ਟਵਿੱਟਰ 'ਤੇ ਛਿੜੀ ਭਾਜਪਾ ਅਤੇ ਕਾਂਗਰਸ ਆਗੂਆਂ ਵਿਚਾਲੇ ਸ਼ਬਦੀ ਜੰਗ
ਨਵੀਂ ਦਿੱਲੀ : ਦੇਸ਼ ਵਿੱਚ ਬੁਲਡੋਜ਼ਰ ਦੀ ਵਰਤੋਂ ਨੂੰ ਲੈ ਕੇ ਚੱਲ ਰਹੀ ਸ਼ਬਦੀ ਜੰਗ ਦੇ ਵਿਚਕਾਰ ਹੁਣ ਭਾਜਪਾ ਨੇ ਐਤਵਾਰ ਯਾਨੀ ਅੱਜ ਕਾਂਗਰਸ 'ਤੇ ਪਲਟਵਾਰ ਕਰਦੇ ਹੋਏ ਕਿਹਾ ਕਿ ਇਹ ਇੰਦਰਾ ਗਾਂਧੀ ਸੀ ਜਿਸ ਨੇ ਸਭ ਤੋਂ ਪਹਿਲਾਂ ਤੁਰਕਮਾਨ ਗੇਟ 'ਤੇ ਘੱਟ ਗਿਣਤੀਆਂ 'ਤੇ ਬੁਲਡੋਜ਼ਰ ਦੀ ਵਰਤੋਂ ਕਰਨ ਦਾ ਹੁਕਮ ਦਿੱਤਾ ਸੀ।
BJP
ਟਵੀਟਾਂ ਦੀ ਇੱਕ ਲੜੀ ਵਿੱਚ, ਭਾਜਪਾ ਦੇ ਰਾਸ਼ਟਰੀ ਸੂਚਨਾ ਅਤੇ ਤਕਨਾਲੋਜੀ ਵਿਭਾਗ ਦੇ ਇੰਚਾਰਜ ਅਮਿਤ ਮਾਲਵੀਆ ਨੇ ਕਿਹਾ, "ਕੀ ਕਾਂਗਰਸ ਪਾਰਟੀ ਵਿੱਚ ਮਨੀਸ਼ ਤਿਵਾੜੀ ਤੋਂ ਲੈ ਕੇ ਰਾਹੁਲ ਗਾਂਧੀ ਤੱਕ, ਹਰ ਕੋਈ ਭੁੱਲਣ ਦੀ ਬਿਮਾਰੀ ਤੋਂ ਪੀੜਤ ਹਨ ਜਾਂ ਉਨ੍ਹਾਂ ਨੂੰ ਆਪਣੇ ਅਤੀਤ ਬਾਰੇ ਗਲਤ ਜਾਣਕਾਰੀ ਹੈ। ਨਾਜ਼ੀਆਂ ਅਤੇ ਯਹੂਦੀਆਂ ਨੂੰ ਭੁੱਲ ਜਾਓ, ਭਾਰਤ ਵਿਚ ਇਹ ਇੰਦਰਾ ਗਾਂਧੀ ਸੀ ਜਿਸ ਨੇ ਤੁਰਕਮਾਨ ਗੇਟ 'ਤੇ ਘੱਟ ਗਿਣਤੀਆਂ 'ਤੇ ਬੁਲਡੋਜ਼ਰ ਦੀ ਵਰਤੋਂ ਕਰਨ ਦਾ ਹੁਕਮ ਦਿੱਤਾ ਸੀ...''
It was Indira Gandhi who first ordered use of bulldozers on minorities at Turkman Gate: BJP
"ਅਪ੍ਰੈਲ 1976 ਵਿੱਚ ਐਮਰਜੈਂਸੀ ਦੌਰਾਨ, ਇੰਦਰਾ ਗਾਂਧੀ ਦੇ ਪੁੱਤਰ ਸੰਜੇ ਗਾਂਧੀ ਨੇ ਮੁਸਲਮਾਨ ਮਰਦਾਂ ਅਤੇ ਔਰਤਾਂ ਨੂੰ ਜਬਰੀ ਨਸਬੰਦੀ ਕਰਵਾਉਣ ਲਈ ਮਜ਼ਬੂਰ ਕੀਤਾ। ਜਦੋਂ ਉਨ੍ਹਾਂ ਨੇ ਵਿਰੋਧ ਕੀਤਾ ਤਾਂ ਤੁਰਕਮਾਨ ਗੇਟ 'ਤੇ ਬੁਲਡੋਜ਼ਰ ਚਲਾਏ ਗਏ। 20 ਲੋਕਾਂ ਦੀ ਮੌਤ ਹੋ ਗਈ। ਨਾਜ਼ੀਆਂ ਨਾਲ ਕਾਂਗਰਸ ਦਾ ਰੋਮਾਂਟਿਕਵਾਦ ਇੰਦਰਾ ਗਾਂਧੀ 'ਤੇ ਬੰਦ ਹੋਣਾ ਚਾਹੀਦਾ ਹੈ।"
Manish Tiwari
ਇਸ ਤੋਂ ਇਲਾਵਾ ਐਤਵਾਰ ਨੂੰ ਸਾਬਕਾ ਕੇਂਦਰੀ ਮੰਤਰੀ ਅਤੇ ਕਾਂਗਰਸ ਦੇ ਸੀਨੀਅਰ ਨੇਤਾ ਮਨੀਸ਼ ਤਿਵਾੜੀ ਨੇ ਟਵਿੱਟਰ 'ਤੇ ਉਨ੍ਹਾਂ ਦੁਆਰਾ ਲਿਖਿਆ ਇੱਕ ਲੇਖ ਸਾਂਝਾ ਕੀਤਾ ਅਤੇ ਕਿਹਾ: "ਨਾਜ਼ੀਆਂ ਨੇ ਬੁਲਡੋਜ਼ਰ ਨੂੰ ਯਹੂਦੀਆਂ ਦੇ ਵਿਰੁੱਧ ਵੱਡੇ ਪੱਧਰ 'ਤੇ ਤਾਇਨਾਤ ਕੀਤਾ। ਯਹੂਦੀਆਂ ਨੇ ਫਿਰ ਇਸ ਦੀ ਵਰਤੋਂ ਫਲਸਤੀਨੀਆਂ ਦੇ ਵਿਰੁੱਧ ਕੀਤੀ।ਹੁਣ ਇਸ ਦੀ ਵਰਤੋਂ ਭਾਰਤ ਆਪਣੀਆਂ ਘੱਟ ਗਿਣਤੀਆਂ ਦੇ ਵਿਰੁੱਧ ਕਰ ਰਿਹਾ ਹੈ।"
