ਬੀਤੀ ਰਾਤ ਅੰਮ੍ਰਿਤਸਰ ਦੇ ਦਾਣਾ ਮੰਡੀ ਭਗਤਾਂ ਵਾਲਾ ਵਿਖੇ ਸਥਿਤ ਕੁੜੇ ਦੇ ਡੰਪ ਤੇ ਅੱਗ ਲੱਗਣ...
ਅੰਮ੍ਰਿਤਸਰ: ਬੀਤੀ ਰਾਤ ਅੰਮ੍ਰਿਤਸਰ ਦੇ ਦਾਣਾ ਮੰਡੀ ਭਗਤਾਂ ਵਾਲਾ ਵਿਖੇ ਸਥਿਤ ਕੁੜੇ ਦੇ ਡੰਪ 'ਤੇ ਅੱਗ ਲੱਗਣ ਕਾਰਨ ਜਹਿਰੀਲੇ ਧੂੰਏਂ ਕਾਰਨ ਸ਼ਹਿਰ ਵਾਸੀਆਂ ਨੂੰ ਕਾਫੀ ਦਿੱਕਤ ਦਾ ਸਾਹਮਣਾ ਕਰਨਾ ਪਿਆ। ਜਿਸਦੇ ਚਲਦਿਆਂ ਇਲਾਕਾ ਨਿਵਾਸੀਆਂ ਦਾ ਗੁੱਸਾ ਸੂਬੇ ਦੀ ਕਾਂਗਰਸ ਸਰਕਾਰ ਅਤੇ ਹਲਕਾ ਵਿਧਾਇਕ ਖਿਲਾਫ ਫੂਟਿਆ ਅਤੇ ਉਨ੍ਹਾਂ ਨੇ ਇਨ੍ਹਾਂ ਖਿਲਾਫ ਜਮ ਕੇ ਨਾਅਰੇਬਾਜੀ ਕੀਤੀ।
Peouple
ਇਸ ਮੌਕੇ ਪਹੁੰਚੇ ਹਲਕਾ ਦੱਖਣੀ ਤੋਂ ਸ੍ਰੋਮਣੀ ਅਕਾਲੀ ਦਲ ਦੇ ਇੰਚਾਰਜ ਤਲਬੀਰ ਗਿੱਲ ਅਤੇ ਇਲਾਕਾ ਨਿਵਾਸੀਆਂ ਨੇ ਦੱਸਿਆ ਕਿ ਇਸ ਕੁੜੇ ਦੇ ਡੰਪ ਨੂੰ ਲੈ ਕੇ ਸਰਕਾਰ ਵਲੋਂ ਕਈਂ ਵੱਡੇ-ਵੱਡੇ ਵਾਅਦੇ ਕੀਤੇ ਗਏ ਸਨ। ਸੂਬੇ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਵਲੋਂ ਇਹ ਐਲਾਨ ਵੀ ਕੀਤਾ ਗਿਆ ਸੀ ਕਿ ਜੇਕਰ ਉਨ੍ਹਾਂ ਦੀ ਸਰਕਾਰ ਬਣੀ ਤਾਂ ਉਹ ਇਸ ਡੰਪ ਨੂੰ ਇਥੋਂ ਚੁਕਾਣਗੇ। ਪਰ ਇਹ ਸਾਰਾ ਮਾਮਲਾ ਸਿਰਫ ਵਾਅਦਿਆਂ ਤੱਕ ਹੀ ਸੀਮਿਤ ਰਹਿ ਗਿਆ।
Dump
