ਕਿਹਾ, ਜੇਕਰ ਲੋਕ ਸਿਆਸੀ ਫਾਇਦੇ ਬਾਰੇ ਸੋਚਣ ਤੋਂ ਬਾਅਦ ਵੀ ਸੰਘ ਵਿਚ ਸ਼ਾਮਲ ਹੁੰਦੇ ਹਨ ਤਾਂ ਉਹ ਅਪਣੇ ਆਪ ਹੀ ਸੰਗਠਨ ਵਿਚ ਸ਼ਾਮਲ ਹੋਣ ਕਾਰਨ ਕੇ ਚੰਗਾ ਕੰਮ ਕਰਨਾ ਸ਼ੁਰੂ ਕਰ ਦਿੰਦੇ ਹਨ
ਮੁੰਬਈ : ਰਾਸ਼ਟਰੀ ਸਵੈਸੇਵਕ ਸੰਘ (RSS) ਦੇ ਸੀਨੀਅਰ ਅਹੁਦੇਦਾਰ ਸੁਨੀਲ ਅੰਬੇਕਰ ਨੇ ਬੁਧਵਾਰ ਨੂੰ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਪ੍ਰਧਾਨ ਜੇ.ਪੀ. ਨੱਢਾ ਦੀ ਉਸ ਟਿਪਣੀ ਨੂੰ ਬਿਆਨ ਕੀਤਾ, ਜਿਸ ’ਚ ਉਨ੍ਹਾਂ ਨੇ ਕਿਹਾ ਸੀ ਕਿ ਭਾਜਪਾ ਉਸ ਦੌਰ ਤੋਂ ਅੱਗੇ ਵਧ ਗਈ ਹੈ, ਜਦੋਂ ਉਸ ਨੂੰ RSS ਦੀ ਜ਼ਰੂਰਤ ਸੀ।
ਇਹ ਪੁੱਛੇ ਜਾਣ ’ਤੇ ਕਿ ਕੀ ਨੱਢਾ ਦੀ ਟਿਪਣੀ ਨੇ ਭਾਜਪਾ ਅਤੇ RSS ਵਿਚਾਲੇ ਮਤਭੇਦ ਪੈਦਾ ਕੀਤਾ ਹੈ, RSS ਦੇ ਅਖਿਲ ਭਾਰਤੀ ਪ੍ਰਚਾਰ ਪ੍ਰਮੁੱਖ ਅੰਬੇਕਰ ਨੇ ਕਿਹਾ, ‘‘ਅਸੀਂ ਪਰਵਾਰਕ ਮਾਮਲਿਆਂ ਨੂੰ ਪਰਵਾਰਕ ਮਾਮਲਿਆਂ ਵਾਂਗ ਲੈਂਦੇ ਹਾਂ। ਅਸੀਂ ਜਨਤਕ ਮੰਚਾਂ ’ਤੇ ਅਜਿਹੇ ਮੁੱਦਿਆਂ ’ਤੇ ਚਰਚਾ ਨਹੀਂ ਕਰਦੇ।’’
ਮਈ ’ਚ ਇਕ ਮੀਡੀਆ ਇੰਟਰਵਿਊ ’ਚ ਨੱਢਾ ਨੇ ਕਿਹਾ ਸੀ ਕਿ ਭਾਜਪਾ ਉਸ ਯੁੱਗ ਤੋਂ ਅੱਗੇ ਵਧ ਗਈ ਹੈ ਜਦੋਂ ਉਸ ਨੂੰ ਆਰ.ਐਸ.ਐਸ. ਦੀ ਲੋੜ ਸੀ ਅਤੇ ਹੁਣ ਉਹ ਸਮਰੱਥ ਹੈ ਅਤੇ ਅਪਣੇ ਆਪ ਨੂੰ ਚਲਾਉਂਦੀ ਹੈ। ਉਨ੍ਹਾਂ ਕਿਹਾ ਸੀ ਕਿ RSS ਇਕ ‘ਵਿਚਾਰਧਾਰਕ ਮੋਰਚਾ’ ਹੈ ਅਤੇ ਅਪਣੇ ਆਪ ਚਲਦਾ ਹੈ।
ਅੰਬੇਕਰ ਨੇ ਇੱਥੇ ਇੰਡੀਆ ਟੂਡੇ ਕਾਨਕਲੇਵ ਨੂੰ ਸੰਬੋਧਨ ਕਰਦਿਆਂ ਕਿਹਾ, ‘‘ਜੇਕਰ ਲੋਕ ਸਿਆਸੀ ਫਾਇਦੇ ਬਾਰੇ ਸੋਚਣ ਤੋਂ ਬਾਅਦ ਵੀ ਸੰਘ ਵਿਚ ਸ਼ਾਮਲ ਹੁੰਦੇ ਹਨ ਤਾਂ ਉਹ ਅਪਣੇ ਆਪ ਹੀ ਸੰਗਠਨ ਵਿਚ ਸ਼ਾਮਲ ਹੋ ਕੇ ਚੰਗਾ ਕੰਮ ਕਰਨਾ ਸ਼ੁਰੂ ਕਰ ਦਿੰਦੇ ਹਨ।’’
ਅੰਬੇਕਰ ਨੇ ਕਿਹਾ ਕਿ ਹਰ ਰੋਜ਼ ਬਹੁਤ ਸਾਰੇ ਲੋਕ ਆਰ.ਐਸ.ਐਸ. ’ਚ ਸ਼ਾਮਲ ਹੁੰਦੇ ਹਨ ਜੋ ਚੰਗਾ ਕੰਮ ਕਰਨਾ ਚਾਹੁੰਦੇ ਹਨ। ਆਈ.ਟੀ. ਸੈਕਟਰ ਦੇ ਬਹੁਤ ਸਾਰੇ ਲੋਕ ਵੀ ਆਰ.ਐਸ.ਐਸ. ’ਚ ਸ਼ਾਮਲ ਹੁੰਦੇ ਹਨ ਕਿਉਂਕਿ ਉਹ ਦੂਜਿਆਂ ਦੀ ਸੇਵਾ ਕਰਨ ਦੀ ਜ਼ਰੂਰਤ ਮਹਿਸੂਸ ਕਰਦੇ ਹਨ।
