ਚੋਣ ਮੈਦਾਨਾਂ ਵਿਚ ਪਾਰਟੀ ਦੀ ਹਾਰ ਦੇ ਕਾਰਨਾਂ ’ਤੇ ਕੀਤੀ ਚਰਚਾ
ਨਵੀਂ ਦਿੱਲੀ: ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨੇ ਸਨਿਚਰਵਾਰ ਨੂੰ ਪਾਰਟੀ ਪ੍ਰਧਾਨ ਮਲਿਕਾਰਜੁਨ ਖੜਗੇ ਨਾਲ ਮੁਲਾਕਾਤ ਕੀਤੀ ਅਤੇ ਉਨ੍ਹਾਂ ਨਾਲ ਬਿਹਾਰ ਦੇ ਸਿਆਸੀ ਦ੍ਰਿਸ਼ ਉਤੇ ਚਰਚਾ ਕੀਤੀ, ਜਿੱਥੇ ਹਾਲ ਹੀ ’ਚ ਹੋਈਆਂ ਵਿਧਾਨ ਸਭਾ ਚੋਣਾਂ ’ਚ ਪਾਰਟੀ ਨੂੰ ਬੁਰੀ ਤਰ੍ਹਾਂ ਹਾਰ ਮਿਲੀ ਸੀ। ਸੂਤਰਾਂ ਨੇ ਦਸਿਆ ਕਿ ਗਾਂਧੀ ਖ਼ੁਦ ਖੜਗੇ ਦੀ ਰਿਹਾਇਸ਼ ਉਤੇ ਗਏ ਜਿੱਥੇ ਉਹ ਬਿਹਾਰ ਦੇ ਨੇਤਾਵਾਂ ਨੂੰ ਵੀ ਮਿਲੇ। ਬੈਠਕ ਦੌਰਾਨ ਬਿਹਾਰ ਲਈ ਪਾਰਟੀ ਇੰਚਾਰਜ ਕ੍ਰਿਸ਼ਨਾ ਅਲਾਵਰੂ ਅਤੇ ਪਾਰਟੀ ਦੇ ਸੂਬਾ ਪ੍ਰਧਾਨ ਰਾਜੇਸ਼ ਰਾਮ ਵੀ ਮੌਜੂਦ ਸਨ।
ਇਸ ਤੋਂ ਪਹਿਲਾਂ ਗਾਂਧੀ ਅਤੇ ਖੜਗੇ ਨੇ ਇੰਦਰਾ ਭਵਨ ਵਿਖੇ ਬਿਹਾਰ ਦੇ ਨੇਤਾਵਾਂ ਅਤੇ ਚੋਣ ਲੜ ਰਹੇ ਸਾਰੇ ਉਮੀਦਵਾਰਾਂ ਨਾਲ ਵੀ ਮੁਲਾਕਾਤ ਕੀਤੀ ਸੀ ਤਾਂ ਜੋ ਚੋਣ ਮੈਦਾਨਾਂ ਵਿਚ ਪਾਰਟੀ ਦੀ ਹਾਰ ਦੇ ਕਾਰਨਾਂ ਦਾ ਪਤਾ ਲਗਾਇਆ ਜਾ ਸਕੇ। ਮੰਨਿਆ ਜਾ ਰਿਹਾ ਹੈ ਕਿ ਉਮੀਦਵਾਰਾਂ ਨੇ ਐਨ.ਡੀ.ਏ. ਦੀ ਔਰਤਾਂ ਲਈ 10,000 ਰੁਪਏ ਦੀ ਪ੍ਰੋਤਸਾਹਨ ਯੋਜਨਾ, ਬਿਹਾਰ ਕਾਂਗਰਸ ਦੇ ਅੰਦਰੂਨੀ ਝਗੜੇ ਅਤੇ ਮਤਭੇਦਾਂ ਨਾਲ ਪਾਰਟੀ ਵਲੋਂ ਟਿਕਟਾਂ ਦੀ ਦੇਰੀ ਨਾਲ ਵੰਡ ਨੂੰ ਚੋਣਾਂ ਵਿਚ ਹਾਰ ਦੇ ਕੁੱਝ ਕਾਰਨ ਦਸਦੇ ਹਨ।
