ਅੰਮ੍ਰਿਤਸਰ, ਲੁਧਿਆਣਾ, ਪਟਿਆਲੇ ਹਿਮਾਚਲ ਦੇ ਸ਼ਿਮਲਾ, ਕੁਫਰੀ, ਧਰਮਸ਼ਾਲਾ ਅਤੇ ਡਲਹੌਜੀ ਨਾਲੋਂ ਵੱਧ ਠੰਡੇ ਸੀ।ਸ਼ਿਮਲਾ ਵਿੱਚ ਪਾਰਾ 6.8 ਡਿਗਰੀ ਸੀ।
ਚੰਡੀਗੜ੍ਹ: ਪੰਜਾਬ ਹੀ ਨਹੀਂ ਦੇਸ਼ ਭਰ ਵਿਚ ਠੰਡ ਨੇ ਪਿਛਲੇ 50 ਸਾਲਾਂ ਦਾ ਰਿਕਾਰਡ ਤੋੜ ਦਿੱਤਾ ਹੈ। ਪਿਛਲੇ 5 ਦਹਾਕਿਆਂ ਦੇ ਤਾਪਮਾਨ ਰਿਕਾਰਡ ਅਨੁਸਾਰ, 1970 ਵਿੱਚ 20 ਦਸੰਬਰ ਤੋਂ 7 ਜਨਵਰੀ ਦੇ ਵਿੱਚ, ਪੰਜਾਬ ਵਿੱਚ ਰਾਤ ਦਾ ਔਸਤਨ ਪਾਰਾ 2 ਡਿਗਰੀ ਤੱਕ ਪਹੁੰਚ ਗਿਆ ਸੀ।ਇਸ ਵਾਰ ਵੀ ਪਾਰਾ ਇਸੇ ਤਰ੍ਹਾਂ ਔਸਤਨ 2 ਡਿਗਰੀ ਦੇ ਨੇੜੇ ਪਹੁੰਚ ਗਿਆ ਹੈ। ਉੱਤਰੀ ਭਾਰਤ ਦੇ ਜ਼ਿਆਦਾਤਰ ਹਿੱਸਿਆਂ ਸ਼ੀਤ ਲਹਿਰ ਚੱਲਣ ਨਾਲ ਕਾਂਬਾ ਛਿੜਿਆ ਹੋਇਆ ਹੈ।
ਜਾਣੋ ਵੱਖ ਵੱਖ ਜਿਲ੍ਹਿਆਂ ਦਾ ਤਾਪਮਾਨ
-ਜ਼ਿਲ੍ਹਾ ਬਠਿੰਡਾ ਸਭ ਤੋਂ ਠੰਡਾ ਸੀ ਅਤੇ ਇਸ ਵਾਰ ਵੀ ਬਠਿੰਡਾ ਸਭ ਤੋਂ ਠੰਡਾ ਹੈ। ਬਠਿੰਡਾ ਵਿੱਚ ਰਾਤ ਦਾ ਤਾਪਮਾਨ -0.2 ਤੱਕ ਡਿੱਗ ਗਿਆ, ਜਦੋਂਕਿ ਦਿਨ ਦਾ ਤਾਪਮਾਨ 17.4 ਡਿਗਰੀ ਰਿਕਾਰਡ ਕੀਤਾ ਗਿਆ।
- ਅਗਲੇ 3 ਦਿਨ ਮਾਝਾ, ਮਾਲਵਾ ਅਤੇ ਪੂਰੇ ਦੁਆਬੇ ਵਿੱਚ ਕੜਾਕੇ ਦੀ ਠੰਢ ਪੈਣ ਵਾਲੀ ਹੈ। ਦਿਨ ਵੇਲੇ ਸ਼ੀਤਲਹਿਰ ਜਾਰੀ ਰਹੇਗੀ ਅਤੇ ਰਾਤ ਨੂੰ ਤਾਪਮਾਨ ਔਸਤਨ 3 ਡਿਗਰੀ ਰਹੇਗਾ।ਇਸ ਸਾਲ 7 ਜਨਵਰੀ ਤੋਂ ਬਾਅਦ ਵੀ ਸਖ਼ਤ ਸਰਦੀ ਪਵੇਗੀ।
ਮੌਸਮ ਵਿਭਾਗ ਦੇ ਮੁਤਾਬਕ ਪੰਜਾਬ, ਹਰਿਆਣਾ, ਚੰਡੀਗੜ੍ਹ ਤੇ ਦਿੱਲੀ 'ਚ ਅਗਲੇ 24 ਘੰਟਿਆਂ ਦੌਰਾਨ ਸੀਤ ਲਹਿਰ ਦਾ ਪ੍ਰਕੋਪ ਜਾਰੀ ਰਹੇਗਾ। ਮੌਸਮ ਵਿਭਾਗ ਦੇ ਅਨੁਸਾਰ, 2 ਜਨਵਰੀ ਨੂੰ ਪੰਜਾਬ ਵਿੱਚ ਯੈਲੋ ਅਲਰਟ ਹੋਵੇਗਾ ਭਾਵ 1 ਜਨਵਰੀ ਨੂੰ ਜੋ ਮੌਸਮ ਰਿਹਾ ਹੈ, ਉਸੇ ਤਰ੍ਹਾਂ ਦਾ ਮੌਸਮ ਹੁਣ 2 ਜਨਵਰੀ ਨੂੰ ਵੀ ਚੁਣੌਤੀ ਬਣਿਆ ਰਹੇਗਾ। ਪਰ 3 ਜਨਵਰੀ ਨੂੰ ਪੰਜਾਬ ਵਿੱਚ ਕਈ ਥਾਵਾਂ ਤੇ ਮੀਂਹ ਪੈ ਸਕਦਾ ਹੈ। ਅੰਮ੍ਰਿਤਸਰ, ਲੁਧਿਆਣਾ, ਪਟਿਆਲੇ ਹਿਮਾਚਲ ਦੇ ਸ਼ਿਮਲਾ, ਕੁਫਰੀ, ਧਰਮਸ਼ਾਲਾ ਅਤੇ ਡਲਹੌਜੀ ਨਾਲੋਂ ਵੱਧ ਠੰਡੇ ਸੀ।ਸ਼ਿਮਲਾ ਵਿੱਚ ਪਾਰਾ 6.8 ਡਿਗਰੀ ਸੀ।
