image
ਲੋਕਾਂ ਦੇ ਗੁੱਸੇ ਮਗਰੋਂ ਥਾਈਲੈਂਡ ਨੇ ਚੀਨ ਨਾਲ ਪਣਡੁੱਬੀਆਂ ਦਾ ਕਰਾਰ ਟਾਲਿਆ
ਬੈਂਕਾਕ, 2 ਸਤੰਬਰ : ਥਾਈਲੈਂਡ ਨੇ ਅਪਣੀ 724 ਮਿਲੀਅਨ ਅਮਰੀਕੀ ਡਾਲਰ ਦੀ ਚੀਨ ਤੋਂ ਦੋ ਪਣਡੁੱਬੀਆਂ ਦੀ ਖ਼ਰੀਦ ਫਿਲਹਾਲ ਟਾਲ ਦਿਤੀ ਹੈ। ਇਹ ਵਿਵਾਦਮਈ ਸਮਝੌਤਾ ਜਨਤਕ ਰੋਸ ਵਜੋਂ ਦੇਰੀ ਨਾਲ ਕੀਤੇ ਜਾਣ ਦਾ ਖ਼ਦਸ਼ਾ ਹੈ । ਰਾਜ ਦੀ ਆਰਥਕਤਾ ਕੋਰੋਨਾ ਵਾਇਰਸ ਕਾਰਨ ਪਹਿਲਾਂ ਹੀ ਡਾਵਾਂਡੋਲ ਹੈ। ਜ਼ਿਕਰਯੋਗ ਹੈ ਕਿ 2015 ਦੇ ਇਕ ਸਮਝੌਤੇ ਤਹਿਤ ਥਾਈਲੈਂਡ ਚੀਨੀ ਜਲ ਸੈਨਾ ਦੇ ਹਾਰਡਵੇਅਰ ਨੂੰ ਖ਼ਰੀਦਣ ਵਾਲੇ ਪਹਿਲੇ ਦੇਸ਼ਾਂ ਵਿਚੋਂ ਇਕ ਸੀ ਅਤੇ ਉਸ ਨੇ 2017 ਵਿਚ ਤਿੰਨ ਪਣਡੱਬੀਆਂ ਦੀ ਖ਼ਰੀਦ ਨੂੰ ਅੰਤਮ ਰੂਪ ਦੇ ਦਿਤਾ ਸੀ, ਜਿਸ ਵਿਚੋਂ ਪਹਿਲੀ ਪਣਡੁੱਬੀ 2023 ਵਿਚ ਸਪੁਰਦ ਕੀਤੇ ਜਾਣ ਦੀ ਉਮੀਦ ਸੀ। ਕਿਹਾ ਜਾ ਰਿਹਾ ਹੈ ਕਿ ਇਹ ਸਮਝੌਤਾ ਅਜੇ ਅਗਲੇ ਸਾਲ ਤਕ ਟਲਿਆ ਰਹਿ ਸਕਦਾ ਹੈ।
image ਇਸ ਤੋਂ ਇਲਾਵਾ ਹਜ਼ਾਰਾਂ ਲੋਕਾਂ ਨੇ ਪੀਲੀਆਂ ਕਮੀਜ਼ਾਂ ਪਾ ਕੇ ਐਤਵਾਰ ਨੂੰ ਵਿਰੋਧ ਪ੍ਰਦਰਸ਼ਨ ਕੀਤਾ ਸੀ।
