ਬਾਈਡਨ ਤੇ ਟਰੰਪ 'ਚ ਫਸਵੀਂ ਟੱਕਰ
ਵ੍ਹਾਈਟ ਹਾਊਸ ਪਹੁੰਚਣ ਲਈ ਕਿਸੇ ਨੂੰ ਵੀ ਜਿਤਣੀਆਂ ਹੋਣਗੀਆਂ ਘੱਟੋ ਘੱਟ 270 'ਇਲੈਕਟੋਰਲ ਕਾਲੇਜ' ਸੀਟਾਂ
ਵਾਸ਼ਿੰਗਟਨ, 4 ਨਵੰਬਰ : ਅਮਰੀਕਾ ਵਿਚ ਰਾਸ਼ਟਰਪਤੀ ਅਹੁਦੇ ਦੀਆਂ ਚੋਣਾਂ ਵਿਚ ਪਈਆਂ ਵੋਟਾਂ ਦੀ ਗਿਣਤੀ ਵਿਚ ਸਾਬਕਾ ਉਪ ਰਾਸ਼ਟਰਪਤੀ ਅਤੇ ਡੈਮੋਕ੍ਰੇਟਿਕ ਪਾਰਟੀ ਦੇ ਉਮੀਦਵਾਰ ਜੋ. ਬਾਈਡਨ ਅੱਗੇ ਚਲ ਰਹੇ ਹਨ ਪਰ ਉਨ੍ਹਾਂ ਦੇ ਵਿਰੋਧੀ ਅਤੇ ਰਿਪਬਲਿਕਨ ਪਾਰਟੀ ਦੇ ਉਮੀਦਵਾਰ ਤੇ ਮੌਜੂਦਾ ਅਮਰੀਕੀ ਰਾਸ਼ਟਰਪਤੀ ਡੋਨਾਲ ਟਰੰਪ ਨਾਲ ਉਨ੍ਹਾਂ ਦੀ ਫਸਵੀਂ ਟੱਕਰ ਜਾਰੀ ਹੈ। ਫ਼ਾਕਸ ਨਿਊਜ਼ ਅਨੁਸਾਰ ਬਾਈਡਨ 238 ਅਤੇ ਟਰੰਪ 213 'ਤੇ ਜਿੱਤ ਦਰਜ ਕਰ ਚੁਕੇ ਹਨ।
ਉਥੇ ਹੀ ਸੀ.ਐਨ.ਐਨ ਅਨੁਸਾਰ ਬਾਈਡਨ ਨੂੰ 220 ਅਤੇ ਟਰੰਪ ਨੂੰ 213 ਇਲੈਕਟਰਰਲ ਕਾਲੇਜ ਸੀਟਾਂ 'ਤੇ ਜਿੱਤ ਮਿਲੀ ਹੈ। ਨਿਊਯਾਰਕ ਟਾਈਮਜ਼ ਦੀ ਖ਼ਬਰ ਅਨੁਸਾਰ ਬਾਈਡਨ ਨੂੰ 223 ਅਤੇ ਟਰੰਪ ਨੂੰ 212 'ਤੇ ਜਿੱਤ ਹਾਸਲ ਹੋਈ ਹੈ।
ਵ੍ਹਾਈਟ ਹਾਊਸ ਪਹੁੰਚਣ ਲਈ ਕਿਸੇ ਨੂੰ ਵੀ ਘੱਟੋ ਘੱਟ 270 'ਇਲੈਕਟੋਰਲ ਕਾਲੇਜ ਸੀਟਾਂ' 'ਤੇ ਜਿੱਤ ਦਰਜ ਕਰਨੀ ਹੋਵੇਗੀ। ਪੈਨਸਲਵੇਨੀਆਂ ਅਧਿਕਾਰੀਆਂ ਨੇ ਬੁਧਵਾਰ ਤੜਕੇ ਉਨ੍ਹਾਂ ਦੇ ਨਤੀਜਿਆਂ ਦੇ ਸਪੱਸ਼ਟ ਹੋਣ ਵਿਚ ਹਾਲੇ ਇਕ ਦਿਨ ਹੋਰ ਲੱਗਣ ਦੀ ਗਲ ਕਹੀ ਸੀ। ਪੈਨਸਲਵੇਨੀਆਂ ਵਿਚ ਮਹੱਤਵਪੂਰਨ 20 ਇਲੈਕਟੋਰਲ ਸੀਟਾਂ ਹਨ।
ਕਈ ਪ੍ਰਮੁਖ ਮੀਡੀਆ ਸੰਗਠਨਾਂ ਨੇ ਹਾਲੇ ਤਕ ਮਿਸ਼ੀਗਨ, ਵਿਕਾਨਸਨ, ਨਾਰਥ ਕੈਰੋਲਾਈਨਾ, ਜਾਰਜੀਆ ਅਤੇ ਨਵੇਡਾ ਵਰਗੇ ਪ੍ਰਮੁਖ ਬੈਟਲ ਗਰਾਉਂਡ ਸੂਬਿਆਂ 'ਤੇ ਅਪਣੇ ਅੰਦਾਜ਼ੇ ਐਲਾਨੇ ਨਹੀਂ। ਬੈਟਲ ਗਰਾਉਂਡ ਉਨ੍ਹਾਂ ਸੂਬਿਆਂ ਨੂੰ ਕਿਹਾ ਜਾਂਦਾ ਹੈ
ਜਿਥੇ ਰੁਝਾਨ ਸਪੱਸ਼ਟ ਨਹੀਂ ਹੁੰਦੇ। ਖ਼ਰਬ ਅਨੁਸਾਰ ਬਾਈਡਨ ਨੇ ਕੋਲਾਰਾਡੋ, ਕਨੇਕਿਟਕਟ, ਡੇਲਾਵੇਅਰ, ਇਲੀਨੋਈਸ, ਮੈਸਾਚੁਸੇਟਸ, ਨਿਊ ਮੈਕਸਿਕੋ, ਵਰਮੋਂਟ ਅਤੇ ਵਰਜੀਨੀਆ ਵਿਚ ਜਿੱਤ ਦਰਜ ਕਰ ਲਈ ਹੈ, ਜਦੋਂਕਿ ਰਾਸ਼ਟਰਪਤੀ ਟਰੰਪ ਅਲਬਾਮਾ, ਅਕਾਰਸਸ, ਕੇਂਟਕੀ, ਲੁਸੀਆਨਾ, ਮਿਸੀਸਿਪੀ, ਨੇਬਰਾਸਕਾ, ਨਾਰਥ ਡਕੋਟਾ, ਓਕਲਾਹੋਮਾ, ਸਾਊਥ ਡਕੋਟਾ, ਟੇਨੇ
imageਸੀ, ਵੈਸਟ ਵਰਜੀਨੀਆ, ਵਯੋਮਿੰਗ, ਇੰਡੀਆਨਾ ਅਤੇ ਸਾਊਥ ਕੈਰੋਲਾਈਨਾ ਵਿਚ ਅੱਗੇ ਚਲ ਰਹੇ ਹਨ। (ਪੀਟੀਆਈ)
