ਹਾਂ। ਕੁਮੁਦ ਨੇ ਲਈ ਪਤੀ ਦਾ ਜਾਣਾ ਕਿਸੇ ਡੂੰਘੇ ਸਦਮੇ ਤੋਂ ਘੱਟ ਨਹੀਂ ਸੀ ਪਰ ਉਨ੍ਹਾਂ ਨੇ ਹਿੰਮਤ ਨਹੀਂ ਹਾਰੀ। ਉਹ ਜਾਣਦੀ ਸੀ ਕਿ ਇਕ ਫੌਜੀ ਨੂੰ ਕਿਸ ਤਰ੍ਹਾਂ ਨਾਲ ਵਿਦਾ ਕੀਤਾ ਜਾਂਦਾ ਹੈ ਅਤੇ ਇਕ ਫੌਜੀ ਨੂੰ ਇਸ ਦੌਰਾਨ ਕਿਵੇਂ ਵਰਤਾਅ ਕਰਨਾ ਚਾਹੀਦਾ ਹੈ। ਉਹ ਆਪਣੇ ਪਤੀ ਦੇ ਅੰਤਿਮ ਰਸਮ ਨਿਭਾਉਣ ਲਈ ਆਪਣੇ ਆਪ ਪੂਰੀ ਫੌਜੀ ਵਰਦੀ ਵਿਚ ਆਪਣੇ ਪੰਜ ਦਿਨ ਦੀ ਧੀ ਨੂੰ ਹੱਥ ਵਿਚ ਲਈ ਦਾਹ-ਸੰਸਕਾਰ ਮੈਦਾਨ 'ਤੇ ਪਹੁੰਚੀ ਸੀ। ਇਸ ਦੌਰਾਨ ਉਨ੍ਹਾਂ ਦੇ ਨਾਲ ਉਨ੍ਹਾਂ ਦੇ ਕਰੀਬੀ ਵੀ ਮੌਜੂਦ ਸਨ।
ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਦੀ ਉਹ ਫੋਟੋ ਕਾਫ਼ੀ ਵਾਇਰਲ ਹੋ ਰਹੀ ਹੈ ਜਿਸ ਵਿਚ ਉਹ ਆਪਣੇ ਬੱਚੇ ਨੂੰ ਗੋਦ ਵਿਚ ਚੁੱਕੇ ਅੱਗੇ ਵੱਧ ਰਹੀ ਹੈ। ਉਨ੍ਹਾਂ ਦੀ ਇਸ ਫੋਟੋ 'ਤੇ ਹੁਣ ਤੱਕ ਕਈ ਲੋਕ ਕੁਮੈਂਟਸ ਕਰ ਚੁੱਕੇ ਹਨ। ਸਾਰੇ ਲੋਕ ਉਨ੍ਹਾਂ ਅਤੇ ਉਨ੍ਹਾਂ ਦੇ ਜਜਬੇ ਨੂੰ ਸਲਾਮ ਕਰ ਰਹੇ ਹਨ। ਇਹਨਾਂ ਵਿਚੋਂ ਕਈਆਂ ਨੇ ਲਿਖਿਆ ਹੈ ਕਿ ਇਹ ਬੇਹੱਦ ਮੁਸ਼ਕਲ ਘੜੀ ਹੈ ਨਾ ਸਿਰਫ ਕੁਮੁਦ ਲਈ ਸਗੋਂ ਉਨ੍ਹਾਂ ਦੀ ਪੰਜ ਦਿਨ ਦੀ ਧੀ ਲਈ ਵੀ ਜੋ ਹੁਣ ਕਦੇ ਆਪਣੇ ਪਾਪਾ ਤੋਂ ਨਹੀਂ ਮਿਲ ਸਕੇਗੀ। ਸੋਸ਼ਲ ਮੀਡੀਆ 'ਤੇ ਕੁਮੁਦ ਦੀ ਪੰਜ ਦਿਨ ਦੀ ਧੀ ਲਈ ਢੇਰ ਸਾਰਾ ਪਿਆਰ ਭਰੇ ਮੈਸੇਜ ਵੀ ਆ ਰਹੇ ਹਨ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੇ ਇਕ ਫੋਟੋ ਵਿਚ ਕੁਮੁਦ ਆਪਣੀ ਨਵਜਾਤ ਬੱਚੀ ਦੇ ਨਾਲ ਮੁਸਕੁਰਾਉਂਦੀ ਵੀ ਵਿਖਾਈ ਦੇ ਰਹੀ ਹੈ।
