File Photo
ਕੋਰੋਨਾ ਦੀ ਲਪੇਟ ’ਚ ਆਏ ਨੇੜਲੇ ਪਿੰਡ ਘੁਲਾਲ ਵਿਖੇ ਅੱਗ ਦੀਆਂ ਲਪਟਾਂ ਨੇ ਵੀ ਕਹਿਰ ਵਰਪਾਉਂਦੇ ਹੋਏ ਤਿੰਨ ਕਿਸਾਨਾਂ
ਸਮਰਾਲਾ, 2 ਮਈ (ਪਪ) : ਕੋਰੋਨਾ ਦੀ ਲਪੇਟ ’ਚ ਆਏ ਨੇੜਲੇ ਪਿੰਡ ਘੁਲਾਲ ਵਿਖੇ ਅੱਗ ਦੀਆਂ ਲਪਟਾਂ ਨੇ ਵੀ ਕਹਿਰ ਵਰਪਾਉਂਦੇ ਹੋਏ ਤਿੰਨ ਕਿਸਾਨਾਂ ਦੀ 13 ਏਕੜ ਕਣਕ ਦੀ ਨਾੜ ਨੂੰ ਸਾੜ ਕੇ ਸੁਆਹ ਕਰ ਦਿਤਾ ਹੈ। ਅੱਗ ਲੱਗਣ ਦੀ ਜਾਣਕਾਰੀ ਮਿਲਣ ’ਤੇ ਫ਼ਾਇਰ ਬ੍ਰਿਗੇਡ ਦੀ ਅੱਗ ਬੁਝਾਊ ਗੱਡੀ ਨੇ ਮੌਕੇ ’ਤੇ ਪਹੁੰਚ ਕੇ ਜਲਦੀ ਹੀ ਇਸ ਅੱਗ ’ਤੇ ਕਾਬੂ ਪਾ ਲਿਆ।
File photo
ਫ਼ਾਇਰ ਅਫ਼ਸਰ ਸਮਰਾਲਾ ਹਰਕੀਰਤ ਸਿੰਘ ਨੇ ਦਸਿਆ ਕਿ ਦੁਪਹਿਰ ਕਰੀਬ 1 ਵਜੇ ਇਹ ਅੱਗ ਲੱਗਣ ਦੀ ਸੂਚਨਾ ਉਨ੍ਹਾਂ ਕੋਲ ਪਹੁੰਚੀ ਅਤੇ ਤੁਰਤ ਫਾਇਰ ਟੀਮ ਨੇ ਮੌਕੇ ’ਤੇ ਪਹੁੰਚ ਕੇ ਇਸ ਨੂੰ ਹੋਰ ਅੱਗੇ ਫੈਲਣ ਤੋਂ ਰੋਕ ਲਿਆ। ਅੱਗ ਲੱਗਣ ਦੀ ਇਸ ਘਟਨਾ ਵਿਚ ਕਿਸਾਨ ਭਗਵੰਤ ਸਿੰਘ, ਗੁਰਜੀਤ ਸਿੰਘ, ਕਸ਼ਮੀਰਾ ਸਿੰਘ ਅਤੇ ਦਲਜੀਤ ਸਿੰਘ ਦੇ 13 ਏਕੜ ਦੀ ਨਾੜ ਸੜਨ ਨਾਲ ਨੁਕਸਾਨ ਹੋਇਆ ਹੈ।
