Advertisement
  ਖ਼ਬਰਾਂ   ਪੰਜਾਬ  01 Jun 2020  ਕਤਲ ਕਰ ਕੇ ਸੁੱਟੇ ਨੌਜਵਾਨ ਦੀ ਲਾਸ਼ ਦੀ ਹੋਈ ਸ਼ਨਾਖ਼ਤ

ਕਤਲ ਕਰ ਕੇ ਸੁੱਟੇ ਨੌਜਵਾਨ ਦੀ ਲਾਸ਼ ਦੀ ਹੋਈ ਸ਼ਨਾਖ਼ਤ

ਸਪੋਕਸਮੈਨ ਸਮਾਚਾਰ ਸੇਵਾ
Published Jun 1, 2020, 6:41 am IST
Updated Jun 1, 2020, 6:41 am IST
ਬੀਤੇ ਕਲ ਸਵੇਰੇ ਸਥਾਨਕ ਕਪਾਹ ਮੰਡੀ ਨਜ਼ਦੀਕ ਸਥਿਤ 80 ਫੁੱਟੀ ਸੜਕ ਦੇ ਕਿਨਾਰ ਤੋਂ  ਬਰਾਮਦ ਹੋਈ ਇਕ ਅਗਿਆਤ ਨੌਜਵਾਨ ਦੀ ਲਾਸ਼ ਦੀ ਅੱਜ ਪਹਿਚਾਣ ਹੋ ਗਈ।
File Photo
 File Photo

ਬਠਿੰਡਾ, 31 ਮਈ (ਸੁਖਜਿੰਦਰ ਮਾਨ): ਬੀਤੇ ਕਲ ਸਵੇਰੇ ਸਥਾਨਕ ਕਪਾਹ ਮੰਡੀ ਨਜ਼ਦੀਕ ਸਥਿਤ 80 ਫੁੱਟੀ ਸੜਕ ਦੇ ਕਿਨਾਰ ਤੋਂ  ਬਰਾਮਦ ਹੋਈ ਇਕ ਅਗਿਆਤ ਨੌਜਵਾਨ ਦੀ ਲਾਸ਼ ਦੀ ਅੱਜ ਪਹਿਚਾਣ ਹੋ ਗਈ। ਮ੍ਰਿਤਕ ਹਰਪ੍ਰੀਤ ਸਿੰਘ (26) ਪੁੱਤਰ ਨਿਰਮਲ ਸਿੰਘ ਜ਼ਿਲ੍ਹਾ ਮਾਨਸਾ ਦੇ ਥਾਣਾ ਜੋੜਕੀਆ ਅਧੀਨ ਪੈਂਦੇ ਪਿੰਡ ਉਲਕ ਦਾ ਰਹਿਣ ਵਾਲਾ ਦਸਿਆ ਜਾ ਰਿਹਾ ਹੈ। ਪੁਲਿਸ ਅਧਿਕਾਰੀਆਂ ਮੁਤਾਬਕ ਮਜ੍ਹਬੀ ਸਿੱਖ ਜਾਤੀ ਨਾਲ ਸਬੰਧ ਰੱਖਦਾ ਮ੍ਰਿਤਕ ਨੌਜਵਾਨ ਹਾਲੇ ਤਕ ਅਣਵਿਆਹਿਆ ਸੀ ਜਦੋਂ ਕਿ ਉਸ ਦਾ ਛੋਟਾ ਭਰਾ ਵਿਆਹਿਆ ਹੋਇਆ ਹੈ।

