ਟ੍ਰੇਨ 'ਚ ਸਫਰ ਦੇ ਦੌਰਾਨ ਤੁਸੀਂ 1 ਰੁਪਏ ਤੋਂ ਵੀ ਘੱਟ 'ਚ ਟਰੈਵਲ ਬੀਮਾ ਲੈ ਸਕਦੇ ਹੋ। ਜੀ ਹਾਂ, ਰੇਲਵੇ ਸਿਰਫ 92 ਪੈਸੇ 'ਚ 10 ਲੱਖ ਰੁਪਏ ਤੱਕ ਦਾ ਬੀਮਾ ਕਵਰ ਦਿੰਦਾ ਹੈ। ਇਹ ਸੁਵੀਧਾਵਾਂ ਸਾਰੇ ਮੁਸਾਫਰਾਂ ਲਈ ਹੈ। ਹਾਲਾਂਕਿ ਮੁਸਾਫਰ ਇਸਨੂੰ ਲੈਣ ਜਾਂ ਨਾ ਲੈਣ ਦਾ ਵਿਕਲਪ ਮਿਲਦਾ ਹੈ।
ਮੌਤ ਹੋਣ 'ਤੇ 10 ਲੱਖ ਤੱਕ ਦਾ ਕਵਰ
ਬੀਮਾ ਲੈਣ ਵਾਲੇ ਕਿਸੇ ਮੁਸਾਫਰ ਦੀ ਜੇਕਰ ਰੇਲ ਦੁਰਘਟਨਾ 'ਚ ਮੌਤ ਹੋ ਜਾਂਦੀ ਹੈ ਤਾਂ ਉਸਦੇ ਨਾਮਜ਼ਦ ਜਾਂ ਲੀਗਲ ਵਾਰਿਸ ਨੂੰ 10 ਲੱਖ ਰੁਪਏ ਤੱਕ ਦਾ ਕਵਰ ਇਸ ਸਕੀਮ ਦੇ ਤਹਿਤ ਦਿੱਤਾ ਜਾਂਦਾ ਹੈ। ਉਥੇ ਹੀ ਜੇਕਰ ਦੁਰਘਟਨਾ 'ਚ ਕਿਸੇ ਤਰ੍ਹਾਂ ਦੀ ਸਰੀਰਕ ਅਸਮਰੱਥਾ ਆ ਜਾਂਦੀ ਹੈ ਤਾਂ 7.5 ਲੱਖ ਰੁਪਏ ਤੱਕ ਦਾ ਕਵਰ ਇਸ ਵਿੱਚ ਮਿਲਦਾ ਹੈ। ਥੋੜ੍ਹਾ - ਬਹੁਤ ਸਰੀਰਕ ਨੁਕਸਾਨ ਪਹੰਚਦਾ ਹੈ ਤਾਂ ਇਸ ਵਿੱਚ 2 ਲੱਖ ਰੁਪਏ ਤੱਕ ਦਾ ਕਵਰ ਮਿਲਦਾ ਹੈ।
ਸਿਰਫ ਆਨਲਾਈਨ ਟਿਕਟ 'ਤੇ ਹੀ ਲਾਗੂ ਹੈ ਸਕੀਮ
ਇਹ ਸਕੀਮ ਸਿਰਫ ਆਨਲਾਈਨ ਟਿਕਟ ਬੁੱਕ ਕਰਨ 'ਤੇ ਹੀ ਲਾਗੂ ਹੁੰਦੀ ਹੈ। IRCTC ਦੀ ਵੈਬਸਾਈਟ ਤੋਂ ਟਿਕਟ ਬੁੱਕ ਕਰਨ 'ਤੇ ਪੇਮੈਂਟ ਹੋਣ ਦੇ ਪਹਿਲੇ ਬੀਮਾ ਲੈਣ ਦਾ ਵਿਕਲਪ ਮੁਸਾਫਰ ਨੂੰ ਮਿਲਦਾ ਹੈ ਐਕਸੀਡੈਂਟਲ ਕਵਰੇਜ ਸਿਰਫ ਟਰੈਵਲ ਟਾਈਮ ਲਈ ਹੁੰਦਾ ਹੈ। ਬੀਮਾ ਲੈਣ 'ਤੇ ਨਾਮਜ਼ਦ ਦੀ ਠੀਕ ਡਿਟੇਲ ਭਰਨਾ ਨਾ ਭੁੱਲੋ।
