ਭਾਰਤ ਅਤੇ ਚੀਨ ਦੀ ਸਰਹੱਦ 'ਤੇ ਤਣਾਅ ਵਾਲੀ ਸਥਿਤੀ ਹੈ
ਨਵੀਂ ਦਿੱਲੀ : ਭਾਰਤ ਅਤੇ ਚੀਨ ਦੀ ਸਰਹੱਦ 'ਤੇ ਤਣਾਅ ਵਾਲੀ ਸਥਿਤੀ ਹੈ। ਇਸ ਦੌਰਾਨ ਦੋਹਾਂ ਦੇਸ਼ਾਂ ਦੇ ਫ਼ੌਜੀ ਕਮਾਂਡਰਾਂ ਦੀ ਕੱਲ੍ਹ ਯਾਨੀ ਸਨਿਚਰਵਾਰ ਨੂੰ ਗੱਲਬਾਤ ਹੋਣ ਜਾ ਰਹੀ ਹੈ। ਸੂਤਰਾਂ ਅਨੁਸਾਰ, ਫ਼ੌਜੀ ਕਮਾਂਡਰਾਂ ਦੀ ਸਵੇਰੇ ਮੋਲਦੋ, ਚੀਨ 'ਚ ਗੱਲਬਾਤ ਹੋਵੇਗੀ, ਜੋ ਲੱਦਾਖ ਸੈਕਟਰ ਦੇ ਚੁਸ਼ੂਲ ਸਾਹਮਣੇ ਸਥਿਤ ਹੈ।
Xi Jinping and Narendra Modi
ਭਾਰਤ ਵਲੋਂ ਇਸ ਗੱਲਬਾਤ ਵਿਚ 14 ਕੋਰ ਕਮਾਂਡਰ ਲੈਫ਼ਟੀਨੈਂਟ ਜਨਰਲ ਹਰਿੰਦਰ ਸਿੰਘ ਚੀਨੀ ਮੇਜਰ ਜਨਰਲ ਲਿਊ ਲਿਨ ਨਾਲ ਚਰਚਾ ਕਰਨਗੇ। ਭਾਰਤੀ ਪੀਪਲਜ਼ ਲਿਬਰੇਸ਼ਨ ਆਰਮੀ ਦੇ ਦਖਣੀ ਝਿਨਜਿਆਂਗ ਮਿਲਟਰੀ ਏਰੀਆ ਦੇ ਕਮਾਂਡਰ ਹਨ।
Indian Army
ਇਸ ਦੌਰਾਨ ਪੂਰਬੀ ਲੱਦਾਖ ਵਿਚ ਅਸਲ ਕੰਟਰੋਲ ਰੇਖਾ (ਐਲ.ਏ.ਸੀ.) 'ਤੇ ਦੋਹਾਂ ਦੇਸ਼ਾਂ ਦਰਮਿਆਨ ਹੋਏ ਵਿਵਾਦ ਨੂੰ ਸੁਲਝਾਉਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ। ਚੀਨ-ਭਾਰਤ ਸਰਹੱਦ ਉੱਤੇ ਚੌਕਸੀ ਰੱਖਣ ਵਾਲੇ ਅਪਣੇ ਪਛਮੀ ਥੀਏਟਰ ਕਮਾਂਡ ਫੋਰਸਾਂ ਲਈ ਚੀਨ ਦੇ ਨਵੇਂ ਸੈਨਿਕ ਕਮਾਂਡਰ ਨਿਯੁਕਤ ਕੀਤੀ ਹੈ।
Army
ਇਹ ਕਦਮ ਸਨਿੱਚਰਵਾਰ ਨੂੰ ਸਰਹੱਦ 'ਤੇ ਤਣਾਅ ਨੂੰ ਖ਼ਤਮ ਕਰਨ ਲਈ ਸੀਨੀਅਰ ਭਾਰਤੀ ਅਤੇ ਚੀਨੀ ਫ਼ੌਜੀ ਅਧਿਕਾਰੀਆਂ ਦਰਮਿਆਨ ਹੋਈ ਵੱਡੀ ਗੱਲਬਾਤ ਤੋਂ ਪਹਿਲਾਂ ਚੁਕਿਆ ਗਿਆ ਹੈ।
ਪੀਪਲਜ਼ ਲਿਬਰੇਸ਼ਨ ਆਰਮੀ (ਪੀ.ਐਲ.ਏ.) ਦੀ ਵੈਸਟਰਨ ਥੀਏਟਰ ਕਮਾਂਡ ਨੇ ਅਪਣੀ ਅਧਿਕਾਰਤ ਵੈੱਬਸਾਈਟ 'ਤੇ ਐਲਾਨ ਕੀਤਾ ਹੈ ਕਿ ਲੈਫ਼ਟੀਨੈਂਟ ਜਨਰਲ ਸ਼ੂ ਕਿਲਿੰਗ ਨੂੰ ਇਸ ਦੀ ਸਰਹੱਦੀ ਸੈਨਾਵਾਂ ਦਾ ਨਵਾਂ ਕਮਾਂਡਰ ਨਿਯੁਕਤ ਕੀਤਾ ਹੈ।
ਖ਼ਬਰਾਂ ਤੋਂ ਮੁਤਾਬਕ ਇਸ ਤੋਂ ਪਹਿਲਾਂ ਕਿਲਿੰਗ ਪੂਰਬੀ ਥੀਏਟਰ ਕਮਾਂਡ ਵਿਚ ਸੇਵਾ ਨਿਭਾਅ ਚੁੱਕੇ ਹਨ। ਪੀ.ਐਲ.ਏ. ਦੀ ਪਛਮੀ ਥੀਏਟਰ ਕਮਾਂਡ ਭਾਰਤ ਨਾਲ 3,488 ਕਿਲੋਮੀਟਰ ਲੰਮੀ ਅਸਲ ਕੰਟਰੋਲ ਰੇਖਾ (ਐਲ.ਏ.ਸੀ.) ਉੱਤੇ ਨਿਗਰਾਨੀ ਕਰਦੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ
