20 ਪਿੰਡਾਂ ਦੇ ਲੋਕਾਂ ਦਾ ਲਿਆ ਸਾਥ
ਗੁਰਦਾਸਪੁਰ: ਪੰਜਾਬ ਵਿਚ ਜਦ ਵੀ ਕੋਈ ਮੁਸੀਬਤ ਆਈ ਹੈ ਤਾਂ ਸਰਕਾਰਾਂ ਨਾਲੋਂ ਸਮਾਜਿਕ ਸੰਸਥਾਵਾ ਨੇ ਵੱਧ ਚੜ੍ਹ ਕੇ ਹਿਸਾ ਪਾਇਆ ਹੈ ਪੰਜਾਬ ਇਸ ਵੇਲੇ ਹੜ੍ਹਾਂ ਦੀ ਮਾਰ ਚਲ ਰਿਹਾ ਹੈ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਵਿੱਚ ਜਾ ਕੇ ਹੜ੍ਹ ਪੀੜਤਾਂ ਲਈ ਕਈ ਸਮਾਜਿਕ ਸੰਸਥਾਵਾ ਮੱਦਦ ਕਰ ਰਹੀਆਂ ਨੇ ਪਰ ਅੱਜੇ ਵੀ ਕਈ ਐਸੇ ਘਰ ਨੇ ਜਿਹਨਾਂ ਕੋਲ ਨਾਂ ਤੇ ਸਰਕਾਰ ਪਹੁੰਚੀ ਅਤੇ ਨਾਂ ਹੀ ਜ਼ਿਲ੍ਹਾ ਪ੍ਰਸ਼ਾਸਨ।
ਸ਼ੋਸ਼ਲ ਮੀਡੀਆ ਰਾਹੀਂ ਉਹਨਾਂ ਪਿੰਡਾਂ ਦਾ ਦਰਦ ਦੇਖ ਕੇ ਉਹਨਾਂ ਨੂੰ ਰਾਹਤ ਸਮੱਗਰੀ ਭੇਜਣ ਲਈ ਗੁਰਦਾਸਪੁਰ ਦੀ ਸਮਾਜਿਕ ਸੰਸਥਾ 'ਵਾਹਿਗੁਰੂ ਬੋਲ ਕਦੇ ਨਾ ਡੋਲ' ਦੇ ਵਲੰਟੀਅਰਾਂ ਨੇ ਆਸ ਪਾਸ ਦੇ ਕਰੀਬ 20 ਪਿੰਡਾਂ ਵਿਚੋਂ ਹੜ੍ਹ ਪੀੜਤਾਂ ਲਈ ਰਾਸ਼ਨ ਇਕੱਠਾ ਕਰ ਕੇ 1000 ਦੇ ਕਰੀਬ ਜਰੂਰੀ ਸਮਾਨ ਦੇ ਪੈਕੇਟ ਬਣਾ ਕੇ ਇਕ ਟਰੱਕ ਰਵਾਨਾਂ ਕੀਤਾ। ਪਿੰਡ ਵਾਸੀਆਂ ਦਾ ਕਹਿਣਾ ਹੈ ਕਿ ਬਿਕਰਮ ਸਿੰਘ ਸਿੱਧੂ ਜਿਸ ਨੇ ਇਹ ਸੰਸਥਾ ਬਣਾਈ ਹੈ, ਉਹ ਸਾਰੇ ਉਸ ਨਾਲ ਪਿੰਡਾਂ ਵਿਚ ਜਾ ਜਾ ਕੇ ਪੀੜਤਾਂ ਲਈ ਰਾਸ਼ਨ ਇਕੱਠਾ ਕਰ ਰਹੇ ਹਨ।
ਇਸ ਸੰਸਥਾ ਰਾਹੀਂ ਉਹ ਪੀੜਤਾਂ ਦੀ ਮਦਦ ਕਰਦੇ ਹਨ। ਇਸ ਪ੍ਰਕਾਰ ਪਿੰਡ ਦੇ ਲੋਕ ਵੀ ਇਸ ਸੰਸਥਾ ਪ੍ਰਤੀ ਵਫ਼ਾਦਾਰੀ ਨਾਲ ਯੋਗਦਾਨ ਪਾ ਰਹੇ ਹਨ। ਦੱਸ ਦਈਏ ਕਿ ਹੜ੍ਹ ਦੀ ਮਾਰ ਹੇਠਾਂ ਆਏ ਲੋਕਾਂ ਦੀ ਵੱਖ ਵੱਖ ਧਾਰਮਿਕ ਤੇ ਸਮਾਜਿਕ ਜਥੇਬੰਦੀਆਂ ਵੱਲੋਂ ਮਦਦ ਕੀਤੀ ਜਾ ਰਹੀ ਹੈ।
ਹੁਣ ਵੀ ਕਈ ਪਿੰਡ ਤੇ ਇਲਾਕੇ ਹਨ ਜੋ ਹੜ੍ਹ ਦੀ ਮਾਰ ਹੇਠ ਹਨ। ਪਰ ਉਹਨਾਂ ਲਈ ਸੰਸਥਾਵਾਂ ਵੱਲੋਂ ਅਤੇ ਹੋਰਨਾਂ ਲੋਕਾਂ ਵੱਲੋਂ ਵਧ ਚੜ੍ਹ ਕੇ ਮਦਦ ਕੀਤੀ ਜਾ ਰਹੀ ਹੈ। ਬੀਤੇ ਦਿਨੀਂ ਆਏ ਹੜ੍ਹ ਨੇ ਲੋਕਾਂ ਦਾ ਜੀਵਨ ਤਹਿਸ ਨਹਿਸ ਕਰ ਦਿੱਤਾ ਹੈ। ਲੋਕਾਂ ਦਾ ਬਹੁਤ ਸਾਰਾ ਨੁਕਸਾਨ ਹੋਇਆ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।