ਅਗਰ ਭਾਰਤ ਪਾਕਿਸਤਾਨ ਵਿਚਾਲੇ ਹੁੰਦੀ ਹੈ ਜੰਗ ਤੇ ਸਭ ਤੋਂ ਜਿਆਦਾ ਪੰਜਾਬ ਅਤੇ ਸਿੱਖਾਂ ਦੇ ਧਾਰਮਿਕ ਸਥਾਨਾਂ ਨੂੰ ਹੋ ਸਕਦਾ ਹੈ ਨੁਕਸਾਨ - ਇਮਾਨ ਸਿੰਘ ਮਾਨ
Amritsar News in Punjabi : ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਬਣ ਰਹੇ ਜੰਗ ਦੇ ਮਾਹੌਲ ਨੂੰ ਲੈ ਕੇ ਜਿੱਥੇ ਇੱਕ ਪਾਸੇ ਭਾਰਤ ਸਰਕਾਰ ਦੇ ਦਿਸ਼ਾ ਨਿਰਦੇਸ਼ਾਂ ਤੇ ਹੁਣ ਪੂਰੇ ਭਾਰਤ ’ਚ ਵੱਖ-ਵੱਖ ਥਾਵਾਂ ’ਤੇ ਮੌਕ ਡਰਿਲ ਕਰਨ ਦੀ ਤਿਆਰੀਆਂ ਕੀਤੀਆਂ ਜਾ ਰਹੀਆਂ ਹਨ। ਉੱਥੇ ਦੂਸਰਾ ਪਾਸਿਓ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਵੱਲੋਂ ਇਸ ਨੂੰ ਗੰਭੀਰਤਾ ਨਾਲ ਲੈਂਦੇ ਹੋਏ ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਲਗਾਤਾਰ ਵੱਧ ਰਹੇ ਤਨਾਵ ਅਤੇ ਜੰਗ ਦੀ ਸੰਭਾਵਨਾ ਨੂੰ ਰੋਕਣ ਲਈ ਇੱਕ ਮੰਗ ਪੱਤਰ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਦਫ਼ਤਰ ਦਿੱਤਾ ਗਿਆ।
ਇਸ ਦੌਰਾਨ ਅਕਾਲੀ ਦਲ ਅੰਮ੍ਰਿਤਸਰ ਦੇ ਕਾਰਜਕਾਰੀ ਪ੍ਰਧਾਨ ਇਮਾਨ ਸਿੰਘ ਮਾਨ ਨੇ ਕਿਹਾ ਕਿ ਇਹ ਜੰਗ ਦੀ ਸੰਭਾਵਨਾ ਸਿਰਫ ਦੋ ਰਾਜਾਂ ਦੀ ਨਹੀਂ ਸਿੱਖ ਕੌਮ ਅਤੇ ਪੰਜਾਬ ਲਈ ਵੱਡਾ ਸੰਕਟ ਹੈ। ਦੋਵਾਂ ਦੇਸ਼ਾਂ ਕੋਲ ਪਰਮਾਣੂ ਵਰਗੇ ਖਤਰਨਾਕ ਹਥਿਆਰ ਹਨ ਜੇਕਰ ਜੰਗ ਲੱਗੀ ਤਾਂ ਸਭ ਤੋਂ ਵੱਧ ਨੁਕਸਾਨ ਪੰਜਾਬ ਨੂੰ ਅਤੇ ਸਿੱਖਾਂ ਦੇ ਧਾਰਮਿਕ ਸਥਾਨਾਂ ਨੂੰ ਹੋਵੇਗਾ ਚਾਹੇ ਉਹ ਭਾਰਤ ’ਚ ਹੋਣ ਚਾਹੇ ਉਹ ਪਾਕਿਸਤਾਨ ’ਚ ਹੋਣ ਅਜਿਹੀਆਂ ਹਾਲਾਤਾਂ ਵਿੱਚ ਸਾਡੇ ਇਤਿਹਾਸਿਕ ਗੁਰਦੁਆਰੇ ਜਿੰਨਾਂ ਵਿੱਚ ਨਨਕਾਣਾ ਸਾਹਿਬ ਦਰਬਾਰ ਸਾਹਿਬ ਲਾਹੌਰ ਕਰਤਾਰਪੁਰ ਸਾਹਿਬ ਅਤੇ ਹੋਰ ਪਵਿੱਤਰ ਅਸਥਾਨ ਵੀ ਸ਼ਾਮਿਲ ਹੈ।
ਇਮਾਨ ਸਿੰਘ ਮਾਨ ਨੇ ਕਿਹਾ ਜੇਕਰ ਇਹ ਹਮਲਾ ਹੁੰਦਾ ਹੈ ਤਾਂ ਇਹ ਸਾਡੀ ਰੂਹਾਨੀ ਵਿਰਾਸਤ ਤੇ ਹੋਣ ਵਾਲਾ ਹਮਲਾ ਹੋਵੇਗਾ। ਉਹਨਾਂ ਕਿਹਾ ਪਹਿਲਗਾਮ ਕਸ਼ਮੀਰ ਵਿੱਚ 26 ਬੇਕਸੂਰ ਮਤਾ ਬੇਹਦ ਦੁਖਦਾਈ ਹਨ ਪਰ ਇਹਨਾਂ ਮੌਤਾਂ ਦੇ ਅਧਾਰ ’ਤੇ ਪੂਰੇ ਖੇਤਰ ਨੂੰ ਜੰਗ ਵੱਲ ਧੱਕਣਾ ਗਲਤ ਗੱਲ ਹੈ।
(For more news apart from Akali Dal Amritsar submitted a demand letter SGPC stop war in midst tense situation between India and Pakistan News in Punjabi, stay tuned to Rozana Spokesman)
