ਚੰਨੀ ਦੇ ਭਣੇਵੇਂ ਵਿਰੁਧ ਮੋਦੀ ਸਰਕਾਰ ਈ.ਡੀ. ਰਾਹੀਂ ਕਰ ਰਹੀ ਹੈ ਬਦਲੇ ਦੀ ਕਾਰਵਾਈ : ਹਰੀਸ਼ ਚੌਧਰੀ

ਕਿਹਾ, ਪੂਰੀ ਕਾਂਗਰਸ ਖੜੀ ਹੈ ਚੰਨੀ ਨਾਲ

ਚੰਡੀਗੜ੍ਹ, 4 ਫ਼ਰਵਰੀ (ਭੁੱਲਰ) : ਪੰਜਾਬ ਕਾਂਗਰਸ ਦੇ ਇੰਚਾਰਜ ਅਤੇ ਆਲ ਇੰਡੀਆ ਕਾਂਗਰਸ ਕਮੇਟੀ ਦੇ ਜਨਰਲ ਸਕੱਤਰ ਹਰੀਸ਼ ਚੌਧਰੀ ਨੇ ਕਿਹਾ ਹੈ ਕਿ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਦੇ ਭਾਣਜੇ ਵਿਰੁਧ ਈ.ਡੀ. ਦੀ ਕਾਰਵਾਈ ਬਦਲੇ ਦੀ ਭਾਵਨਾ ਨਾਲ ਮੋਦੀ ਸਰਕਾਰ ਵਲੋਂ ਕੀਤੀ ਗਈ ਹੈ | ਉਨ੍ਹਾਂ ਕਿਹਾ ਕਿ ਸਾਰੀਆਂ ਹੀ ਵਿਰੋਧੀ ਪਾਰਟੀਆਂ ਚੰਨੀ ਦੀ ਵਧ ਰਹੀ ਲੋਕਪਿ੍ਅਤਾ ਕਾਰਨ ਉਨ੍ਹਾਂ ਨੂੰ  ਦਬਾਉਣਾ ਚਾਹੁੰਦੀਆਂ ਹਨ ਤੇ ਸੱਭ ਈ.ਡੀ. ਦੀ ਕਾਰਵਾਈ ਦੇ ਪਿੱਛੇ ਹਨ |
ਅੱਜ ਪੰਜਾਬ ਕਾਂਗਰਸ ਭਵਨ 'ਚ ਪ੍ਰੈੱਸ ਕਾਨਫ਼ਰੰਸ ਨੂੰ  ਸੰਬੋਧਨ ਕਰਦੇ ਹੋਏ ਉਨ੍ਹਾਂ ਕਿਹਾ ਕਿ ਚੰਨੀ ਕੇਂਦਰ ਸਰਕਾਰ ਅੱਗੇ ਨਹੀਂ ਝੁਕੇ ਅਤੇ ਪ੍ਰਧਾਨ ਮੰਤਰੀ ਦੇ ਦੌਰੇ ਸਮੇਂ ਵੀ ਕਿਸਾਨਾਂ ਉਪਰ ਲਾਠੀ-ਗੋਲੀ ਨਹੀਂ ਚਲਾਈ | ਇਸ ਕਰ ਕੇ ਬਦਲੇ ਦੀ ਭਾਵਨਾ ਨਾਲ ਉਨ੍ਹਾਂ ਦੇ ਰਿਸ਼ਤੇਦਾਰ 'ਤੇ ਕਾਰਵਾਈ ਕਰ ਕੇ ਡਰਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ | ਉਨ੍ਹਾਂ ਕਿਹਾ ਕਿ ਮੋਦੀ ਸਰਕਾਰ ਦੀ ਅਜਿਹੀ ਪਹਿਲੀ ਕਾਰਵਾਈ ਨਹੀਂ ਬਲਕਿ ਹਮੇਸ਼ਾ ਹੀ ਉਸਨੇ ਚੋਣਾਂ ਸਮੇਂ ਵੱਖ ਵੱਖ ਰਾਜਾਂ 'ਚ ਈ.ਡੀ. ਤੇ ਸੀਬੀਆਈ ਦੀ ਵਰਤੋਂ ਵਿਰੋਧੀਆਂ ਵਿਰੁਧ ਕੀਤੀ ਹੈ | ਉਨ੍ਹਾਂ ਕਿਹਾ ਕਿ ਪੂਰੀ ਕਾਂਗਰਸ ਡੱਟ ਕੇ ਚੰਨੀ ਨਾਲ ਖੜ੍ਹੀ ਹੈ ਤੇ ਕੇਂਦਰ ਦੀ ਅਜਿਹੀ ਕਿਸੇ ਕਾਰਵਾਈ ਤੋਂ ਕਾਂਗਰਸ ਆਗੂ ਡਰਨ ਵਾਲੇ ਨਹੀਂ ਹਨ | ਪਿਛਲੇ ਸਮੇਂ 'ਚ ਹੋਈਆਂ ਕਈ ਰਾਜਾਂ ਦੀਆਂ ੋਚੋਣਾਂ ਵਿਚ ਈ.ਡੀ. ਦੇ ਇਸਤੇਮਾਲ ਦੀਆਂ ਸਪਸ਼ਟ ਉਦਾਹਰਣਾਂ ਸਾਹਮਣੇ ਹਨ | ਇਕ ਮਿਸਾਨ ਪਛਮੀ ਬੰਗਾਲ ਵਿਚ ਹੋਈਆਂ ਚੋਣਾਂ ਸਮੇਂ ਈ.ਡੀ. ਵਰਤੋਂ ਦੀ ਵੀ ਹੈ | ਭਾਜਪਾ ਈ.ਡੀ ਨੂੰ  ਅਪਣਾ ਚੋਣ ਵਿਭਾਗ ਬਣਾ ਕੇ ਵਰਤ ਰਹੀ ਹੈ |