ਕਦੋਂ ਕਰ ਸਕਦੇ ਹਨ ਕਲੇਮ
ਟ੍ਰੇਨ 'ਚ ਜੇਕਰ ਕੋਈ ਅਜਿਹੇ ਹਾਦਸੇ ਦਾ ਸ਼ਿਕਾਰ ਹੁੰਦਾ ਹੈ ਤਾਂ ਉਸਦੇ ਨਾਮਿਨੀ ਨੂੰ ਐਕਸੀਡੇਂਟ ਹੋਣ ਦੇ 4 ਮਹੀਨੇ ਦੇ ਅੰਦਰ - ਅੰਦਰ ਬੀਮਾ ਕੰਪਨੀ ਨੂੰ ਇਸ ਬਾਰੇ 'ਚ ਦਸਣਾ ਹੋਵੇਗਾ। ਕਲੇਮ ਐਨਈਐਫਟੀ ਦੇ ਜ਼ਰਿਏ ਮਿਲੇਗਾ। ਫਰਾਡ ਤੋਂ ਜੁੜਿਆ ਕੁਝ ਵੀ ਮਾਮਲਾ ਹੋਇਆ ਤਾਂ ਬੀਮਾ ਦੇ ਤਹਿਤ ਕੋਈ ਫਾਇਦਾ ਸਬੰਧਤ ਮੁਸਾਫਰ ਨੂੰ ਨਹੀਂ ਮਿਲੇਗਾ।
5 ਸਾਲ ਤਕ ਦੇ ਬੱਚਿਆਂ ਲਈ ਨਹੀਂ ਇਹ ਸਕੀਮ
5 ਸਾਲ ਤੱਕ ਦੇ ਬੱਚਿਆਂ ਅਤੇ ਵਿਦੇਸ਼ੀ ਨਾਗਰਿਕ ਲਈ ਇਹ ਸਕੀਮ
ਨਹੀਂ ਹੈ। ਹਾਲਾਂਕਿ ਕੰਫਰਮ ਦੇ ਨਾਲ ਹੀ ਆਰਏਸੀ ਅਤੇ ਵੇਟਿੰਗ ਲਿਸਟ ਵਾਲੇ ਮੁਸਾਫਰ ਵੀ ਇਸ ਬੀਮੇ ਨੂੰ ਲੈ ਸਕਦੇ ਹਨ। ਮੁਸਾਫਰਾਂ ਨੂੰ ਪਾਲਿਸੀ ਦੀ ਜਾਨਕਾਰੀ ਐਸਐਮਐਸ ਦੇ ਜ਼ਰੀਏ ਮਿਲਦੀ ਹੈ। ਪਾਲਿਸੀ ਨੰਬਰ ਟਿਕਟ ਬੁਕਿੰਗ ਹਿਸਟਰੀ 'ਚ ਦੇਖੀ ਜਾ ਸਕਦੀ ਹੈ। ਟਿਕਟ ਬੁਕਿੰਗ ਦੇ ਬਾਅਦ ਬੀਮਾ ਕੰਪਨੀ ਦੀ ਵੈਬਸਾਈਟ 'ਤੇ ਨਾਮਜ਼ਦ ਵੇਰਵਾ ਪਾਉਣਾ ਹੁੰਦਾ ਹੈ। ਜੇਕਰ ਨਾਮਜ਼ਦ ਵੇਰਵਾ ਨਹੀਂ ਪਾਇਆ ਗਿਆ ਤਾਂ ਲੀਗਲ ਵਾਰਿਸ ਨੂੰ ਕਲੇਮ ਮਿਲਦਾ ਹੈ।