File photoFile photo

ਉਸ ਦੇ ਕੰਮਕਾਜ ਬਾਰੇ ਵੀ ਕੁਝ ਜ਼ਿਆਦਾ ਪਤਾ ਨਹੀਂ ਚੱਲ ਸਕਿਆ। ਮਾਮਲੇ ਦੀ ਪੁਸ਼ਟੀ ਕਰਦਿਆਂ ਥਾਣਾ ਕੋਤਵਾਲੀ ਦੇ ਐਸ.ਐਚ.ਓ. ਇੰਸਪੈਕਟਰ ਦਵਿੰਦਰ ਸਿੰਘ ਨੇ ਦਸਿਆ ਕਿ ਪਹਿਚਾਣ ਤੋਂ ਬਾਅਦ ਕਾਤਲਾਂ ਦਾ ਪਤਾ ਲਗਾਇਆ ਜਾ ਰਿਹਾ। ਪੁਲਿਸ ਸੂਤਰਾਂ ਨੇ ਖੁਲਾਸਾ ਕੀਤਾ ਹੈ ਕਿ ਮਾਮਲਾ ਨਾਜਾਇਜ਼ ਸਬੰਧਾਂ ਦਾ ਜਾਪਦਾ ਹੈ ਪ੍ਰੰਤੂ ਹਾਲੇ ਕੁੱਝ ਨਹੀਂ ਕਿਹਾ ਜਾ ਸਕਦਾ। ਦਸਣਾ ਬਣਦਾ ਹੈ ਕਿ ਪੁਲਿਸ ਨੇ ਲਾਸ਼ ਮਿਲਣ ਤੋਂ ਬਾਅਦ ਅਪਣੇ ਵਲੋਂ ਅਗਿਆਤ ਵਿਅਕਤੀਆਂ ਵਿਰੁਧ ਕਤਲ ਦਾ ਮਾਮਲਾ ਦਰਜ ਕਰ ਕੇ ਪੜਤਾਲ ਸ਼ੁਰੂ ਕਰ ਦਿਤੀ ਹੋਈ ਹੈ।

ਜ਼ਿਕਰਯੋਗ ਹੈ ਕਿ ਮ੍ਰਿਤਕ ਨੌਜਵਾਨ ਦਾ ਕਤਲ ਗੁੱਝੀਆਂ ਸੱਟਾਂ ਮਾਰ ਕੇ ਕੀਤਾ ਹੈ। ਮ੍ਰਿਤਕ ਦੀ ਬਾਂਹ, ਪੱਟ ਤੇ ਸਿਰ ਉਪਰ ਕਾਫ਼ੀ ਸੱਟਾਂ ਦੇ ਨਿਸ਼ਾਨ ਹਨ। ਮੁਢਲੀ ਪੜਤਾਲ ਮੁਤਾਬਕ ਪੁਲਿਸ ਅਧਿਕਾਰੀਆਂ ਨੂੰ ਲੱਗਦਾ ਹੈ ਕਿ ਨੌਜਵਾਨ ਦਾ ਕਤਲ ਕਿਸੇ ਹੋਰ ਥਾਂ ਕੀਤਾ ਗਿਆ ਹੈ ਪ੍ਰੰਤੂ ਬਾਅਦ ਵਿਚ ਰਾਤ ਸਮੇਂ ਲਾਸ਼ ਨੂੰ ਇੱਥੇ ਸੁੱਟਿਆ ਗਿਆ ਹੈ। ਹਾਲੇ ਤਕ ਸਿਰਫ਼ ਇੰਨ੍ਹਾਂ ਹੀ ਪਤਾ ਲਗਿਆ ਹੈ ਕਿ ਲਾਸ਼ ਨੂੰ ਛੋਟੇ ਹੱਥ ਉਪਰ ਲਿਆ ਕੇ ਇੱਥੇ ਸੁੱਟਿਆ ਗਿਆ ਹੈ। ਮ੍ਰਿਤਕ ਦੇ ਸਰੀਰ ਉਪਰ ਸਿਰਫ਼ ਇਕ ਟੀ-ਸਰਟ ਪਹਿਨੀ ਹੋਈ ਸੀ ਅਤੇ ਉਹ ਵੀ ਪੁੱਠੀ।



 



ਮ੍ਰਿਤਕ ਨੌਜਵਾਨ ਮਾਨਸਾ ਜ਼ਿਲ੍ਹੇ ਦੇ ਉਲਕ ਪਿੰਡ ਦਾ ਸੀ ਰਹਿਣ ਵਾਲਾ

Advertisement
Advertisement

 

Advertisement