ਨਵੀਂ ਦਿੱਲੀ, 9 ਸਤੰਬਰ : ਕਾਂਗਰਸ
ਨੇ ਅੱਜ ਲੋਕ ਸਭਾ ਮੈਂਬਰ ਸੁਸ਼ਮਿਤਾ ਦੇਵ ਨੂੰ ਮਹਿਲਾ ਕਾਂਗਰਸ ਦੀ ਪ੍ਰਧਾਨ ਨਿਯੁਕਤ ਕੀਤਾ
ਹੈ ਜਦਕਿ ਦੀਪਕ ਬਾਬਰਰਿਆ ਨੂੰ ਮੱਧ ਪ੍ਰਦੇਸ਼ ਦਾ ਇੰਚਾਰਜ ਜਨਰਲ ਸਕੱਤਰ ਨਿਯੁਕਤ ਕੀਤਾ ਹੈ।
ਪਾਰਟੀ ਦੇ ਜਨਰਲ ਸਕੱਤਰ ਜਨਾਰਦਨ ਦਵਿਵੇਦੀ ਦੁਆਰਾ ਜਾਰੀ ਬਿਆਨ ਮੁਤਾਬਕ ਕਾਂਗਰਸ ਪ੍ਰਧਾਨ
ਸੋਨੀਆ ਗਾਂਧੀ ਨੇ ਸੁਸ਼ਮਿਤਾ ਦੇਵ ਨੂੰ ਮਹਿਲਾ ਕਾਂਗਰਸ ਦੀ ਪ੍ਰਧਾਨ ਨਿਯੁਕਤ ਕਰਨ ਦੀ
ਪ੍ਰਵਾਨਗੀ ਦਿਤੀ ਹੈ।
ਸੁਸ਼ਮਿਤਾ ਸ਼ੋਭਾ ਓਝਾ ਦੀ ਥਾਂ ਲਵੇਗੀ। ਉਹ ਆਸਾਮ ਦੇ ਸਿਲਚਰ ਤੋਂ
ਲੋਕ ਸਭਾ ਮੈਂਬਰ ਹਨ ਤੇ ਸੀਨੀਅਰ ਕਾਂਗਰਸੀ ਸੰਤੋਸ਼ ਮੋਹਨ ਦੇਵ ਦੀ ਪੁਤਰੀ ਹੈ। ਸੁਸ਼ਮਿਤਾ
ਕਾਂਗਰਸ ਦੇ ਬੁਲਾਰਿਆਂ ਦੇ ਪੈਨਲ ਵਿਚ ਵੀ ਸ਼ਾਮਲ ਹੈ। ਮੱਧ ਪ੍ਰਦੇਸ਼ ਦੀ ਟੀਮ ਵਿਚ ਨਵੀਆਂ
ਨਿਯੁਕਤੀਆਂ ਕੀਤੀਆਂ ਗਈਆਂ ਹਨ। ਦੀਪਕ ਬਾਬਰਿਆ ਮੋਹਨ ਪ੍ਰਕਾਸ਼ ਦੀ ਥਾਂ ਲੈਣਗੇ। ਪਾਰਟੀ ਨੇ
ਜੁਬੇਰ ਖ਼ਾਨ ਅਤੇ ਸੰਜੇ ਕਪੂਰ ਨੂੰ ਮੱਧ ਪ੍ਰਦੇਸ਼ ਦਾ ਇੰਚਾਰਜ ਸਕੱਤਰ ਨਿਯੁਕਤ ਕੀਤਾ ਹੈ।
ਪਹਿਲਾਂ ਇਹ ਜ਼ਿੰਮੇਵਾਰੀ ਰਾਕੇਸ਼ ਕਾਲੀਆ ਕੋਲ ਸੀ। (ਏਜੰਸੀ)
