ਲੋਕਤੰਤਰ ਦਾ ਕਤਲ ਹੋਇਆ : ਊਧਵ ਠਾਕਰੇ
Shiv Sena Row: ਮਹਾਰਾਸ਼ਟਰ ਵਿਧਾਨ ਸਭਾ ਦੇ ਸਪੀਕਰ ਰਾਹੁਲ ਨਾਰਵੇਕਰ ਨੇ ਬੁਧਵਾਰ ਨੂੰ ਕਿਹਾ ਕਿ 21 ਜੂਨ, 2022 ਨੂੰ ਵਿਰੋਧੀ ਸਮੂਹਾਂ ਦੇ ਉਭਰਨ ’ਤੇ ਸ਼ਿਵ ਫ਼ੌਜ ਦਾ ਏਕਨਾਥ ਸ਼ਿੰਦੇ ਦੀ ਅਗਵਾਈ ਵਾਲਾ ਧੜਾ ਅਸਲੀ ਸਿਆਸੀ ਪਾਰਟੀ ਸੀ। ਸ਼ਿੰਦੇ ਦੀ ਅਗਵਾਈ ਵਾਲੀ ਸ਼ਿਵ ਸੈਨਾ ਅਤੇ ਊਧਵ ਠਾਕਰੇ ਦੀ ਅਗਵਾਈ ਵਾਲੇ ਵਿਰੋਧੀ ਧੜਿਆਂ ਵਲੋਂ ਇਕ-ਦੂਜੇ ਦੇ ਵਿਧਾਇਕਾਂ ਵਿਰੁਧ ਦਾਇਰ ਅਯੋਗਤਾ ਪਟੀਸ਼ਨਾਂ ’ਤੇ ਅਪਣਾ ਫ਼ੈਸਲਾ ਪੜ੍ਹਦਿਆਂ ਨਾਰਵੇਕਰ ਨੇ ਇਹ ਵੀ ਕਿਹਾ ਕਿ ਸ਼ਿਵ ਫ਼ੌਜ (ਯੂ.ਬੀ.ਟੀ.) ਦੇ ਸੁਨੀਲ ਪ੍ਰਭੂ 21 ਜੂਨ, 2022 ਤੋਂ ਵਿਪ੍ਹ ਨਹੀਂ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਸ਼ਿੰਦੇ ਧੜੇ ਦੇ ਭਰਤ ਗੋਗਾਵਲੇ ਅਧਿਕਾਰਤ ਵਿਪ੍ਹ ਬਣ ਗਏ ਹਨ। ਜਿਵੇਂ ਹੀ ਇਸ ਫ਼ੈਸਲੇ ਦਾ ਮਤਲਬ ਸਪੱਸ਼ਟ ਹੋਇਆ, ਮੁੱਖ ਮੰਤਰੀ ਸ਼ਿੰਦੇ ਦੇ ਧੜੇ ਦੇ ਸਮਰਥਕਾਂ ਨੇ ਜਸ਼ਨ ਮਨਾਉਣਾ ਸ਼ੁਰੂ ਕਰ ਦਿਤਾ। ਊਧਵ ਠਾਕਰੇ ਦੀ ਅਗਵਾਈ ਵਾਲੀ ਸ਼ਿਵ ਸੈਨਾ (ਯੂ.ਬੀ.ਟੀ.) ਦੇ ਨੇਤਾ ਸੰਜੇ ਰਾਉਤ ਨੇ ਕਿਹਾ ਕਿ ਉਹ ਨਾਰਵੇਕਰ ਦੇ ਫ਼ੈਸਲੇ ਵਿਰੁਧ ਸੁਪਰੀਮ ਕੋਰਟ ਜਾਣਗੇ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਸਪੀਕਰ ਨੇ ਇਹ ਵੀ ਕਿਹਾ ਕਿ ਸ਼ਿਵ ਸੈਨਾ ਮੁਖੀ ਕੋਲ ਕਿਸੇ ਵੀ ਨੇਤਾ ਨੂੰ ਪਾਰਟੀ ਤੋਂ ਕੱਢਣ ਦਾ ਅਧਿਕਾਰ ਨਹੀਂ ਹੈ। ਉਨ੍ਹਾਂ ਨੇ ਇਸ ਦਲੀਲ ਨੂੰ ਵੀ ਮਨਜ਼ੂਰ ਨਹੀਂ ਕੀਤਾ ਕਿ ਪਾਰਟੀ ਮੁਖੀ ਦੀ ਇੱਛਾ ਅਤੇ ਪਾਰਟੀ ਦੀ ਇੱਛਾ ਸਮਾਨਾਰਥੀ ਹੈ। ਉਨ੍ਹਾਂ ਕਿਹਾ ਕਿ ਚੋਣ ਕਮਿਸ਼ਨ ਨੂੰ ਸੌਂਪਿਆ ਗਿਆ 1999 ਦਾ ਪਾਰਟੀ ਸੰਵਿਧਾਨ ਮੁੱਦਿਆਂ ’ਤੇ ਫੈਸਲਾ ਲੈਣ ਲਈ ਇਕ ਜਾਇਜ਼ ਸੰਵਿਧਾਨ ਸੀ ਅਤੇ ਠਾਕਰੇ ਸਮੂਹ ਦੀ ਇਹ ਦਲੀਲ ਕਿ 2018 ਦੇ ਸੋਧੇ ਹੋਏ ਸੰਵਿਧਾਨ ’ਤੇ ਭਰੋਸਾ ਕੀਤਾ ਜਾਣਾ ਚਾਹੀਦਾ ਹੈ, ਮਨਜ਼ੂਰ ਨਹੀਂ ਕੀਤਾ ਜਾ ਸਕਦਾ। ਉਨ੍ਹਾਂ ਕਿਹਾ ਕਿ 1999 ਦੇ ਸੰਵਿਧਾਨ ਨੇ ‘ਕੌਮੀ ਕਾਰਜਕਾਰੀ‘ ਨੂੰ ਸਰਵਉੱਚ ਸੰਸਥਾ ਬਣਾਇਆ ਸੀ।
ਸ਼ਿਵ ਸੈਨਾ ਵਿਧਾਇਕਾਂ ਦੀ ਅਯੋਗਤਾ ਪਟੀਸ਼ਨ ’ਤੇ ਸਪੀਕਰ ਦੇ ਫੈਸਲੇ ਤੋਂ ਬਾਅਦ ਸ਼ਿੰਦੇ ਨੇ ਕਿਹਾ, ‘‘ਲੋਕਤੰਤਰ ’ਚ ਬਹੁਮਤ ਮਹੱਤਵਪੂਰਨ ਹੈ ਅਤੇ ਸਾਡੇ ਕੋਲ ਇਹ ਹੈ।’’ ਦੂਜੇ ਪਾਸੇ ਸਪੀਕਰ ਵਲੋਂ ਏਕਨਾਥ ਸ਼ਿੰਦੇ ਦੀ ਅਗਵਾਈ ਵਾਲੇ ਧੜੇ ਨੂੰ ‘ਅਸਲੀ’ ਸ਼ਿਵ ਸੈਨਾ ਦੱਸੇ ਜਾਣ ਤੋਂ ਬਾਅਦ ਊਧਵ ਠਾਕਰੇ ਨੇ ਕਿਹਾ ਕਿ ਲੋਕਤੰਤਰ ਦਾ ਕਤਲ ਅਤੇ ਸੁਪਰੀਮ ਕੋਰਟ ਦਾ ਅਪਮਾਨ ਹੈ।
(For more Punjabi news apart from Eknath Shinde Faction Is The Real Shiv Sena, stay tuned to Rozana Spokesman)
