ਸਤਵਿੰਦਰ ਸਿੰਘ ਦਾ 21 ਨਵੰਬਰ ਨੂੰ ਵਿਆਹ ਹੋਇਆ ਸੀ ਅਤੇ 24 ਨਵੰਬਰ ਨੂੰ ਘਰ ਤੋਂ ਮੋਟਰਸਾਇਕਲ ਤੇ ਗਿਆ ਸੀ, ਮੁੜ ਨਹੀ ਆਇਆ
ਬਨੂੜ: ਪਿੰਡ ਧਰਮਗੜ ਦੇ 26 ਸਾਲਾ ਲਾਪਤਾ ਨੌਜਵਾਨ ਦੀ ਲਾਸ਼ ਮੰਡੋਲੀ ਨੇੜੇ ਨਰਵਾਣਾ ਬਰਾਂਚ ਵਿੱਚੋਂ ਤੈਰਦੀ ਹੋਈ ਮਿਲੀ। ਪਿੰਡ ਦੇ ਸਾਬਕਾ ਸਰਪੰਚ ਦਰਸਨ ਸਿੰਘ ਨੇ ਦੱਸਿਆ ਕਿ ਸਿੰਗਾਰਾਂ ਸਿੰਘ ਦਾ ਪੁੱਤਰ ਸਤਵਿੰਦਰ ਸਿੰਘ ਦਾ 21 ਨਵੰਬਰ ਨੂੰ ਵਿਆਹ ਹੋਇਆ ਸੀ ਅਤੇ 24 ਨਵੰਬਰ ਨੂੰ ਘਰ ਤੋਂ ਮੋਟਰਸਾਇਕਲ ਤੇ ਗਿਆ ਸੀ, ਮੁੜ ਨਹੀ ਆਇਆ।
ਘਰਦਿਆਂ ਨੇ ਉਸ ਦੇ ਮੁਬਾਇਲ ਤੇ ਫੋਨ ਕੀਤਾ, ਉਸ ਦਾ ਫੋਨ ਗੰਡਿਆਂ ਖੇੜੀ ਨਹਿਰ ਤੇ ਬੈਠੇ ਗੋਤਾਖੋਰ ਨੇ ਚੁੱਕਿਆ ਤੇ ਕਿਹਾ ਕਿ ਮੁਬਾਇਲ ਤੇ ਮੋਟਰਸਾਇਕਲ ਨਹਿਰ ਕੰਢੇ ਪਿਆ ਹੈ। ਪਰਿਵਾਰਿਕ ਮੈਂਬਰਾਂ ਨੇ ਤੁਰੰਤ ਪੁਲਿਸ ਨੂੰ ਸੂਚਿਤ ਕੀਤਾ। ਭਾਂਵੇ ਨੌਜਵਾਨ ਦੀ ਉਸੇ ਦਿਨ ਤੋਂ ਭਾਲ ਕੀਤੀ ਜਾ ਰਹੀ ਸੀ, ਪਰ ਅੱਜ ਨਹਿਰ ਇੱਕ ਲਾਸ਼ ਮਿਲੀ ਸੀ। ਜਿਸ ਦੀ ਪਰਿਵਰਿਕ ਮੈਂਬਰਾਂ ਨੇ ਸਨਾਖ਼ਤ ਕੀਤੀ ਗਈ। ਮ੍ਰਿਤਕ ਸਤਵਿੰਦਰ ਸਿੰਘ ਆਪਣੇ ਮਾਪਿਆਂ ਦਾ ਇੱਕਲੋਤਾ ਪੁੱਤਰ ਸੀ। ਪਿੰਡ ਦੇ ਹੀ ਉਸ ਦੇ ਨਜਦੀਕੀ ਦੋਸਤ ਨੇ ਉਸ ਦੇ ਵਿਆਹ ਤੋਂ ਕੁਝ ਦਿਨ ਪਹਿਲਾਂ ਖ਼ੁਦਕੁਸ਼ੀ ਕਰ ਲਈ ਸੀ। ਦੋਵੇਂ ਨੌਜਵਾਨਾਂ ਵੱਲੋਂ ਇੱਕ ਹਫਤੇ ਅੰਦਰ ਕੀਤੀ ਖ਼ੁਦਕੁਸ਼ੀ ਭੇਦ ਬਣੀ ਹੋਈ ਹੈ।
