Kapurthala News: ਵਿਦਿਆਰਥੀਆਂ ਨੇ 50 ਤੋਂ ਉਪਰ ਦੀ ਰੈਂਕਿੰਗ ਵਿਚ ਹਾਸਲ ਕੀਤਾ ਸਥਾਨ
3 students passed the NDA exam in Kapurthala News in punjabi ਸੈਨਿਕ ਸਕੂਲ ਕਪੂਰਥਲਾ ਦੇ ਤਿੰਨ ਵਿਦਿਆਰਥੀਆਂ ਨੇ ਯੂਨੀਅਨ ਪਬਲਿਕ ਸਰਵਿਸ ਕਮਿਸ਼ਨ (ਯੂਪੀਐਸਸੀ) ਦੀ ਐਨਡੀਏ ਦੀ ਪ੍ਰੀਖਿਆ ਵਿੱਚ ਟਾਪ ਕੀਤਾ ਹੈ। ਤਿੰਨ ਵਿਦਿਆਰਥੀਆਂ ਦੇ ਨਾਂ ਕੈਡੇਟ ਮਨਨ ਸ਼ਰਮਾ, ਕੈਡੇਟ ਅਰਮਾਨ ਬਾਠ ਅਤੇ ਕੈਡੇਟ ਦਿਵਯਮ ਜੋਸ਼ੀ ਹਨ। ਜਿਨ੍ਹਾਂ ਨੂੰ ਐੱਨ.ਡੀ.ਏ. ਦੇ 152ਵੇਂ ਕੋਰਸ ਲਈ ਚੁਣਿਆ ਗਿਆ ਹੈ। ਕੈਡਿਟ ਮਨਨ ਸ਼ਰਮਾ ਸੈਸ਼ਨ 2022-2023 ਵਿੱਚ ਸੈਨਿਕ ਸਕੂਲ ਕਪੂਰਥਲਾ ਦੇ ਸਕੂਲ ਵਾਈਸ ਕੈਪਟਨ ਵੀ ਰਹਿ ਚੁੱਕੇ ਹਨ। ਵਰਨਣਯੋਗ ਹੈ ਕਿ ਯੂਪੀਐਸਸੀ ਵੱਲੋਂ ਜਾਰੀ ਕੀਤੀ ਗਈ ਮੈਰਿਟ ਸੂਚੀ ਵਿੱਚ ਉਪਰੋਕਤ ਤਿੰਨੋਂ ਵਿਦਿਆਰਥੀਆਂ ਨੇ 50 ਤੋਂ ਉਪਰ ਦੀ ਰੈਂਕਿੰਗ ਵਿੱਚ ਸਥਾਨ ਹਾਸਲ ਕੀਤਾ ਹੈ।
ਇਹ ਵੀ ਪੜ੍ਹੋ: Haryana News: ਹਾਈਕੋਰਟ ਨੇ ਹਫ਼ਤਾ ਪਹਿਲਾਂ ਬਣੀ HSGMC ਕਮੇਟੀ 'ਤੇ ਲਗਾਈ ਰੋਕ, 28 ਨੂੰ ਹੋਵੇਗੀ ਅਗਲੀ ਸੁਣਵਾਈ
ਸੈਨਿਕ ਸਕੂਲ ਕਪੂਰਥਲਾ ਦੇ ਪ੍ਰਿੰਸੀਪਲ ਗਰੁੱਪ ਕੈਪਟਨ ਮਧੂ ਸੇਂਗਰ ਨੇ ਵਿਦਿਆਰਥੀਆਂ ਦੀ ਇਸ ਸ਼ਾਨਦਾਰ ਸਫਲਤਾ 'ਤੇ ਤਹਿ ਦਿਲੋਂ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ ਹੈ। ਉਨ੍ਹਾਂ ਸਫਲ ਵਿਦਿਆਰਥੀਆਂ ਦੇ ਸਹਿਯੋਗੀ ਮਾਪਿਆਂ, ਸਕੂਲ ਵਿੱਚ ਤਾਇਨਾਤ ਅਧਿਕਾਰੀਆਂ ਦੀ ਟੀਮ ਅਤੇ ਸਮਰਪਿਤ ਅਧਿਆਪਕਾਂ ਨੂੰ ਇਸ ਲਈ ਵਧਾਈ ਦਿੱਤੀ ਹੈ ਅਤੇ ਕਿਹਾ ਕਿ ਇਨ੍ਹਾਂ ਸਾਰਿਆਂ ਦੀ ਸ਼ਲਾਘਾਯੋਗ ਪ੍ਰਤੀਬੱਧਤਾ ਨੇ ਇਨ੍ਹਾਂ ਵਿਦਿਆਰਥੀਆਂ ਦੀ ਸਫ਼ਲਤਾ ਵਿੱਚ ਅਹਿਮ ਭੂਮਿਕਾ ਨਿਭਾਈ ਹੈ।
ਗਰੁੱਪ ਕੈਪਟਨ ਮਧੂ ਸੇਂਗਰ ਨੇ ਸਕੂਲ ਦੇ ਸ਼ਾਨਦਾਰ ਇਤਿਹਾਸ ਅਤੇ ਉੱਤਮਤਾ ਪ੍ਰਤੀ ਵਚਨਬੱਧਤਾ ਦਾ ਸਮਰਥਨ ਕਰਨ ਲਈ ਨਿਰੰਤਰ ਸਮਰਪਣ ਅਤੇ ਸਖ਼ਤ ਮਿਹਨਤ ਦੀ ਮਹੱਤਤਾ 'ਤੇ ਜ਼ੋਰ ਦਿੱਤਾ।
ਇਹ ਵੀ ਪੜ੍ਹੋ: Darbar Sahib Dress Code News : ਬਿਨਾਂ ਵਰਦੀ ਦੇ ਨਜ਼ਰ ਨਹੀਂ ਆਉਣਗੇ ਹਰਿਮੰਦਰ ਸਾਹਿਬ ਦੇ 22 ਹਜ਼ਾਰ ਕਰਮਚਾਰੀ, ਡ੍ਰੈੱਸ ਕੋਡ ਲਾਗੂ
ਪ੍ਰਿੰਸੀਪਲ ਨੇ ਆਪਣੀ ਸਹਿਯੋਗੀ ਟੀਮ ਅਤੇ ਸਕੂਲ ਦੇ ਵਿਦਿਆਰਥੀਆਂ ਨੂੰ ਨੈਸ਼ਨਲ ਡਿਫੈਂਸ ਅਕੈਡਮੀ (ਐਨਡੀਏ) ਖੜਕਵਾਸਲਾ ਅਤੇ ਇੰਡੀਅਨ ਮਿਲਟਰੀ ਅਕੈਡਮੀ (ਆਈਐਮਏ) ਦੇਹਰਾਦੂਨ ਵਿਖੇ ਆਪਣੀਆਂ ਪ੍ਰਾਪਤੀਆਂ ਦੀ ਸੂਚੀ ਵਿੱਚ ਹੋਰ ਉਚਾਈਆਂ ਲਈ ਯਤਨ ਕਰਨ ਦੀ ਅਪੀਲ ਕੀਤੀ ਹੈ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਦੱਸ ਦੇਈਏ ਕਿ ਜਿਨ੍ਹਾਂ ਲੋਕਾਂ ਨੇ ਸਕੂਲ ਦੇ ਵਿਦਿਆਰਥੀਆਂ ਨੂੰ ਮਾਰਗਦਰਸ਼ਨ ਅਤੇ ਸਿਖਲਾਈ ਪ੍ਰਦਾਨ ਕਰਨ ਵਿੱਚ ਅਹਿਮ ਭੂਮਿਕਾ ਨਿਭਾਈ ਹੈ ਉਨ੍ਹਾਂ ਵਿੱਚ ਸਾਬਕਾ ਵਿਦਿਆਰਥੀ ਗਰੁੱਪ ਕੈਪਟਨ ਬਲਜੀਤ ਸਿੰਘ ਸੱਗੂ, ਗਰੁੱਪ ਕੈਪਟਨ ਆਰ ਲਾਲ, ਸਾਬਕਾ ਐਸਐਸਬੀ-ਜੀਟੀਓ, ਵਿੰਗ ਕਮਾਂਡਰ ਤਿਵਾੜੀ, ਸਾਬਕਾ ਐਸਐਸਬੀ ਮਨੋਵਿਗਿਆਨੀ ਸ਼ਾਮਲ ਹਨ। .ਤੈਨਾਤ ਅਧਿਕਾਰੀ ਅਤੇ ਸਕੂਲ ਐਨ.ਡੀ.ਏ ਸੈੱਲ ਦੇ ਮੈਂਬਰ ਸ਼ਾਮਿਲ ਹਨ। ਸਕੂਲ ਦੇ ਪ੍ਰਿੰਸੀਪਲ ਨੇ ਕਿਹਾ ਕਿ ਸੈਨਿਕ ਸਕੂਲ ਕਪੂਰਥਲਾ ਬੱਚਿਆਂ ਵਿੱਚ ਲੀਡਰਸ਼ਿਪ ਦੇ ਗੁਣ ਪੈਦਾ ਕਰਨ ਅਤੇ ਉਨ੍ਹਾਂ ਵਿੱਚ ਉੱਤਮਤਾ, ਹਿੰਮਤ ਅਤੇ ਇਮਾਨਦਾਰੀ ਦੇ ਗੁਣ ਪੈਦਾ ਕਰਨ ਲਈ ਵਚਨਬੱਧ ਹੈ।
(For more Punjabi news apart from 3 students passed the NDA exam in Kapurthala News in punjabi, stay tuned to Rozana Spokesman)
