ਖ਼ਬਰਾਂ   ਪੰਜਾਬ  03 Jun 2019  ਵਰਲਡ ਸਾਈਕਲ ਡੇਅ ਮੌਕੇ ਕੈਪਟਨ ਨੇ ਪੁਰਾਣੀ ਤਸਵੀਰ ਸ਼ੇਅਰ ਕਰ ਦਿਤਾ ਸਾਈਕਲ ਚਲਾਉਣ ਦਾ ਸੁਨੇਹਾ

ਵਰਲਡ ਸਾਈਕਲ ਡੇਅ ਮੌਕੇ ਕੈਪਟਨ ਨੇ ਪੁਰਾਣੀ ਤਸਵੀਰ ਸ਼ੇਅਰ ਕਰ ਦਿਤਾ ਸਾਈਕਲ ਚਲਾਉਣ ਦਾ ਸੁਨੇਹਾ

ਸਪੋਕਸਮੈਨ ਸਮਾਚਾਰ ਸੇਵਾ
Published Jun 3, 2019, 7:13 pm IST
Updated Jun 3, 2019, 7:15 pm IST
ਕੈਪਟਨ ਨੇ ਸਾਈਕਲ ਚਲਾਉਂਦੇ ਦੀ ਕੀਤੀ ਪੁਰਾਣੀ ਤਸਵੀਰ ਸ਼ੇਅਰ
Captain Amarinder Singh
 Captain Amarinder Singh

ਪਟਿਆਲਾ: ਅੱਜ ਵਰਲਡ ਸਾਈਕਲ ਡੇਅ ਮੌਕੇ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਅਪਣੇ ਫੇਸਬੁੱਕ ਅਕਾਊਂਟ ’ਤੇ ਸਾਈਕਲ ਚਲਾਉਂਦਿਆਂ ਦੀ ਇਕ ਤਸਵੀਰ ਸ਼ੇਅਰ ਕੀਤੀ ਹੈ। ਦਰਅਸਲ, ਕੈਪਟਨ ਅਮਰਿੰਦਰ ਸਿੰਘ ਨੇ ਇਹ ਜਿਹੜੀ ਤਸਵੀਰ ਸ਼ੇਅਰ ਕੀਤੀ ਹੈ, ਇਹ ਪਿਛਲੇ ਸਾਲ ਦੀ ਹੈ। 29 ਸਤੰਬਰ, 2018 ਨੂੰ ਵਰਲਡ ਹਾਰਟ ਡੇਅ ਮੌਕੇ ਵੀ ਕੈਪਟਨ ਨੇ ਇਹ ਤਸਵੀਰ ਸ਼ੇਅਰ ਕੀਤੀ ਸੀ ਤੇ ਨਾਲ ਲਿਖਿਆ ਸੀ ਕਿ ਉਹ ਅਪਣੀ ਫ਼ੌਜ ਦੀ ਡਿਊਟੀ ਦੌਰਾਨ ਕਾਫ਼ੀ ਸਾਈਕਲ ਚਲਾਉਂਦੇ ਸਨ।

Facebook PostPost

ਕੈਪਟਨ ਅਮਰਿੰਦਰ ਸਿੰਘ ਨੇ ਅੱਜ ਵਰਲਡ ਸਾਈਕਲ ਡੇਅ ਮੌਕੇ ਇਕ ਵਾਰ ਫਿਰ ਓਹੀ ਤਸਵੀਰ ਸ਼ੇਅਰ ਕਰਦੇ ਹੋਏ ਲਿਖਿਆ ਕਿ ਸਾਈਕਲ ਚਲਾਉਣ ਦਾ ਨਜ਼ਾਰਾ ਹਰ ਸ਼ੈਅ ਤੋਂ ਉੱਪਰ ਹੈ। ਅੱਜ ਵੀ ਜਦੋਂ ਸਾਈਕਲ ਦਾ ਪੈਡਲ ਮਾਰੋ ਤਾਂ ਬਚਪਨ ਯਾਦ ਆ ਜਾਂਦਾ ਹੈ, ਉਹ ਸਮਾਂ ਹੀ ਵੱਖਰਾ ਸੀ, ਓਹਦਾ ਅਪਣੀ ਹੀ ਇਕ ਵੱਖਰਾ ਨਜ਼ਾਰਾ ਸੀ। ਅੱਜ ਵਿਸ਼ਵ ਸਾਈਕਲ ਦਿਵਸ ਮੌਕੇ ਮੈਂ ਇਹੀ ਕਹਾਂਗਾ ਕਿ ਇਸ ਮਸ਼ੀਨੀ ਯੁੱਗ ਵਿਚ ਵਾਤਾਵਰਣ ਤੇ ਅਪਣੀ ਸਿਹਤ ਦਾ ਖ਼ਿਆਲ ਰੱਖਦੇ ਹੋਏ ਸਾਈਕਲ ਚਲਾਉਣਾ ਨਾ ਛੱਡੋ ਅਤੇ ਅਪਣੇ ਬੱਚਿਆਂ ਨੂੰ ਵੀ ਸਾਈਕਲ ਚਲਾਉਣ ਦੀ ਆਦਤ ਪਾਓ।

Facebook PostFacebook Post

Location: India, Punjab, Patiala
Advertisement