Chikkaballapura News : ਕਿਹਾ ਕਿ ਆਪਣੇ ਪਰਵਾਰ ਦਾ ਪਾਲਣ-ਪੋਸਣ ਕਰਨ ਲਈ ਮਿਹਨਤ, ਚੁਨੌਤੀਆਂ ਨਾਲ ਨਜਿੱਠਦੇ ਹੋ ਇਹ ਮੈਂ ਆਪਣੇ ਘਰ ’ਚ ਵੀ ਵੇਖਿਆ
Chikkaballapura News : ਚਿੱਕਬੱਲਾਪੁਰ -(ਕਰਨਾਟਕ) ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸਨਿਚਰਵਾਰ ਨੂੰ ਕਿਹਾ ਕਿ ਦੇਸ਼ ਅਤੇ ਦੁਨੀਆਂ ਦੇ ਸ਼ਕਤੀਸ਼ਾਲੀ ਲੋਕ ਉਨ੍ਹਾਂ ਨੂੰ ਸੱਤਾ ਤੋਂ ਹਟਾਉਣ ਲਈ ਇਕੱਠੇ ਹੋ ਗਏ ਹਨ। ਇੱਥੇ ਇਕ ਰੈਲੀ ਨੂੰ ਸੰਬੋਧਨ ਕਰਦਿਆਂ ਉਨ੍ਹਾਂ ਕਿਹਾ, ‘‘ਮਾਵਾਂ-ਭੈਣਾਂ ਵੱਡੀ ਗਿਣਤੀ ’ਚ ਇੱਥੇ ਆਈਆਂ ਹਨ। ਅਪਣੇ ਪਰਵਾਰ ਦਾ ਪਾਲਣ-ਪੋਸਣ ਕਰਨ ਲਈ ਜਿਸ ਮਿਹਨਤ, ਚੁਨੌਤੀਆਂ ਨਾਲ ਨਜਿੱਠਦੇ ਹੋ, ਮੋਦੀ ਨੇ ਇਹ ਅਪਣੇ ਘਰ ’ਚ ਵੀ ਵੇਖਿਆ ਹੈ।’’
ਇਹ ਵੀ ਪੜੋ:Delhi News : ਨਵੇਂ ਅਪਰਾਧਕ ਨਿਆਂ ਕਾਨੂੰਨ ਸਾਡੇ ਸਮਾਜ ਲਈ ਇਤਿਹਾਸਕ ਪਲ : ਚੀਫ਼ ਜਸਟਿਸ
ਉਨ੍ਹਾਂ ਕਿਹਾ, ‘‘ਦੇਸ਼ ਅਤੇ ਦੁਨੀਆਂ ਦੇ ਤਾਕਤਵਰ ਲੋਕ ਮੈਨੂੰ ਸੱਤਾ ਤੋਂ ਹਟਾਉਣ ਲਈ ਇਕਜੁਟ ਹੋ ਗਏ ਹਨ। ਇਹ ਨਾਰੀ ਸ਼ਕਤੀ ਅਤੇ ਮਾਂ ਸ਼ਕਤੀ ਦਾ ਆਸ਼ੀਰਵਾਦ ਹੈ, ਤੁਹਾਡੀ ਸੁਰੱਖਿਆ ਢਾਲ ਹੈ ਕਿ ਮੋਦੀ ਹਰ ਚੁਨੌਤੀ ਨਾਲ ਟਕਰਾ ਕੇ ਅੱਗੇ ਵਧ ਰਿਹਾ ਹੈ। ਭੈਣਾਂ-ਧੀਆਂ ਦੀ ਸੇਵਾ ਅਤੇ ਸੁਰੱਖਿਆ ਮੋਦੀ ਦੀ ਤਰਜੀਹ ਹੈ।’’
ਉਨ੍ਹਾਂ ਕਿਹਾ ਕਿ ਕੇਂਦਰ ਦੀ ਭਾਜਪਾ ਦੀ ਅਗਵਾਈ ਵਾਲੀ ਐਨ.ਡੀ.ਏ. ਸਰਕਾਰ ਨੇ 10 ਸਾਲਾਂ ’ਚ 10 ਕਰੋੜ ਔਰਤਾਂ ਨੂੰ ਸਵੈ-ਸਹਾਇਤਾ ਸਮੂਹਾਂ ਨਾਲ ਜੋੜਿਆ ਹੈ ਅਤੇ ਇਕ ਕਰੋੜ ਔਰਤਾਂ ਨੂੰ ‘ਲਖਪਤੀ ਦੀਦੀ’ ਬਣਾਇਆ ਹੈ।
ਇਹ ਵੀ ਪੜੋ:Amravati News :ਨਵਨੀਤ ਰਾਣਾ ਨੇ ‘‘ਨਚਨੀਆਂ’’ ਟਿੱਪਣੀ ਲਈ ਸੰਜੇ ਰਾਉਤ 'ਤੇ ਕੀਤਾ ਪਲਟਵਾਰ
