PU auditorium
ਇਹ ਆਡੀਟੋਰੀਅਮ 1.4 ਲੱਖ ਸਕੁਏਅਰ ਫੁੱਟ ਏਰੀਏ ਵਿਚ ਤਿਆਰ ਹੋ ਰਿਹਾ ਹੈ।
ਚੰਡੀਗੜ੍ਹ - ਪੰਜਾਬ ਯੂਨੀਵਰਸਿਟੀ ਦੇ ਸਾਊਥ ਕੈਪਸ ਵਿਚ ਬਣ ਰਹੇ ਮਲਟੀਪਰਪਸ ਆਡੀਟੋਰੀਅਮ ਦਾ ਨਿਰਮਾਣ 13 ਸਾਲ ਤੋਂ ਪੂਰਾ ਨਹੀਂ ਹੋ ਸਕਿਆ। ਇਸ ਦਾ ਕੰਮ 80 ਫ਼ੀਸਦੀ 'ਤੇ ਆ ਕੇ ਰੁਕ ਗਿਆ ਹੈ। ਇਹ ਆਡੀਟੋਰੀਅਮ ਨਾਰਥ ਰੀਜ਼ਨ ਦਾ ਸਭ ਤੋਂ ਵੱਡਾ ਮਲਟੀਪਰਪਸ ਆਡੀਟੋਰੀਅਮ ਹੋਵੇਗਾ। ਇਸ ਦਾ ਕੰਮ ਪੂਰਾ ਹੋਣ 'ਤੇ 2500 ਤੋਂ ਜ਼ਿਆਦਾ ਲੋਕ ਇਕੋ ਸਮੇਂ ਇਕ ਹਾਲ ਵਿਚ ਹੋ ਰਹੇ ਕਿਸੇ ਪ੍ਰਗੋਰਾਮ ਵਿਚ ਹਿੱਸਾ ਲੈ ਸਕਣਗੇ।
ਇਸ ਆਡੀਟੋਰੀਅਮ ਦਾ ਨੀਂਹ ਪੱਧਰ ਸਾਬਕਾ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਨੇ ਰੱਖਿਆ ਸੀ ਤੇ ਇਸ ਦਾ ਨਿਰਮਾਣ 2009 ਵਿਚ ਸ਼ੁਰੂ ਹੋਇਆ ਸੀ। ਪਹਿਲਾ ਇਹ ਆਡੀਟੋਰੀਅਮ 40 ਕਰੋੜ ਰੁਪਏ ਦੀ ਕੀਮਤ ਨਾਲ ਬਣਨਾ ਸੀ ਪਰ ਹੁਣ ਕਿਹਾ ਜਾ ਰਿਹਾ ਹੈ ਕਿ ਇਸ 'ਤੇ ਹੁਣ 1 ਅਰਬ ਰੁਪਏ ਖਰਚ ਕੀਤੇ ਜਾਣਗੇ। ਇਸ ਦੇ ਨਿਰਮਾਣ ਨੂੰ ਲੈ ਕੇ ਕਈ ਵਾਰ ਸਵਾਲ ਵੀ ਖੜ੍ਹੇ ਹੋ ਚੁੱਕੇ ਹਨ। ਇਹ ਆਡੀਟੋਰੀਅਮ 1.4 ਲੱਖ ਸਕੁਏਅਰ ਫੁੱਟ ਏਰੀਏ ਵਿਚ ਤਿਆਰ ਹੋ ਰਿਹਾ ਹੈ।
