ਇਕ ਪਾਸੇ ਤਾਂ ਪਰੀਰਕਰ ਦੀ ਸਿਹਤ ਨਹੀਂ ਠੀਕ ਉਥੇ ਹੀ ਦੂਜੇ ਪਾਸੇ ਸਰਕਾਰ ਤੇ ਵੀ ਸੰਕਟ ਵਧਦਾ ਜਾ ਰਿਹਾ ਹੈ।
ਗੋਆ, ( ਪੀਟੀਆਈ) : ਗੋਆ ਦੇ ਮੁਖ ਮੰਤਰੀ ਮਨੋਹਰ ਪਰੀਰਕਰ ਐਤਵਾਰ ਨੂੰ ਨਵੀਂ ਦਿੱਲੀ ਤੋਂ ਅਪਣੇ ਗ੍ਰਹਿ ਨਿਵਾਸ ਗੋਆ ਵਾਪਿਸ ਆ ਗਏ ਹਨ। ਇਕ ਪਾਸੇ ਤਾਂ ਪਰੀਰਕਰ ਦੀ ਸਿਹਤ ਨਹੀਂ ਠੀਕ ਉਥੇ ਹੀ ਦੂਜੇ ਪਾਸੇ ਸਰਕਾਰ ਤੇ ਵੀ ਸੰਕਟ ਵਧਦਾ ਜਾ ਰਿਹਾ ਹੈ। ਪਰੀਰਕਰ ਨੂੰ ਐਂਬੂਲੈਂਸ ਰਾਂਹੀ ਡੋਨਾ ਪਾਲਾ ਵਿਖੇ ਉਨ੍ਹਾਂ ਦੇ ਘਰ ਲਿਆਂਦਾ ਗਿਆ। ਪਰੀਰਕਰ ਨੂੰ 15 ਸੰਤਬਰ ਨੂੰ ਦਿੱਲੀ ਦੇ ਏਮਸ ਵਿਖੇ ਭਰਤੀ ਕਰਵਾਇਆ ਗਿਆ ਸੀ। ਉਨ੍ਹਾਂ ਦੀ ਸਿਹਤ ਨਾ ਠੀਕ ਹੋਣ ਕਾਰਨ ਰਾਜ ਦੇ ਕੰਮਕਾਜ ਤੇ ਪੈਂਦੇ ਅਸਰ ਨੂੰ ਵੇਖਦੇ ਹੋਏ ਵਿਰੋਧੀ ਧਿਰ ਦਾ ਹਮਲਾ ਲਗਾਤਾਰ ਤੇਜ਼ ਹੁੰਦਾ ਜਾ ਰਿਹਾ ਹੈ।
ਪਰੀਰਕਰ ਨੇ ਇਹ ਸੁਨਿਸ਼ਚਿਤ ਕਰਨ ਲਈ ਏਮਸ ਹਸਪਤਾਲ ਵਿਖੇ ਹੀ ਪਾਰਟੀ ਦੀ ਗੋਆ ਇਕਾਈ ਦੀ ਕੋਰ ਕਮੇਟੀ ਨਾਲ ਬੈਠਕ ਕੀਤੀ ਸੀ ਤਾਂ ਕਿ ਉਨ੍ਹਾਂ ਦੀ ਗੈਰ ਹਾਜ਼ਰੀ ਦੌਰਾਨ ਸਰਕਾਰੀ ਕੰਮਕਾਜ ਸੁਚਾਰੂ ਢੰਗ ਨਾਲ ਮੁਕੰਮਲ ਕੀਤੇ ਜਾ ਸਕਣ। ਪਰੀਰਕਰ ਨਾਲ ਵੱਖ-ਵੱਖ ਮੁਲਾਕਾਤਾਂ ਕਰਨ ਵਾਲੇ ਸੱਤਾਧਾਰੀ ਭਾਜਪਾ ਅਤੇ ਉਸਦੇ ਸਹਿਯੋਗੀ ਦਲਾਂ ਦੇ ਨੇਤਾਵਾਂ ਨੇ ਇਸ ਤੱਟਵਰਤੀ ਰਾਜ ਦੀ ਅਗਵਾਈ ਵਿਚ ਬਦਲਾਅ ਕਰਨ ਤੋ ਇਨਕਾਰ ਕਰ ਦਿਤਾ ਸੀ। ਕੋਰ ਕਮੇਟੀ ਗੋਆ ਵਿਚ ਪਾਰਟੀ ਦੇ ਫੈਸਲੇ ਕਰਨ ਵਾਲੀ ਇਕ ਮੁਖ ਕਮੇਟੀ ਹੈ।