ਕਿਉਂਕਿ ਅੱਜ ਕੈਪਟਨ ਸਰਕਾਰ ਦੇ ਪੰਜਾਬ ਵਿਚ 4 ਸਾਲ ਪੂਰੇ ਹੋਣ ਵਾਲੇ ਹਨ ਅਤੇ ਹਲਕਾ ਵਿਧਾਇਕ ਦੀ ਵੀ ਤੀਸਰੀ ਵਾਰ ਵਿਧਾਇਕ ਬਣ ਚੁਕੇ ਹਨ ਪਰ ਕਿਸੇ ਨੇ ਵੀ ਇਸ ਡੰਪ ਦੀ ਸਾਰ ਨਹੀ ਲਈ। ਆਏ ਦਿਨ ਇਥੇ ਅੱਗ ਲੱਗਣ ਤੇ ਜਹਿਰੀਲੇ ਧੂੰਏਂ ਨਾਲ ਲੋਕ ਮਰ ਰਹੇ ਹਨ ਬੀਮਾਰ ਪੈ ਰਹੇ ਹਨ ਪਰ ਸਮੇਂ ਦੀਆ ਸਰਕਾਰਾਂ ਦਾ ਇਸ ਪਾਸੇ ਕੋਈ ਧਿਆਨ ਨਹੀ ਹੈ। ਇਹ ਡੰਪ ਦੇ ਹੁੰਦਿਆ ਗੁਰੂ ਨਗਰੀ ਸ੍ਰੀ ਅੰਮ੍ਰਿਤਸਰ ਸਾਹਿਬ ਕਿਵੇਂ ਸਮਾਰਟ ਸਿਟੀ ਬਣ ਸਕਦਾ ਹੈ।
Firebrigade
ਰਾਤ ਲੱਗੀ ਭਿਆਨਕ ਅੱਗ ਕਾਰਨ ਇਲਾਕੇ ਦੇ ਲੋਕ ਕਾਫੀ ਦਹਿਸ਼ਤ ਵਿਚ ਹਨ ਕਿ ਕੋਣ ਹੈ ਜੋ ਉਹਨਾ ਦੀ ਇਸ ਸਮੱਸਿਆ ਦਾ ਹਲ ਕਰੇਗਾ। ਕਿਉਂਕਿ ਡੰਪ ਉਤੇ ਸਿਆਸਤ ਕਰ ਹਰ ਪਾਰਟੀ ਵੋਟਾਂ ਤਾਂ ਬਟੋਰ ਲੈਂਦੀ ਹੈ ਪਰ ਇਸਦਾ ਹਲ ਕਿਸੇ ਵੀ ਰਾਜਨੀਤਿਕ ਪਾਰਟੀ ਵਲੋਂ ਨਹੀ ਕੀਤਾ ਜਾ ਰਿਹਾ।
Fire Brigade
ਇਸ ਮੌਕੇ ਤੇ ਪਹੁੰਚੇ ਸ੍ਰੋਮਣੀ ਅਕਾਲੀ ਦਲ ਦੇ ਹਲਕਾ ਦੱਖਣੀ ਇੰਚਾਰਜ ਤਲਬੀਰ ਗਿਲ ਵਲੋਂ ਮੌਜੂਦਾ ਕਾਂਗਰਸ ਸਰਕਾਰ ਉਤੇ ਉਂਗਲੀ ਉਠਾਉਂਦਿਆਂ ਕਿਹਾ ਕਿ ਕੈਪਟਨ ਸਰਕਾਰ ਅਤੇ ਹਲਕਾ ਵਿਧਾਇਕ ਲਈ ਇਹ ਬਹੁਤ ਸ਼ਰਮ ਦੀ ਗੱਲ ਹੈ ਕਿ ਗੁਰੂ ਨਗਰੀ ਅੰਮ੍ਰਿਤਸਰ ਵਰਗੇ ਪਵਿਤਰ ਸ਼ਹਿਰ ਵਾਸੀਆ ਨੂੰ ਇਹ ਇਸ ਕੁੜੇ ਦੇ ਡੰਪ ਤਕ ਨਿਜਾਤ ਨਹੀ ਦਿਵਾ ਰਹੇ ਜੇਕਰ ਏਹੀ ਹਾਲ ਰਿਹਾ ਤਾ ਆਉਣ ਵਾਲੇ ਇਲੈਕਸ਼ਨ ਵਿਚ ਲੌਕ ਇਹਨਾ ਨੂੰ ਸ਼ੀਸ਼ਾ ਜਰੂਰ ਵਿਖਾਉਣਗੇ ਕਿ ਉਹਨਾ ਇਸ ਹਲਕੇ ਅਤੇ ਗੁਰੂ ਨਗਰੀ ਵਾਸਤੇ ਕੀ ਕੀਤਾ ਹੈ ।
