ਕਿਸਾਨ ਅੰਦੋਲਨ: ਪਛਮੀ ਉੱਤਰ ਪ੍ਰਦੇਸ਼ 'ਚ ਤੀਜੀ ਮਹਾਂਪੰਚਾਇਤ, ਹਜ਼ਾਰਾਂ ਲੋਕ ਹੋਏ ਇਕੱਠੇ 

ਬਾਗਪਤ (ਉੱਤਰ ਪ੍ਰਦੇਸ਼), 31 ਜਨਵਰੀ : ਦਿੱਲੀ ਦੀਆਂ ਸਰਹੱਦਾਂ 'ਤੇ ਤਿੰਨ ਨਵੇਂ ਖੇਤੀਬਾੜੀ ਕਾਨੂੰਨਾਂ ਵਿਰੁਧ ਕਿਸਾਨਾਂ ਦੇ ਵਿਰੋਧ ਪ੍ਰਦਰਸ਼ਨ ਦਾ ਵਿਸਤਾਰ ਹੁਣ ਪਛਮੀ ਉੱਤਰ ਪ੍ਰਦੇਸ਼ ਵਿਚ ਵੀ ਹੁੰਦਾ ਦਿਖ ਰਿਹਾ ਹੈ | ਜਿਥੇ ਐਤਵਾਰ ਨੂੰ ਬਾਗਪਤ ਵਿਚ ਹੋਈ ਮਹਾਂਪੰਚਾਇਤ ਵਿਚ ਹਜ਼ਾਰਾਂ ਲੋਕ ਸ਼ਾਮਲ ਹੋਏ | ਇਸ ਇਲਾਕੇ ਵਿਚ ਤਿੰਨ ਦਿਨਾਂ ਅੰਦਰ ਇਹ ਤੀਸਰਾ ਸਮਾਗਮ ਸੀ |
ਇਥੇ ਤਹਿਸੀਲ ਮੈਦਾਨ ਵਿਚ ਹੋਈ 'ਸਰਵ ਖਾਪ ਪੰਚਾਇਤ' ਵਿਚ ਨੇੜਲੇ ਜ਼ਿਲਿ੍ਹਆਂ ਤੋਂ ਟਰੈਕਟਰ-ਟਰਾਲੀਆਂ ਭਰ ਕੇ ਕਿਸਾਨ ਵੱਡੀ ਗਿਣਤੀ ਵਿਚ ਪਹੁੰਚੇ | ਬਹੁਤ ਸਾਰੇ ਟਰੈਕਟਰਾਂ 'ਤੇ ਸੰਗੀਤ ਉੱਚੀ ਆਵਾਜ਼ ਵਿਚ ਵਜਾ ਰਿਹਾ ਸੀ ਅਤੇ ਬਹੁਤ ਸਾਰੇ ਲੋਕਾਂ 'ਤੇ ਤਿਰੰਗੇ ਦੇ ਨਾਲ-ਨਾਲ ਕਿਸਾਨ ਜਥੇਬੰਦੀਆਂ ਦਾ ਝੰਡਾ ਵੀ ਲਗਾਇਆ ਗਿਆ ਸੀ |
ਸ਼ੁਕਰਵਾਰ ਨੂੰ ਮੁਜ਼ੱਫਰਨਗਰ ਅਤੇ ਸਨਿਚਰਵਾਰ ਨੂੰ ਮਥੁਰਾ ਤੋਂ ਬਾਅਦ ਇਸ ਖੇਤਰ ਵਿਚ ਕਿਸਾਨਾਂ ਦੀ ਇਹ ਤੀਜੀ ਮਹਾਂ ਪੰਚਾਇਤ ਸੀ | ਮੁਜ਼ੱਫਰਨਗਰ ਅਤੇ ਮਥੁਰਾ ਵਿਚ ਹੋਈ ਮਹਾਂਪੰਚਾਇਤ ਨੇ ਭਾਰਤੀ ਕਿਸਾਨ ਯੂਨੀਅਨ (ਬੀ.ਕੇ.ਯੂ.) ਵਲੋਂ ਗਾਜੀਪੁਰ ਸਰਹੱਦ 'ਤੇ ਤਿੰਨ ਨਵੇਂ ਖੇਤੀਬਾੜੀ ਕਾਨੂੰਨਾਂ ਵਿਰੁਧ ਕੀਤੇ ਵਿਰੋਧ ਪ੍ਰਦਰਸ਼ਨ ਦਾ ਸਮਰਥਨ ਪ੍ਰਗਟ ਕੀਤਾ | ਬਾਕੀਯੂ ਨੇਤਾ ਰਾਜਿੰਦਰ ਚੌਧਰੀ ਨੇ ਇਥੇ ਮੌਜੂਦ ਲੋਕਾਂ ਨੂੰ ਕਿਹਾ ਕਿ ਅੰਦੋਲਨ ਪੂਰੇ ਜ਼ੋਰ ਨਾਲ ਜਾਰੀ ਰੱਖਣਾ ਚਾਹੀਦਾ ਹੈ |
ਪ੍ਰੋਗਰਾਮ ਵਿਚ ਸ਼ਾਮਲ ਹੋਏ ਬੜੌਤ ਦੇ ਇਕ ਸਥਾਨਕ ਨਿਵਾਸੀ ਨੇ ਪੀਟੀਆਈ-ਭਾਸ਼ਾ ਨੂੰ ਦਸਿਆ ਕਿ ਬਾਗਪਤ ਜ਼ਿਲ੍ਹੇ ਵਿਚ ਖੇਤੀਬਾੜੀ ਕਾਨੂੰਨਾਂ ਦਾ ਵਿਰੋਧ ਕਰ ਰਹੇ ਕਿਸਾਨਾਂ ਵਿਰੁਧ ਪੁਲਿਸ ਵਲੋਂ ਕੀਤੀ ਕਾਰਵਾਈ ਬਾਰੇ ਵੀ 26 ਜਨਵਰੀ ਨੂੰ ਮਹਾਂਪੰਚਾਇਤ ਵਿਚ ਵਿਚਾਰ ਵਟਾਂਦਰੇ ਹੋਏ ਸਨ |
ਐਤਵਾਰ ਨੂੰ ਹੋਈ 'ਸਰਵ ਖਾਪ ਮਹਾਂਪੰਚਾਇਤ' ਵਿਖੇ ਪਹੁੰਚੇ ਪ੍ਰਮੁੱਖ ਖੇਤਰੀ ਕਿਸਾਨ ਨੇਤਾਵਾਂ ਵਿਚ ਦੇਸ਼ ਖਾਪ ਦੇ ਚੌਧਰੀ ਸੁਰੇਂਦਰ ਸਿੰਘ ਅਤੇ ਚੌਬੀਸੀ ਖਾਪ ਦੇ ਚੌਧਰੀ ਸੁਭਾਸ਼ ਸਿੰਘ ਸ਼ਾਮਲ ਸਨ | (ਪੀਟੀਆਈ)
ਇਸ ਤੋਂ ਇਲਾਵਾ ਅਜੀਤ ਸਿੰਘ ਦੀ ਅਗਵਾਈ ਵਾਲੀ ਰਾਸ਼ਟਰੀ ਲੋਕ ਦਲ (ਆਰਐਲਡੀ) ਦੇ ਸਮਰਥਕ ਵੀ ਮਹਾਂਪੰਚਾਇਤ ਵਿਚ ਮੌਜੂਦ ਸਨ |  (ਪੀਟੀਆਈ)