ਜਿਸ ਵਿਚ ਪਰੀਰਕਰ, ਪ੍ਰਦੇਸ਼ ਮੁਖੀ ਵਿਨਯ ਤੰਦੁਲਕਰ ਅਤੇ ਨਾਈਕ ਆਦਿ ਹਨ। ਭਾਜਪਾ ਕੋਰ ਕਮੇਟੀ ਰਾਜ ਦੇ ਰਾਜਨੀਤਕ ਹਾਲਾਂਤਾ ਦੀ ਸਮੀਖਿਆ ਕਰੇਗੀ। ਗੋਆ ਫਾਰਵਰਡ ਦੇ ਉਪ ਮੁਖੀ ਟਰਾਜਨੋ ਡਿਮੇਲੋ ਨੇ ਰਾਜ ਵਿਚ ਮੱਛੀ ਮਾਫੀਆ ਦਾ ਖੁੱਲਾ ਸਮਰਥਨ ਕਰਨ ਲਈ ਭਾਜਪਾ ਦੀ ਅਗਵਾਈ ਵਾਲੀ ਸਰਕਾਰ ਤੇ ਦੋਸ਼ ਲਗਾਉਂਦੇ ਹੋਏ ਪਾਰਟੀ ਤੋਂ ਅਸਤੀਫਾ ਦੇ ਦਿਤਾ। ਡਿਮੇਲੋ ਨੇ ਕਿਹਾ ਕਿ ਸਰਕਾਰ ਜੋ ਕਿ ਮੱਛੀ ਮਾਫੀਆ ਦਾ ਸਮਰਥਨ ਕਰ ਰਹੀ ਹੈ, ਜੋ ਮੱਛੀਆਂ ਨੂੰ ਸੁਰੱਖਿਅਤ ਰੱਖਣ ਲਈ ਫਾਰਮਿਲਿਨ ਦੀ ਵਰਤੋਂ ਕਰਦੇ ਹਨ ਅਤੇ ਰਾਜ ਵਿਚ ਉਨ੍ਹਾਂ ਮੱਛੀਆਂ ਨੂੰ ਵੇਚਦੇ ਹਨ।
ਜ਼ਿਕਰਯੋਗ ਹੈ ਕਿ ਪਰੀਰਕਰ ਫਰਵਰੀ ਮਹੀਨੇ ਤੋਂ ਹੀ ਬੀਮਾਰ ਹਨ। ਗੋਆ ਵਿਚ 40 ਮੈਂਬਰੀ ਵਿਧਾਨਸਭਾ ਵਿਚ ਪਰੀਰਕਰ ਦੀ ਅਗਵਾਈ ਵਾਲੀ ਸਰਕਾਰ ਨੂੰ 23 ਵਿਧਾਇਕਾਂ ਦਾ ਸਮਰਥਨ ਹਾਸਲ ਹੈ। ਇਸ ਵਿਚ ਭਾਜਪਾ ਦੇ 14, ਗੋਆ ਫਾਰਵਰਡ ਪਾਰਟੀ ਅਤੇ ਮਹਾਰਾਸ਼ਟਰਾ ਗੋਮਾਂਤਕ ਪਾਰਟੀ ਦੇ ਤਿੰਨ-ਤਿੰਨ ਵਿਧਾਇਕ ਅਤੇ ਤਿੰਨ ਸੁੰਤਤਰ ਵਿਧਾਇਕ ਹਨ। ਵਿਰੋਧੀ ਧਿਰ ਕਾਂਗਰਸ 16 ਵਿਧਾਇਕਾਂ ਨਾਲ ਵਿਧਾਨਸਭਾ ਵਿਚ ਸਭ ਤੋਂ ਵੱਡਾ ਦਲ ਹੈ। ਹੁਣ ਗੋਆ ਫਾਰਵਰਡ ਪਾਰਟੀ ਕੋਲ 2 ਹੀ ਵਿਧਾਇਕ ਬਚੇ ਹਨ। ਅਜਿਹੇ ਵਿਚ ਭਾਜਪਾ ਕੋਲ ਹੁਣ 22 ਵਿਧਾਇਕਾਂ ਦਾ ਸਮਰਥਨ ਬਚਿਆ ਹੈ।