ਚਿੱਕਬੱਲਾਪੁਰ ’ਚ ਸਾਬਕਾ ਮੰਤਰੀ ਕੇ ਸੁਧਾਕਰ ਭਾਜਪਾ ਦੇ ਉਮੀਦਵਾਰ ਹਨ ਜਦਕਿ ਉਸ ਦੀ ਸਹਿਯੋਗੀ ਜਨਤਾ ਦਲ (ਸੈਕੂਲਰ) ਨੇ ਗੁਆਂਢੀ ਕੋਲਾਰ ਸੀਟ ਤੋਂ ਐਮ. ਮਲੇਸ਼ ਬਾਬੂ ਨੂੰ ਮੈਦਾਨ ’ਚ ਉਤਾਰਿਆ ਹੈ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸ਼ੁਕਰਵਾਰ ਨੂੰ ਲੋਕ ਸਭਾ ਚੋਣਾਂ ਦੇ ਪਹਿਲੇ ਪੜਾਅ ’ਚ ਐਨ.ਡੀ.ਏ. ਦੇ ਹੱਕ ’ਚ ਵੋਟ ਪਈ ਅਤੇ ਭਾਰਤ ਦਾ ਵਿਕਾਸ ਹੋਇਆ। ਵਿਰੋਧੀ ਧਿਰ ‘ਇੰਡੀਆ’ ਗੱਠਜੋੜ ’ਤੇ ਨਿਸ਼ਾਨਾ ਸਾਧਦੇ ਹੋਏ ਉਨ੍ਹਾਂ ਕਿਹਾ ਕਿ ਇਸ ਦਾ ਕੋਈ ਨੇਤਾ ਨਹੀਂ ਹੈ ਅਤੇ ਨਾ ਹੀ ਭਵਿੱਖ ਲਈ ਕੋਈ ਦ੍ਰਿਸ਼ਟੀਕੋਣ ਹੈ ਅਤੇ ਉਨ੍ਹਾਂ ਦਾ ਇਤਿਹਾਸ ਘਪਲਿਆਂ ਨਾਲ ਭਰਿਆ ਪਿਆ ਹੈ। ਜੇ.ਡੀ. (ਐਸ) ਦੇ ਸੰਸਥਾਪਕ ਅਤੇ ਸਾਬਕਾ ਪ੍ਰਧਾਨ ਮੰਤਰੀ ਐਚ.ਡੀ. ਦੇਵਗੌੜਾ ਦੀ 90 ਸਾਲ ਦੀ ਉਮਰ ’ਚ ਊਰਜਾ ਦੀ ਪ੍ਰਸ਼ੰਸਾ ਕਰਦਿਆਂ ਮੋਦੀ ਨੇ ਕਿਹਾ ਕਿ ਉਹ ਉਨ੍ਹਾਂ ਤੋਂ ਪ੍ਰੇਰਣਾ ਲੈਂਦੇ ਹਨ।
ਇਹ ਵੀ ਪੜੋ:Delhi Building Collapse : ਦਿੱਲੀ ’ਚ ਵਾਪਿਰਆ ਵੱਡਾ ਹਾਦਸਾ ! ਉਸਾਰੀ ਦੌਰਾਨ ਤਿੰਨ ਮੰਜ਼ਿਲਾਂ ਇਮਾਰਤ ਹੋਈ ਢਹਿ ਢੇਰੀ
ਮੋਦੀ ਨੇ ਕਿਹਾ, ‘‘ਕਰਨਾਟਕ ਪ੍ਰਤੀ ਉਨ੍ਹਾਂ (ਦੇਵਗੌੜਾ) ਦੀ ਵਚਨਬੱਧਤਾ, ਅੱਜ ਰਾਜ ਲਈ ਉਨ੍ਹਾਂ ਦੇ ਦਿਲ ਦਾ ਦਰਦ ਅਤੇ ਉਨ੍ਹਾਂ ਦੀ ਆਵਾਜ਼ ’ਚ ਜਨੂੰਨ ਸੂਬੇ ਦੇ ਉੱਜਵਲ ਭਵਿੱਖ ਦਾ ਸਬੂਤ ਹੈ।’’ ਜੇ.ਡੀ. (ਐਸ) ਪਿਛਲੇ ਸਾਲ ਸਤੰਬਰ ’ਚ ਐਨ.ਡੀ.ਏ. ’ਚ ਸ਼ਾਮਲ ਹੋਈ ਸੀ। ਕਰਨਾਟਕ ’ਚ ਲੋਕ ਸਭਾ ਚੋਣਾਂ ਦੋ ਪੜਾਵਾਂ ’ਚ ਹੋਣਗੀਆਂ। ਸੂਬੇ ਦੇ ਦਖਣੀ ਹਿੱਸੇ ਦੀਆਂ 14 ਸੀਟਾਂ ਲਈ 26 ਅਪ੍ਰੈਲ ਨੂੰ ਵੋਟਾਂ ਪੈਣਗੀਆਂ, ਜਦਕਿ ਬਾਕੀ 14 ਸੀਟਾਂ (ਉੱਤਰੀ ਜ਼ੋਨ) ਲਈ 7 ਮਈ ਨੂੰ ਵੋਟਾਂ ਪੈਣਗੀਆਂ।
(For more news apart from powerful people country and world have united remove me from power: Modi News in Punjabi, stay tuned to Rozana Spokesman)
