ਦੇਸ਼ ਵਿਚ ਟੀਕਾ ਮੁਹਈਆ ਕਰਵਾਉਣ ਲਈ ਭਾਰਤ ਸਰਕਾਰ ਨਾਲ ਕੰਮ ਕਰਨ ਲਈ ਵਚਨਬੱਧ : ਫਾਈਜ਼ਰ

ਨਵੀਂ ਦਿੱਲੀ, 3 ਦਸੰਬਰ : ਵਿਸ਼ਵਵਿਆਪੀ ਫ਼ਾਰਮਾਸਿਊਟੀਕਲ ਕੰਪਨੀ ਫਾਈਜ਼ਰ ਨੇ ਵੀਰਵਾਰ ਨੂੰ ਕਿਹਾ ਕਿ ਉਹ ਫ਼ਾਈਜ਼ਰ ਜਾਂ ਬਾਇਓਨੋਟੈਕ ਟੀਕੇ ਨੂੰ ਦੇਸ਼ ਵਿਚ ਉਪਲਬਧ ਕਰਾਉਣ ਲਈ ਭਾਰਤ ਸਰਕਾਰ ਨਾਲ ਕੰਮ ਕਰਨ ਲਈ ਵਚਨਬੱਧ ਹੈ।
ਜ਼ਿਕਰਯੋਗ ਹੈ ਕਿ ਬ੍ਰਿਟੇਨ ਦੁਨੀਆ ਦਾ ਪਹਿਲਾ ਅਜਿਹਾ ਦੇਸ਼ ਬਣ ਗਿਆ ਹੈ ਜਿਸਨੇ ਫਾਈਜ਼ਰ ਜਾਂ ਬਾਇਓਨੋਟੈਕ ਟੀਕੇ ਦੀ ਐਮਰਜੈਂਸੀ ਵਰਤੋਂ ਨੂੰ ਮਨਜ਼ੂਰੀ ਦੇ ਦਿਤੀ ਹੈ। ਬ੍ਰਿਟੇਨ ਦੀ ਡਰੱਗ ਰੈਗੂਲੇਟਰ ਮੈਡੀਸਨਜ਼ ਐਂਡ ਹੈਲਥਕੇਅਰ ਪ੍ਰੋਡਕਟਸ ਰੈਗੂਲੇਟਰੀ ਏਜੰਸੀ (ਐਮਐਚਆਰਏ) ਨੇ ਕੰਪਨੀ ਦੇ ਟੀਕੇ ਨੂੰ ਅਸਥਾਈ ਤੌਰ 'ਤੇ ਮਨਜ਼ੂਰੀ ਦੇ ਦਿਤੀ ਹੈ। ਇਹ ਟੀਕਾ ਅਗਲੇ ਹਫ਼ਤੇ ਤੋਂ ਬ੍ਰਿਟੇਨ 'ਚ ਉਪਲਬਧ ਹੋਵੇਗਾ। ਫਾਈਜ਼ਰ ਦੇ ਬੁਲਾਰੇ ਨੇ ਇਕ ਬਿਆਨ ਵਿਚ ਕਿਹਾ, ''“ਅਸੀਂ ਇਸ ਸਮੇਂ ਕਈ ਸਰਕਾਰਾਂ ਨਾਲ ਗੱਲਬਾਤ ਦੀ ਪ੍ਰਕਿਰਿਆ ਵਿਚ ਹਾਂ। ਅਸੀਂ ਦੇਸ਼ ਵਿਚ ਟੀਕੇ ਉਪਲਬਧ ਕਰਾਉਣ ਲਈ ਭਾਰਤ ਸਰਕਾਰ ਨਾਲ ਕੰਮ ਕਰਨ ਲਈ ਵੀ ਵਚਨਬੱਧ ਹਾਂ।'' ”ਫਾਈਜ਼ਰ ਨੇ ਕਿਹਾ ਕਿ ਹਰ ਕਿਸੇ ਕੋਲ ਟੀਕੇ ਤਕ ਪਹੁੰਚਣ ਦਾ ਮੌਕਾ ਯਕੀਨੀ ਹੈ। ਖ਼ਾਸਕਰ, ਉਹ ਸਰਕਾਰਾਂ ਨਾਲ ਕੰਮ ਕਰ ਰਹੀ ਹੈ। ਬਿਆਨ 'ਚ ਕਿਹਾ ਗਿਆ ਹੈ, “''ਮਹਾਂਮਾਰੀ ਦੇ ਦੌਰ 'ਚ ਫਾਈਜ਼ਰ ਇਸ ਟੀਕੇ ਨੂੰ ਸਿਰਫ਼ ਸਰਕਾਰੀ ਠਕਿਆਂ ਦੁਆਰਾ ਉਪਲਬਧ ਕਰਾਏਗਾ। (ਪੀਟੀਆਈ)